“ကျလိ…….ကျလိ……...ကျလိ……..ကျလိ”

အသံတွေကြားနေရပြီ။ အဲဒါ ကျုပ်မိတ်ဆွေတွေရဲ့ မနက်ခင်းတေးသံတွေ။ မနက်ဆို ကျုပ်အိပ်ရာထနောက်ကျတတ်မှန်းသိလို့ သူတို့အစာရှာထွက်ရင် ကျုပ်အိမ်ရှေ့ကနေဖြတ်ပြီး နှိုးသွားကြတာ။ ကျုပ်မှာလည်း သားနဲ့မယားနဲ့ တစ်နေ့ရှာမှ တစ်နေ့စားဘဝဆိုတော့လည်း သူများထက်အစားများများ ဦးအောင်စုနိုင်မှ။

အတောင်ပံတွေ အညောင်းဆန့်လိုက်ပြီး အမွှေးတွေနည်းနည်းသပ်ရပ်အောင်လုပ်လိုက်တယ်။ မနေ့က လက်ကျန်အစာလေးကောက်ဝါးလိုက်ပြီး အိမ်ပေါ်ကနေ အတောင်ပံအားကိုးနဲ့ ခုန်ချလိုက်စဉ်မှာပဲ…. အိုး ………. ကြည့်စမ်းပါဦးဗျာ။ ကောင်းကင်ကြီးက အုံ့မှိုင်းလို့ပြိုတော့မယ့်သယောင်။ ခုချက်ချင်းပဲ ငိုချတော့မယ့် ကလေးငယ် တစ်ယောက်လို။ ခါတိုင်းဆို ဒီအချိန် ကျုပ်အစာရှာထွက်ရင် ကြာကြာမပျံနိုင်ဘူး။ မိတ်ဆွေ နေမင်းကြီးက ကမ္ဘာကို သူတစ်ဦးတည်းပိုင်သည့်အလား အလင်းတွေဖြန့်ကြက်ထားလိုက်တာမှ။ ဒီနေ့တော့ ထူးထူးဆန်းဆန်း ကိုကောင်းကင်က သူ့ရဲ့ တိမ်မည်းလွှာတွေနဲ့ ရစ်ပတ်လွှမ်းခြုံထားတော့ မိတ်ဆွေနေမင်း စိတ်ထင်တိုင်း အစိုးမရနိုင်ရှာ။

“ဟေ့…………ကိုကောင်းကင်…….ဘာဖြစ်နေတာလည်းဗျ”
အရင်ဆုံးတွေ့တဲ့မိတ်ဆွေကြီးကိုကောင်းကင်ကိုလှမ်းနှုတ်ဆက်လိုက်တယ်။

“ဟင်……….ကိုငှက်ပါလား…….ခုမှလာသကိုး………”

“အေးဗျာ…အိပ်ရာထနောက်ကျနေလို့ဗျ….။ ခင်ဗျား… ဒီနေ့ တစ်ခုခုဖြစ်နေတယ်ထင်တယ်…….”

“အင်း………ကျုပ်စိတ်တွေအုံ့မှိုင်းနေတယ်………မကြည်လင်ဘူးဗျာ….. ရင်ထဲမှာလည်းတစ် ဆို့ဆို့ကြီးနဲ့……. ငိုလည်းငိုချင်တယ်ဗျာ………ဟီး……..ဟီး……..ဟီး…………”

ဟောဗျာ….. ပြောရင်းဆိုရင်း သူ့မျက်ရည်တွေ ကျုပ်ပေါ်လာစင်ပါလေရော….။

“ဟာ………ဟေ့………ဟေ့…..ကိုကောင်းကင်……….”

မရတော့…..။ ကျုပ် ခေါ်သံမကြားနိုင်အောင်ပင် သူရှိုက်ကြီးတငင်ငိုနေလိုက်တာ ကျုပ်တစ်ကိုယ်လုံးရွှဲရွှဲစိုလို့

နီးရာအပင်အောက် ဝင်ခိုရပြန်တယ်။ သူအငိုတိတ်တော့မှ အသာလေးလစ်ထွက်ဖို့တောင်ပံခတ်တော့……

“ အောင်မယ်လေး…… ”

စိတ်ထဲက အလန့်တကြား ဘုရားတမိသွားတယ်။ ကျုပ် အတောင်တွေ ရိုက်ချလိုက်သလိုဗျာ….။ တရားခံရှာတော့

ဘယ်သူများလည်းမှတ်တယ်။ မိတ်ဆွေကိုလေပြည်ကြီးကိုး……။

“ ခင်ဗျားဗျာ…….။ အတော်ဆိုးတယ်…….။ ကျုပ် ကံကောင်းလို့ မသေတာ…… ” တွေ့တွေ့ချင်း ဒေါသနဲ့ရန်ထောင်လိုက်တော့….။

“ ဆောရီးဗျာ…..။ ကျုပ် စိတ်တွေသိပ်တင်းကြပ်နေတာ ကြာပြီ။ မခံနိုင်တော့လို့ နည်းနည်းပါးပါးလျော့သွားအောင် ခပ်ပြင်းပြင်းလေးမှုတ်ထုတ်လိုက်မိတာပါဗျာ…………..”

လာပြန်ပြီ….. နောက်တစ်ယောက်…….။ ဒီနေ့မှ ဘာလို့များ ငိုချင်ရတာတွေ၊ တင်းနေရတာတွေနဲ့ ကြုံနေရတာပါလိမ့်နော်…..။

သူ့ကိုလည်းအသာလေးပြုံးပြနှုတ်ဆက်ပြီးအစာရှာထွက်ခဲ့ပြန်တယ်။

ဟော……. တွေ့ပြီ။ ရှေ့နားမှာ ဆန်စိလေးတွေ အပုံလိုက်ပါလား။ စောနက ငိုတာတွေ၊ တင်းတာတွေနဲ့ တွေ့ပြီး ခုတော့ ကံကောင်းပြီထင်ပါ့။ လောဘစိတ်လေးနဲ့ ကျုပ် ခပ်မြန်မြန်လေးတောင်ပံခတ်လိုက်တယ်။

“အမယ်လေး…..ဘာတွေလဲဗျ……….”

