ဘ၀ဆိုတာ အိမ်တစ်လုံးဆိုရင် အချစ်ဆိုတာ.....ဖြည့်ဆည်းစရာ အလှဆင်မှုတစ်ခုပေါ့

သူငယ်ချင်းရေ … ငါဒီစာကိုရေးရတာဟာ အချစ်ဆိုတာ ဘ၀မှာဘယ်လိုအစိတ်အပိုင်းအဖြစ် ပါဝင်ပတ်သက်နေလဲ ဆိုတဲ့ မင်းရဲ့အမေးစကားကြောင့်ပဲဆိုပါတော့ကွာ။ သူငယ်ချင်း… မင်းလည်း ငယ်ရွယ်တဲ့နေ့ရက်တွေကို ဖြတ်သန်းရင်း အချစ်ဆိုတာကို ကြုံခဲ့ဖူးတာပဲမဟုတ်လား။  အဲသည်လိုကြုံခဲ့ဖူးတဲ့ မင်းက ဒီမေးခွန်းကို အကြောင်းရှိလို့   မေးတယ်ပဲ တွေးလိုက်ပါတယ်။

သူငယ်ချင်းရေ … ဘ၀တစ်ခုမှာ အချစ်နဲ့ကြုံရပြီဆိုရင် အချစ်နဲ့ဘ၀ ညီညွတ်မျှတစွာ အတူတည်ရှိနေနိုင်ဖို့ ကြိုးပမ်းကြရတော့တာပဲလေ။  ဘ၀နဲ့ အချစ်ဆိုတာကလည်း  ပြောရခက်သားပဲ။ သုံးတတ် ရင်ဆေး၊ မသုံးတတ်ရင်ဘေး ဆိုသလို အချစ်ဟာ ဘ၀ အတွက် အားအင်တွေပေးနိုင်သလို၊ ဘ၀တစ်ခုလုံးကို သွက်သွက် ခါ လှုပ်ယိမ်း ပြိုကျ သွားရလောက်အောင်လည်း ဖြစ်စေ နိုင်တယ်လေ။ ဘ၀ ဆိုတဲ့ လမ်းမှာ လျှောက်လှမ်းနေရင်း ဆူး ငြှောင့် ကန်သင်းနဲ့ခလုတ်တိုက်မိတဲ့အခါ ခြေမလေးကွဲသွား တတ်သလို အချစ်နဲ့တိုးတိုက်မိရင်လည်း အခန့်မသင့်တဲ့အခါ နှလုံးသားလေးကွဲသွားတတ်တာပေါ့ကွာ ။ အချစ်ကို ကိုးကွယ် တယ်၊ အချစ်နဲ့ဘ၀ကို ဘ၀ကို တည်ဆောက်တယ် ဆိုတဲ့ စကားဟာ စိတ်ကူးယဉ်လို့အကောင်းဆုံး၊ အချိုမြိန်ဆုံးအဖြစ်နဲ့ မင်းတို့ငါတို့အတွေးထဲမှာဝင်းပဖူးခဲ့တာပဲမဟုတ်လား။

