မိမိကိုယ်ကို ဈေးတင်

နေရောင်မှာ ကျိန်းရင်း မျက်နှာသစ်လိုက်တယ် ။

စီးပွားရေးတမ်းချင်းမှာ နှောင်ကြိုးဖြည်ရတဲ့ မျက်လုံးတွေ

ဟင်းသီးဟင်းရွက်တွေက နေရောင်ကို ကြောက်သလို

ရောင်းစကား ၊ ၀ယ်စကား ၊ ဈေးနှုန်းစကား

ပါးစပ်နဲ့ တစ်လုံး မုသားတွေ ရပ်မနေဘူး ။

က ၊ ခုန် ၊ စနည်းနာတာ သူလျှိုလိုလို ၊ ဒလံလိုလို

ပွဲကိုစား အညွန့်ခူး စုံမှိတ်

ဝယ်သူအမြဲမှန်တဲ့ အိပ်မှုန်ပွင့်ကျယ်မှာ

နေရောင်စူးတာလည်း အရိပ်ပျောက်ခဲ့တယ် ။

နေ၀င်မီးလက်တာ လမ်းဘေးဈေးတန်းမှာ

အားရှိနေသူတွေကို အားဖြည့်ဖို့ မျက်စပစ်

သစ်သီးတွေ အနာပါရင် ကိုယ့်အတွက် ချန်ထား

ကျောက်ကောင်းရဲ့ ကိုယ့်အတွက်ကျန်ပုံကို

ငေးလို့ လျှပ်စစ်ဝင်းပ ည ဂူထဲ

ဘက်ထရီမီးနဲ့ ပြန်ရောက်တတ်ရတယ် ။

နောက်တစ်နေ့အတွက် ဖူးပွင့်ရလဒ်ကို တန်းစီရင်း

အမှိုက်ပုံး သာခွေယိုင်နဲ့

မျက်ဝန်းကန့်လန့်ကာတွေ လေးလံ အိပ်ပျော်သွားမှာကို

ခြင်္သေ့ပါးစပ်ထဲ ခေါင်းထည့်ရမလို

ကြောက်ရင်းနဲ့ ကျောက် ၊ ကျောက်ရင်းနဲ့ ကြောက်

နေနဲ့ အတူ အလုပ်ဝင်ရမှာကို အိပ်မက်ရင်း ... ... ။

ငြိမ်းစိုးဦး

( 10 ; 12 ; 2011 )