စေးထန်းထန်းအရာတွေ ကျုပ်ခြေထောက်ပေါ်လာပေကျံတော့ အလန့်တကြား အော်မိပြန်တယ်။

“အော်……… မိတ်ဆွေကြီး ကိုငှက်ပါလား…. အတော်လန့်သွားတယ်ထင်ပါ့……..”
နှုတ်ဆက်သံကြားလို့ ကြည့်လိုက်တော့မှ ကျုပ် မိတ်ဆွေ ကိုမြေကြီးပါလား။

“ လန့်တာပေါ့ဗျာ….။ ကျုပ် ဆန်စေ့လေးတွေ ကောက်မလို့ဗျ….။ နေပါဦး.. ခင်ဗျားပေါ်က ဘာတွေတုန်း…. ”
ကျုပ်ခြေထောက်ပေါ်ပေကျံနေတာတွေသုတ်ရင်းစပ်စပ်စုစုမေးလိုက်တယ်။

“အော်….. ဒါတွေလား………။ လွန်ခဲ့တဲ့ ၆၆ နှစ်က ကျုပ် သိပ်ချစ်ရတဲ့ အာဇာနည်ခေါင်းဆောင်ကြီးတွေရဲ့ သွေးတွေလေဗျာ….။ ကျုပ် အမှတ်တရ သိမ်းထားတာဗျ…. ဒီလိုနေ့တွေရောက်တိုင်း ကျုပ် သတိရလွန်းလို့ ပြန်ဖြန့်ကြည့်မိတာပါဗျာ…….။”

ဆို့နင့်စွာနဲ့သူပြောတော့မှ………….။

အလို………….။ ဟုတ်ပေသားပဲ……..။ ဒီနေ့……………… ဒီနေ့ဟာ……………………..။ ကျုပ်……..ကျုပ် စိတ်တွေ…………..စိတ်တွေ………………..။
“ဟေ့လူ…….ကိုငှက်……….နေဦးလေဗျာ……အစာတွေကောက်သွားဦးလေ………ဟေ့လူ………….”
မကြားတော့………။ ကျုပ် ဘာကိုမှ မကြားတော့ပါ။ ရင်ထဲမှာ မှတ်မှတ်ရရ သိမ်းထားသော၊ ကြာခဲ့ပြီဖြစ်သော ကဗျာလေးတစ်ပုဒ်ထဲမှ စာသားတချို့ခပ်တိုးတိုးလေး……….။

“ ၁၉၄၇ ပြောင်းကြွတမလွန်

မျက်ရည်သွန်လို့ ဘဝင်ညှိုး

ဇူလိုင် တစ်ဆယ့်ကိုး

ပြည်ထောင်စုရဲ့ ကျေးဇူးရှင်

ပြည်ချစ် တို့ဖခင်”

ပြည်ချစ် တို့ဖခင်………..

ပြည်ချစ် တို့ဖခင်………..

အလို………………. ကျုပ် မျက်ဝန်းမှာ မျက်ရည်မိုးတွေ သွန်းဖြိုးနေပါပေါ့လား……………………..။

( ၂ဝ၁၃၊ ဇူလိုင် ၁၉ တွင် ကျရောက်မည့် ၆၆ နှစ်မြောက်အာဇာနည်နေ့ အမှတ်တရ)

ဂျွန်မိုး

10-7-2013 (2:15 PM)

ကျွန်မစာမဖတ်ဖြစ်တဲ့ အခါမျိုးတွေ စာပေဟောပြောပွဲခွေတွေ နားထောင်ဖြစ်တယ်။ နားထောင်ရင်းနဲ့  ဒီအကြောင်းအရာလေးတော့ သူများတွေကို ပြန်မျှဝေချင်တယ်ဆိုတဲ့  ခံစားချက်မျိုး ဖြစ်လာတဲ့အခါ ပို့ စ်တစ်ပုဒ်ရေးဖို့  အကြောင်းဖန်လာတယ်ပေါ့။

အဲဒီတော့ တစ်ချို့  စာပေဟောပြောပွဲခွေ နားထောင်ပြီးတဲ့သူပဲဖြစ်ဖြစ်၊ စာအုပ်ဖတ်ပြီးတဲ့သူပဲဖြစ်ဖြစ် ဟာ… တို့ သိပြီးသားတွေပါ..ဒီစာရေးသူက သူများပြောတာတွေကို ပဲ ပြန်ပြန်ပြောပြနေတာပဲလို့  အထင်မရောက်ကြဖို့  ကျွန်မက ပထမဦးစွာ မေတ္တာရပ်ခံချင်ပါတယ်။

ဟုတ်ပါတယ်။ တစ်ချို့ တွေ ဖတ်ပြီးကောင်း ဖတ်ပြီးမယ်၊ နားထောင်ပြီးကောင်း ပြီးမယ်။ သို့ သော် နားမထောင်ရသေးတဲ့  သူများ မဖတ်ရသေးတဲ့ သူများ အတွက် ကျွန်မရဲ့ မျှဝေပေးတဲ့  ပို့ စ်လေးကို ဖတ်ပြီး တစ်စုံတစ်ခု ရသွားစေချင်တဲ့ စေတနာအရင်းခံနဲ့  ပြန်လည်မျှဝေခြင်းဆိုတာကို နားလည် ပေးစေချင်ပါတယ်။