မင်းမေးတဲ့မေးခွန်းနဲ့ပတ်သက်လို့ ဒီနေရာမှာ ငါတစ်ခုလောက် ပြောပြချင်သယ် သူငယ်ချင်း။ အချစ်နဲ့ဘ၀ကို တည်ဆောက်ကြတယ် ဆိုပါစို့ကွာ။ အဲသည့်အချစ်မရှိတော့ရင် ဘ၀ဟာ မှီတွယ်ရာမဲ့ဟင်းလင်းပြင်ထဲလွင့် မျောသွား တယ်လို့များ မင်း ခံစားခဲ့ရဖူးမလား။ အချစ်ကြောင့် ဘ၀ပျက်ခဲ့ရတယ်ဆိုတဲ့ ဖြစ်ရပ်များ မင်း ကြုံဖူး၊ ကြားဖူးခဲ့ မလား။ ဒီလိုဖြစ်ရပ်တွေ ဖြစ်တာ ဘာကြောင့်လဲ …။ လူအမျိုးမျိုးမှာ အကြောင်းအမျိုးမျိုးကြောင့် ဖြစ်ရပ်တွေကွဲပြား၊ ရလာဒ်တွေ ခြားနားကြပါတယ်လို့ ဆိုပေမင့် အချစ်ကြောင့် ဘ၀ မှာထိခိုက်ကြရတယ်ဆိုတဲ့ ဖြစ်အင်တွေရဲ့ အဓိကအချက်က အချစ် ဟာ လူတွေအတွက် ဘ၀လောက် အရေးကြီးတဲ့အစိတ်အပိုင်းမဟုတ်လို့ပါပဲ။ မင်းလည်း ကြားဖူးမှာပါ။ No money. No Honey. တဲ့။ ပိုက်ဆံမရှိရင် ပျားရည်ဝယ်လို့ မရဘူး လို့ ငါတို့နောက်ပြောင်ပြီး ပြောခဲ့ကြ သေးတယ်နော်။ ဒီစကားဟာ ကဗျာမဆန်ပေမဲ့ ၊ နာလိုခံခက်စရာဖြစ်ပေမဲ့ လက်တွေ့နဲ့တော့ နီးစပ်မှုအရှိဆုံးပါသူငယ်ချင်းရေ။

သူငယ်ချင်းရေ … အချစ်မရှိရင် ဘ၀မရှိတာလား၊ ဘ၀မရှိရင် အချစ်မရှိတာလား၊ ငါတွေးတော ငေးမောခဲ့ဖူးပါရဲ့။ ဒီလိုနဲ့ တနင်္ဂနွေနေ့ရက်တွေအကြိမ်ကြိမ်ဖြတ်ကျော်ခဲ့ပြီး … အချစ်နဲ့ဘ၀ကို အကြိမ်ကြိမ်သင်ယူခဲ့ရင်း အဖြေကို သိခဲ့ရ ပါတယ်။ တကယ်တော့ အချစ်ဟာ မူလတည်ရှိသူမဟုတ်ခဲ့ပါဘူး။ ဘ၀ ကသာ မူလတည်ရှိသူပါ။ အချစ်က ဘ၀ ကိုမှီတွယ် ပြီးကာမှ ဘ၀ကို ပိုပြီးလှပ၊ ချိုမြိန်စေတာပါ။ ဒီလိုမျိုး သင်ယူခဲ့ပြီးမှ ငါဟာ ဘ၀ဆိုတဲ့ အိမ်တစ်လုံးကိုသာ အခိုင်အမာတည် ဆောက် ဖို့ မြင်နိုင်ခဲ့ပါတယ်။ “ ဘ၀ ” ဆိုတဲ့အိမ်တစ်လုံးကို အခိုင်အမာတည်ဆောက်ပြီးရင်တော့ … အချစ်ဟာလာရောက် နေထိုင် ဖို့ အဆင်သင့်ဖြစ်ပြီပေါ့။ ဒီလိုအတွေးနဲ့ ငါဟာ “ ဘ၀ ” ကိုသာအရင်ဦးဆုံး တည်ဆောက်နေတာပေါ့။ ငါတည်ဆောက်လိုက်တဲ့ ခိုင်မာတဲ့၊ လုံခြုံတဲ့၊ နွေးထွေးတဲ့ ဘ၀ ဆိုတဲ့အိမ်ထဲမှာ … အချစ် ကိုဖိတ်ခေါ်ပြီးနေထိုင် စေမယ် ဆိုရင် အချစ် ကလည်း ငါ့ရဲ့အိမ်ကလေးမှာလစ်ဟာနေတဲ့ လှပချိုမြိန်မှုတွေကိုဖြည့်ဆည်းပေးမှာအမှန်ပါပဲကွာ။ ဒီလိုမှမဟုတ်ဘဲ အချစ်ကိုသာ အရင်တည်ဆောက်မယ်ဆိုရင် … အိမ်မရှိတဲ့အတွက် အချစ်တွေဟာ အကာအကွယ်မဲ့ ဟင်းလင်းပြင်ကြီးထဲမှာ မိုးဒဏ်လေဒဏ်တွေနဲ့ ချိုမြိန်ဖို့ခက်တော့မှာအသေအချာပေါ့။

နီဟိန်းအောင်