ဒီတစ်ခါတော့ ကျွန်မပြောချင်တာက ချစ်တဲ့  ညီမလေးတွေ မောင်လေးတွေ အစ်ကိုတွေ အစ်မတွေ ကို အရှိကို အရှိအတိုင်းလက်ခံဖို့ ။ ဆရာက ဘယ်လိုပြောလဲဆိုရင် ‘’မင်းလက်ခံလိုက်စမ်းပါ’’ တဲ့။

ကဲ….. ကျွန်မတို့  ဘာကို အရှိအရှိအတိုင်းလက်ခံကြရမှာလဲ????? စဉ်းစားရအောင်နော်။

ခုခေတ် ရေပန်းအစားဆုံးက ဘာလဲ။ မိန်းကလေးပဲဖြစ်စေ..ယောက်ျားလေးပဲဖြစ်စေ… ဘာဖြစ်ချင် ကြလဲ။

ရုပ်ချောချင်ကြတယ်။ လှချင်ကြတယ်။ စမတ်ကျချင်ကြတယ်။

ဒါဆိုရင် တကယ်လို့ များ အမေမွေးကတည်းက ရုပ်ကလည်း မချောမလှပါဘူး၊ စမတ်လည်း မကျပါဘူး ဆိုရင် ဒီလူတွေ ဘာတွေလုပ်မလဲ။

‘’လက်ခံလိုက်စမ်းပါ’’ ။ အရှိအရှိအတိုင်း ရိုးသားစွာ လက်ခံလိုက်ကြစမ်းပါ။

ကျွန်မဒီလိုတွေပြောလို့  ရိုင်းတယ်လို့  မထင်ပါနဲ့ နော်။ ကျွန်မလည်း ဆရာ့ ရဲ့အာဘော်ကို နားထောင်ပြီး အားပါလာတော့ အားရပါးရ ပြန်ဖောက်သည်ချချင်တာနဲ့  အရေးအသားတွေများ ရင့်သီးသလိုဖြစ်သွားခဲ့ရင် ခွင့်လွှတ်နားလည်ပေးကြပါလို့  ထပ်မံတောင်းပန်ပါတယ်။

ကျွန်မလည်း တောင်းပန်တာတွေ သိပ်များနေပြီထင်တယ်နော်။ ထားပါတော့.. ဆက်ကြရအောင်နော်။

ခုခေတ် တို့ လူငယ်တွေ စိတ်မကောင်းအဖြစ်ဆုံးဟာ ရုပ်ဆိုးခြင်းပါ။ ဒါပေမဲ့  ဒါဟာ ရွေးချယ်ခွင့် ရှိလို့ လား။ ပြန်စဉ်းစားနော်။ ရွေးချယ်ခွင့်မရှိသော်လည်း ပြုပြင်လို့  ရတယ်လို့  ခေတ်အမြင်နဲ့  ပြန်ဆွေးနွေးကောင်း ဆွေးနွေးနိုင်ပါတယ်။

သို့ သော် ဒီပြုပြင်တဲ့  ကိစ္စနဲ့  ပတ်သက်ပြီး ကျွန်မတို့  ဆွေးနွေးလိုက်မယ်ဆိုရင် ကျွန်မမျှဝေချင်တဲ့  ဆရာ့ ရဲ့  အိုင်ဒီယာ၊ ဆရာ့ရဲ့  စေတနာကို ပြည့်ဝအောင်၊ ထိရောက်အောင် မပြောနိုင်ပဲနဲ့  သွေဖယ်သွားနိုင်တာကြောင့်  ပြုပြင်လို့ ရတဲ့ ကိစ္စကို ဒီမှာပဲ ခဏရပ်ပြီး ဆက်ပြောပါရစေနော်။

ဟုတ်ပြီ။ ရွေးချယ်ခွင့်နဲ့  ပတ်သက်လို့  ဆက်ပြောမယ်ဆိုရင် လက်ဘက်ရည်ဆိုင်မှာ လက်ဘက်ရည်လား ကော်ဖီလား ရွေးချယ်နိုင်တယ်။ အ၀တ်အစားတွေ ၀ယ်ရင် ကိုယ်ကြိုက်တာကို ရွေးချယ်ဝယ်နိုင်တယ်။

ဒီလို ပဲ ရုပ်ဝတ္ထုပစ္စည်းတွေ ရွေးချယ်ဝယ်ယူနိုင်တယ်။

သို့ သော် ကျွန်မတို့ အဖေ၊အမေကို ရွေးချယ်ခွင့်ရှိသလား။ မရှိပါဘူး။ အဖေက မျက်ပေါက်ကျဉ်းကျဉ်း အသားမဲမဲဖြစ်ချင်ဖြစ်မယ်။ အမေက အသားဖြူတယ် ကြည်တယ် စင်တယ်။ 

အဲဒါတွေကို ရွေးချယ်လို့ မရပါဘူး။

ဒါကြောင့် ‘’လက်ခံလိုက်စမ်းပါ’’

ကိုယ့်ရုပ်ဆိုးတာကို တွေးပြီး အားငယ်နေမှာစိုးလို့  လက်ခံလိုက်ပါ။ ကိုယ့်မှာ ကိုယ်ရွေးချယ်ခွင့် မရှိတာကို လက်ခံလိုက်စမ်းပါ တဲ့ ။

ဆက်ပြောရအောင်နော်။ ရုပ်ချောတဲ့ သူနဲ့  ရုပ်ဆိုးတဲ့သူကို ယှဉ်ပြီး ပြောမယ်ဆိုရင် ရုပ်ဆိုးတဲ့ ကလေးရဲ့ စိတ်ထဲမှာ လောကကြီးကငါ့ကို မပျူငှာဘူး။ လောကကြီးက ငါ့ကို မခေါ်ရင် လောကကြီးက ခေါ်ချင်လာအောင် လုပ်ရမယ်ဆိုပြီး ဗဟုသုတရှိလာအာင်၊ ကိုယ့်ကိုကိုယ်အစွမ်းရှိလာအောင် ကြိုးစားလာကြတယ်။

ရုပ်ချောတဲ့သူကို လောကကြီးက ပျူပျူငှာငှာနဲ့  ရင်ခွင်ထဲသွင်းလိုက်တော့ ရုပ်ချောတဲ့ ကလေးက လောကကြီးရဲ့ မျက်နှာကို မမြင်လိုက်၇ဘူး။ ရုပ်ဆိုးတဲ့  ကလေးက လောကကြီးက သူ့ ကို လက်မခံတော့ သူကလောကကြီးနဲ့  ခပ်လှမ်းလှမ်းကနေရတော့ လောကကြီးရဲ့ မျက်နှာကို

 သေသေချာချာ မြင်လိုက်ရတယ်။ လောကကြီးရဲ့  မျက်နှာကို သေသေချာချာမြင်လိုက်ရတဲ့အခါကြတော့ လောကကြီးကကြိုက်တတ်တာဘာလဲဆိုတာ သိပြီး သူက ကြိုးစားခွင့်ရှိသွားတယ်။

ရုပ်ဆိုးတဲ့ ကလေးက လောကကြီးထဲကို ၀င်ခွင့်မရတော့ ငါဘာရှာရရင်ကောင်းမလဲ။ လောကကို စွဲဆောင်နိုင်တဲ့သဘော ကြိုးစားမယ်။ ပညာသဘော၊ တွေးခေါ်မှုသဘောတွေနဲ့  လောကရင်ခွင်ထဲကို အမှတ်မထင် သင်္ခါရသိပ်ဆန်တဲ့ ချက်ခြင်းပျောက်ပျက်မဲ့ သဘောနဲ့ မဟုတ်ပဲ လောကကို အကူအညီပေးနိုင်မဲ့၊ လောကကို ပံ့ပိုးနိုင်မယ့်သဘောနဲ့ တဖြည်းဖြည်းချင်းလောကရဲ့ ရင်ခွင်ထဲကို ရောက်လာတယ်။

သူမှာရှိတဲ့ ပင်ကိုယ်အရည်အချင်းတွေ တက်တက်လာပြီး လောကကြီးကလည်း သူ့ ကို လက်ခံလာတယ်။

သူကိုယ်တိုင်လည်း စကားပြောကောင်းလာတယ်။ အတွေးအခေါ် ဗဟုသုတ ရှိလာတယ်။ ပတ်ဝန်းကျင်ကို အထောက်အပံ့ ပေးလာနိုင်တယ်။

ကောင်းပြီ… အပေါ်ယံ ရုပ်ဆိုးခြင်းနဲ့  ဥာဏ်ပညာဖွံ့ ဖြိုးမှုရှိခြင်းကို တစ်ချက်လောက် လှည့်ကြည့် လိုက်ရအောင်နော်။

ပြင်ပရုပ်သဏ္ဍန်လှအောင်ကြိုးစားလိုက်ကြတာ။ မွေးကတည်းက သေသည်အထိသုံးနေရတဲ့  ဦးနှောက် ဖွံ့ ဖြိုမှုအတွက် မကြိုးစားကြဘူး။ အသိဥာဏ်ပညာထက် ရုပ်လှတာကိုပဲ မက်မောကြတယ်။

ဥပမာလေးပေးရအောင်နော်။ ဗိုလ်ချုပ်အောင်ဆန်း ရုပ်မလှပါဘူး။ လေးစားမှုနဲ့ ကြည့်နေ လို့  ကြည့်ကောင်းနေတာပါ။

ကမ္ဘာနဲ့  ချီပြီး ထပ်ကြည့်ရအောင်နော်။ ဒါပေမဲ့ သမ္မတ လင်ကွန်း၊ ဂျော့်ရ်ှဝါရှင်တန် သူတို့ ကို လူသိများတယ်။ သူတို့  ရုပ်ချောလို့ လား။ မချောပါဘူး။

လောကကြီးမှာ အောင်မြင်ချင်ရင် အ၇ှိကို အရှိအတိုင်းလက်ခံပြီး ကြိုးစားပါတဲ့။ ကျောင်းမနေနိုင်ဘူးလား ဆင်းရဲလား ကျောင်းမထားနိုင်ဘူးလား လက်ခံလိုက်ပါ။ သူများတော့ ကျောင်းနေနိုင်တယ်။ ငါတော့ ကျောင်းမနေနိုင်ဘူးဆိုပြီး ၀မ်းနည်းမနေပါနဲ့ ။ ပကတိအခြေအနေကို လက်ခံလိုက်ပါတဲ့။ ညံ့ ရင် ညံ့ တာကို လက်ခံပြီးမှ တော်အောင် ဘယ်လို လုပ်မလဲ။ ပညာမတတ်ဘူးလက်ခံလိုက်ပါ။ ဘယ်လိုတတ်အောင် ဆက်လုပ်မလဲ။

နောက်ဥပမာတစ်ခုထပ်ပေးရအောင်နော်။

သစ်သားချောင်းတစ်ချောင်းပေါ်ကို သံချွန်၇ိုက်ထည့်ကြည့်လိုက်ပါ။ သံချွန်ကသစ်သားထက်မာတော့ သံချွန်နေဖို့ ကို သစ်သားက နေရာဖယ်ပေးရတယ်။

ဆင်းရဲတာကို လက်ခံပြီးမှ ချမ်းသာအောင် ဘယ်လိုကြိုးစားမလဲ။ လောကကြီးမှာ ကိုယ့်ကိုကိုယ်ခိုင်းပါ။ မခိုင်းရင် သူများက ကိုယ့်ကိုခိုင်းသွားလိမ့်မယ်။ သူများညံ့ ရင် ညံ့တာကို မမြင်ပါနဲ့  တဲ့ ။ ကိုယ်ညံ့ တာကို ပြင်လိုက်ပါ။ သတ္တိနည်းတဲ့သူကို လောကကြီးက မလိုပါဘူး။ ကိုယ့်ကိုကိုယ်မကြည့်ဝံ့တဲ့သူ မဖြစ်ပါစေနဲ့ တဲ့ ။

နောက်တစ်နည်းကတော့ အစားထိုးအောင်မြင်မှုပါတဲ့။ ရုပ်ဆိုးတဲ့သူက ဇာတ်လိုက်မင်းသား ဖြစ်ချင်လို့ မရသလိုပဲ။ တကယ်လို့  ကျွန်မတို့ ဟာ တစ်စုံတစ်ခုသော အကြောင်းကြောင့် မအောင်မြင်နိုင်ဘူးဆိုရင် အစားထိုးအောင်မြင်မှု ရအောင်ကြိုးစားပါလို့  ဆရာက ပြောသွားတယ်။

မင်းဟာအသံမကောင်းလို့  အဆိုတော်မဖြစ်နိုင်ဘူးဆိုရင် အကောင်းဆုံး ဂီတဆရာတစ်ယောက်၊ သီချင်းရေးဆရာတော့ ဖြစ်အောင်လုပ်နိုင်ပါတယ်။

ဒီလိုပဲ အင်္ဂုလိမာလ ကို အားလုံးကြားဖူးမှာပါ။ သူ့ ကိုဆိုရင် လူတွေက လက်ညှိုးတွေ လိုက်ဖြတ် နေတဲ့သူဆိုပြီး အညှိုးကြီးလို့  တွေ့ တာနဲ့  ၀ိုင်းပြီး တုတ်နဲ့ဓားတွေနဲ့ ပစ် ကြတယ်။ အဲလိုဖြစ်တော့ မြတ်စွာဘုရားက သူ့ ကို ကိုယ်ဝန်ဆောင်မိခင်တွေ မီးဖွားရင် မွေးရဖွားရလွယ်ကူစေတဲ့ ပရိတ်ကို ရွတ်ဖတ်ခိုင်းလိုက်တော့ နောက်နောင်မှာ ဂါထာရဲ့  အစွမ်းနဲ့   အင်္ဂုလိမာလသုတ်ရယ်လို့  လူတွေကို အကျိုးပြုပေးပြီး အစားထိုးအောင်မြင်သွားတာပေါ့။

အဲဒီတော့ အဓိကက တကယ်လုပ်ချင်ဖို့ ပဲလိုတယ်။ တကယ်လုပ်ချင်ရင် တကယ်ဖြစ်နိုင်ပါတယ်။

မင်းတုန်းမင်းကြီးလက်ထက်တုန်းက ယောအတွင်းဝန် ဦးဖိုးလှိုင်ကို မင်းတုန်းမင်းကြီးက ဒီလိုမေးတာပေါ့။

‘’ ဟဲ့..ဖိုးလှိုင်…မရှိတာထက် မသိတာခက်တယ်လို့ စကားရှိတယ်ဟဲ့…၊ မသိတာထက် ခက်တယ်ဆိုတဲ့ စကားရောရှိသလား’’ ဆိုတော့

‘’ရှိပါတယ်ဘုရား…. မသိတာထက်… ခက်တာက…မလုပ်တာပါဘုရား….’’ တဲ့

‘’ ဖိုးလှိုင် ဘာကြောင့် မလုပ်တာက ပိုခက်သလဲ’’ ဆိုတော့ ‘’မရှိတာက ရှိအောင် လုပ်ရင် ရှိပါတယ်ဘုရား’’

‘’မသိတာကလည်း.. သိအောင် လုပ်ရင် ..သိပါတယ်ဘုရား…’’

‘’ မလုပ်တာကတော့ ဘာမှကို မဖြစ်နိုင်တော့ပါဘူးဘုရား….’’’တဲ့ 

ရုပ်ဘယ်လောက်ချောချော၊ ငွေတွေ ဘယ်လောက်ရှိရှိ၊ ဘာမှ မလုပ်ရင် ဘာမှ မဖြစ်ပါဘူး။

ကဲ.. ဟုတ်ပြီ။ ရုပ်ဆိုးတဲ့ ကလေးတွေကို အားပေးသလို၊ ရုပ်ချောတဲ့ကလေးကိုလည်း သတိပေးချင်ပါတယ်။

မြတ်စွာဘုရားရှင်လက်ထက်ကပေါ့၊  မဟာဒုတ် ဆင်းရဲလွန်းလို့  ငါးကြင်းလေးနဲ့  ဆွမ်းကပ်ခဲ့ရတယ်။ ဒီအကျိုးလေးကပြန်ပေးတော့ နောင်ဘ၀ သူဌေးမကြီးတစ်ယောက်ရဲ့  ကလေးအဖြစ်ဝင်စားပါလေရော။ ဒီလိုနဲ့  သူဌေးသားမောင်ပဏ္ဏိလေးက ရဟန်းဝတ်ချင်တယ်လို့  မိဘတွေကို ပူဆာတော့ သူဌေးကြီးလင်မယားက ကဲ ၀တ်ချင်လည်း ခတ္တခဏတော့ ၀တ်ပါစေလို့  ခွင့်ပြုသတဲ့။ ဒီလိုနဲ့  မောင်ပဏ္ဏိလေး က မိဘတွေ ခွင့်ပြုသရွေ့  သင်္ကန်းဝတ်ရဟန်းပြုပြီး အချိန်တန် လူထွက်မယ်ဆိုပြီး ရှေ့က ရှင်သာရိပုတ္တရာ မထေရ်ကြီး (ဥပဇ္ဖါန်ဆရာကြီး)က  သင်္ကန်းကြီးတလွင့်လွင့် နဲ့  နောက်ကနေ ရှင်ပဏ္ဏိလေးကိုရင်လေး က သင်္ကန်းလေး မနိုင့်တနိုင်နဲ့  နောက်ကလိုက်အလာ လယ်ကွင်းလေး ဖြတ်ပြီးအလာ ကိုရင်လေးက ကိုယ်တော်ကြီးကို မေးပါလေရော..

‘’ ကိုတော်ကြီးဘုရား လမ်းက ရေမြောင်းတွေက ဘာလုပ်တာလဲ ဘုရား..’’ဒီတော့ ကိုယ်တော်ကြီးက

‘’ရေဆင်းကောင်းအောင် မြောင်းဖောက်ပေးတာပေါ့ ကိုရင်လေးရဲ့’’ ဆိုတော့

‘’ရေမြောင်းမှာ စိတ်ရှိလား ဘုရား..’’ တဲ့

‘’ ဘယ်ရှိမလဲ ကိုယ်တော်လေးရဲ့’’ ဆိုတော့

‘’ စိတ်မရှိတဲ့ ရေတောင်မှ မြောင်းသွယ်လို့  လိုရာ ရောက်နိုင်သေးရင် စိတ်ရှိတဲ့ငါက ဘာလို့  တမဂ်တဖိုရ် ကို မရောက်နိုင်ရမှာလဲ’’ လို့  တွေးသတဲ့ ။

ဒီလိုနဲ့  ခရီးဆက်လာလိုက်တာ လမ်းမှာ မုဆိုးကြီးတစ်ယောက်က မျှားကို မီးပေးဖြောင့်နေတာပေါ့။ ဒါကိုမြင်တော့ ကိုရင်လေးက

‘’အရှင်ဘုရား.. အရှင်ဘုရား.. မုဆိုကြီးက ဘာလုပ်နေတာလဲ ဘုရား…..’’ လို့  မေးပြန်ရော

ဒီတော့ ရှင်သာရိပုတ္တရာ မထေရ်ကြီးက ‘’ ကောက်နေတဲ့  မျှားကို မီးပေးဖြောင့်နေတာပေါ့ကွယ်’’ လို့  ဆိုတော့

‘’မျှားမှာစိတ်ရှိသလားဘုရား..’

‘’ ဘယ်ရှိမလဲ ကိုတော်လေးရဲ့’’ ဆိုတော့

‘’ စိတ်မရှိတဲ့ မျှားတောင်မှ မီးပေးဖြောင့်နိုင်သေးရင် စိတ်ရှိတဲ့ငါက ဘာလို့  တမဂ်တဖိုရ် ကို မရောက်နိုင်ရမှာလဲ’’ လို့  ထပ်တွေးသတဲ့ ။

ဒီလိုနဲ့  ခရီးဆက် လူတစ်ယောက်က သစ်တုံးကို ဓါးမနဲ့  ရွေနေတာကို မြင်ပြန်တော့ ထပ်မေးတာပေါ့။

‘’ဘာလုပ်နေတာလဲ ဘုရား’’ ‘’သစ်တုံးက ကောက်လို့  ဖြောင့်သွားအောင်ရွေတာပေါ့ကွယ်’’ ဆိုတော့

‘’ သစ်တုံးမှာ စိတ်ရှိလား ဘုရား…’’

‘’မရှိဘူးကွယ့်’’

‘’စိတ်မရှိတဲ့  သစ်တုံးတောင်မှ ဖြောင့်သွားအောင် ရွေနိုင်သေးရင် စိတ်ရှိတဲ့ငါက ဘာလို့  တမဂ်တဖိုရ် ကို မရောက်နိုင်ရမှာလဲ’’ ဆိုပြီး အရှင်ဘုရား

‘’ တပည့်တော် စိတ်ရှိတယ်ဘုရား၊ တပည့်တော် ကျောင်းပြန်ပါရစေဘုရား၊ တမဂ်တဖိုရ် ရပါရစေဘုရား’’

လို့ ဆိုတော့ ကျောင်းပြန်ပို့ ။

သူ့ အတွက် လိုအပ်တဲ့ တရားပေး။ ကိုယ့်စိတ်ကို ဂရုစိုက်။ ဘယ်မှ မရောက်စေနဲ့  ကိုယ်တော်ကြီး ဆွမ်းခံကြွဦးမဟဲ့ ဆိုတော့ အရှင်ဘုရား ဆွမ်းခံကြွသွားရင် ငါးကြင်းသားလေးပါအောင် ဆွမ်းခံခဲ့ပါဘုရား။

ဆိုတော့ ကိုယ်တော် ငါးကြင်းသားဆီ စိတ်မရောက်ပါနဲ့။ ရထားတဲ့  ကမ္မဌာန်းတရားမှာ စိတ်ကိုထားပါလို့  မှာလို့ မှာပြီးဆွမ်းခံကြွသွားတာပေါ့။

အဲဒီအချိန်မှာပဲ မြတ်စွာဘုရားရှင်က အာရုံခံလိုက်တော့ ကိုယ်တော်လေး သောတပတ္တိမဂ်၊ ဒကရာကာမိမဂ်၊ အနာကါမိမဂ်ရောက်လို့  အရဟတမဂ်ဆိုက်တော့မဲ့ ဆဲဆဲဆဲလေးမှာ ချိုးချိုးချွတ်ချွတ်အသံကြားရင် အာရုံပျက်တော့မယ်ဆိုပြီး ရှင်သာရိပုတ္တရာ မထေရ်ကြီးဆွမ်းခံပြီး ပြန်ကြွလာမဲ့ အချိန် ကျောင်းပရ၀ဏ်ဝကနေ ကြိုစောင့်နှင့်ပြီး ရှင်သာရိပုတ္တရာ မထေရ်ကြီး နဲ့  တရားတစ်ထုံးတစ်ဖွဲ့ ဆွေးနွေးလည်း ပြီးရော ရှင်ပဏ္ဏိကိုရင်လေးလည်း အရဟတမဂ်ဆိုက်သွားရောပေါ့။

အဲဒါကြောင့် ‘’ စိတ်မရှိတဲ့ ရေတောင်မှ မြောင်းသွယ်လို့  လိုရာ ရောက်နိုင်သေးရင် စိတ်ရှိတဲ့ ငါက ဘာလို့  တမဂ်တဖိုရ် ကို မရောက်နိုင်ရမှာလဲ’’ လို့  တွေးတဲ့   ရှင်ပဏ္ဏိရဲ့  စိတ်ကို နမူနာယူပြီး လောကကြီးကို ၇င်ဆိုင်လိုက်ကြပါ။

အရှိကိုအရှိအတိုင်း လက်ခံပြီး၊ လောကကြီးကို မနာကြည်းပဲ။ ကိုယ့်ဘ၀ကိုယ်မကျေမနပ်မဖြစ်ပဲ၊ နောက်တဆင့်တက်ကာ ကြိုးစားပြီး လောကကြီးကို အနိုင်ယူလိုက်ကြပါ။

မနှင်းဆီ

ရာသီစာ ဆိုတာ ရာသီအလိုက် ပထ၀ီ၊ အာဘော၊ တေဇော၊ ၀ါယော စတဲ့ ဓါတ်ကြီး(၄)ပါးနှင့် တည့်သင့်လျောက် ပတ်အောင် ကျန်းမာရေးနှင့်ညီညွတ်စေပြီး အသက်ရှည်စေသည့်  စားသောက်ရသည့် အစားအသောက်မျိုးပင် ဖြစ်ပါသည်။ ကျွန်မတို့ မြန်မာ လူမျိုးတိုင်းရဲ့ အာသီတကလည်း ရာသီအလိုက် ရာသီစာ များကို သုံးဆောင်ရမှသာ အာသာပြေ ကျန်းမာနေကြသည်လို့ ဆိုချင်ပါသည် ။ ရာသီစာ မစားလိုက်ရသည့် အခါမျိုးမှာ နေထိုင် မကောင်း ချင်သလိုလို ဟာတာတာဖြင့် တစ်ခုခုလိုအပ်နေသည့် ခံစားချက်နှင့် နေထိုင်မကောင်းချင်တောင် ဖြစ်ချင်မိပါသည်။ ဆိုခဲ့သည့်အတိုင်း မြန်မာလူမျိုးများရဲ့ ရိုးရာပွဲတော်များကလည်း ရာသီအလိုက် ဆင်ယင်ကျင်းပလေ့ရှိကြပြီး ရာသီအလိုက် ဆင်နွှဲရတဲ့ ရာသီစာ ပွဲတော်များ၌ ပါဝင်ဆင်နွှဲခြင်း မရှိခဲ့ပါလျှင်မူ “ချဉ်ခြင်းတက်” အာသီသရှိသည့် ဆန္ဒတစ်ခု ကတော့ ရင်တွင်းခိုအောင်းသွားမည်မှာ အမှန်ပင်ဖြစ်ပါသည် ။

ဒီလို ရာသီစာ ပွဲတော်များအနက်မှ မည်သည့်နေရာဒေသ မှာမဆို ရောက်ရှိနေကြတဲ့ မြန်မာတိုင်းရင်းသား လူမျိုး အားလုံး ပါဝင်ဆင်နွှဲကြတဲ့ မြန်မာ့ရိုးရာသင်္ကြန်ပွဲတော်ဟာဆိုရင် တမူထူးခြားတဲ့ နှစ်ဟောင်းမှ နှစ်သစ်သို့ ကူးပြောင်းသည့် မြန်မာနှစ်ကူးလအစ တန်ခူးလမှာ ကျင်းပတဲ့ ရိုးရာပွဲတော်ကြီးပဲ ဖြစ်ပါသည် ။

တန်ခူးလ ကို ပုဂံခေတ်ကျောက်စာရေးထုံး၌ “တန်” မှာ ပါဠိဘာသာဖြင့် “ထန်း” လို့ အဓိပ္ပါယ်ရသည်ဟုဆိုရာ “တန်ခူးလသည် ထန်းသီးများ ဆွတ်ခူးသောလ၊ ထန်းခူးသောလ” ဟု ရေးထုံးဖွဲ့ကြသည်။ မြန်မာစာပေ ထွန်းကားသည့် အင်းဝ ခေတ်ရောက်သော် “တန်ခူးလ” ဟု ရေးသားခဲ့ကြသည်။ ထို့နည်းတူ ရှေးစာဆိုများကလည်း “အတာကူးသောလ” ဟူ၍လည်းကောင်း၊ ဝေါဟာရ လိနန္တဒီပနီကျမ်းတွင် မိန်ရာသီမှ မိဿရာသီသို့ တနင်္ဂနွေဂြိုလ် သင်္ကြန်အတာ ကူးပြောင်းသောကြောင့် “အတာကူးသောလ” ဟုလည်းကောင်း ဖော်ပြကြသည်။ ထို့ကြောင့် တန်ခူးလသည် “နှစ်ကူးလ၊ နှစ်ဆန်းလ၊ နှစ်ဟောင်းလွန်မြောက်၍ နှစ်သစ်သို့ ကူးပြောင်းသောလ” ဟု ဖွင့်ဆိုကြ ပါသည်။ တဖန် သင်္ကြန်ဆိုသည်မှာလည်း ပါဠိဘာသာ သင်္ကန္တ၊ သက္ကဋဘာသာ “သင်္ကြန္တ “ မှ လာသည်ဟု ပညာရှိ များက အဓိပ္ပါယ် ဖွင့်ဆိုကြရာ ကူးပြောင်းခြင်း၊  ပြောင်းလဲခြင်း၊ နှစ်ဟောင်းမှ နှစ်သစ်သို့ ရောက်ရှိခြင်း” ဟု သင်္ကြန် နှင့်သက်ဆိုင်သော မြန်မာ့အယူအဆနှင့် အဓိပ္ပါယ်ဖွင့်ဆိုချက်များကို ဖတ်မှတ်ခဲ့ဖူးပါသည် ။

မြန်မာလူမျိုးတို့ရဲ့ (၁၂)လ ရာသီပွဲတော်များအနက် တန်ခူးလမှာ ဆင်ယင်ကျင်းပသည့် သင်္ကြန်ပွဲတော်သည် အနှစ်သာရ ပြည့်စုံတဲ့ ရည်ရွယ်ချက်၊ အဓိပ္ပါယ်များနှင့် ကလေး၊ လူငယ်၊ လူကြီး အရွယ်စုံ အားလုံးသောသူများ ပျော်ရွှင်စွာ ဆင်နွှဲကြတဲ့ အချင်းအချင်း အပြန်အလှန် ရေပက်ဖျန်းတဲ့ မဟာသင်္ကြန်ပွဲတော် (အတာရေ သဘင် ပွဲတော်) တစ်ခုပဲ ဖြစ်ပါသည် ။ ရှေးအစဉ်အဆက်ကတည်းက အစဉ်အလာဖြင့် ဆင်ယင်ကျင်းပလာသည့် ပွဲတော်မို့ တစ်နှစ်တစ်ခါ နိမိတ်ကောက်ယူ ကျင်းပသည့် မြန်မာ့နှစ်ဦး လတန်ခူး၏ ကျက်သရေ မင်္ဂလာရှိသော အတာ ရေသဘင်ပွဲတော်ကြီးဟုလည်း ဆိုနိုင်ပါသည်။ တဖန် မြန်မာပြက္ခဒိန်မှာ တန်ခူးလဟာ နှစ်ဦးအစ ပထမလ ဖြစ်တာ ကြောင့် နှစ်ဟောင်းမှ အညစ်အကြေးများ၊ မကောင်းခြင်း သဘောဆောင်သည့် နိမိတ်များ၊ မကောင်းသည့်ကံများ ကို အတာရေလို့ခေါ်တဲ့ သင်္ကြန်ရေစင်ဖြင့် တစ်ဦးကိုတစ်ဦး ပက်ဖျန်း ကြခြင်းဖြင့် နှစ်ဦးအစမှာ မင်္ဂလာယူတဲ့ ကောင်းသော နိမိတ်သဘောမျိုးဖြင့် ဆင်ယင်ကျင်းပတဲ့ မင်္ဂလာအပေါင်းကို သယ်ဆောင်လာတဲ့ ရိုးရာပွဲတော်ပဲ ဖြစ် ပါသည် ။

ထို့အပြင် ထေရဝါဒဗုဒ္ဓဘာသာ မြန်မာလူမျိုးများဖြစ်သည့်အားလျော်စွာ သင်္ကြန်အခါရက်များအတွင်း တရားရိပ် သာဝင်ခြင်း၊ ဥပုသ်သီတင်းစောင့်တည်ကာ ဘာဝနာပွားများခြင်း အစရှိသည့် ဘာသာရေးကုသိုလ် များကိုလည်း တရားဝင် အစိုးရရုံးပိတ်ရက်အဖြစ် သတ်မှတ်ပေးထားသည့် ရုံးပိတ်ရက်ရှည်ကာလမှာ တရားဘာသနာ ကုသိုလ် ယူသူများ၊ အယုတ်အလတ် အမြတ် မရွေး အလွှာအစုံစုံမှ သင်္ကြန်ရေကစားသူတို့အားလည်းကောင်း၊ ရိပ်သာဝင်၍ တရား ဘာဝနာပွားများသောသူများ အားလည်းကောင်း စတုဒီသာအကျွေးအမွေးဖြင့် ဒါနကုသိုလ် ယူခြင်း၊ ဝေယျာ ၀စ္စ အလုပ်များ ပြုလုပ်ခြင်းဖြင့် လုပ်အားကုသိုလ်ယူခြင်း အစရှိသည့် မြန်မာ့ရိုးရာ ဓလေ့၏ ရက်ကောင်း ရက်မြတ် အခါသမယလည်း ဖြစ်ပါသည် ။

တန်ခူးလ (ဧပြီလ) တွင်သာ ဖူးပွင့်ဝေဆာကြသည့် ရနံ့ထုံသင်း ၀င်းဝါတဲ့ ပွင့်ဖတ်သေးသေးဖြင့် ဖူးပွင့်သည့် ပန်းပိတောက်၊ အခိုင်လိုက် ဖူးပွင့်ဝေဆာကာ ရွှေဝါရောင် အစင်းရှိတဲ့ ငုဝါနဲ့ မထိတထိ ညှင်းသွဲ့သွဲ့ ပုတ်ခတ် တိုက်ခတ်တဲ့ နွေလေပူနှင့်အတူ လွမ်းလွမ်းဆွတ်ဆွတ် တွန်ကျုး တတ်တဲ့ ဥသြငှက် တို့ဟာလည်း နွေပြယုဂ် နှင့် အတူ တန်ခူးလရာသီရဲ့အလှကို ထပ်ဆင့်ဖော်ဆောင်လို့နေပါတယ်။ သို့ပါသောကြောင့် တန်ခူးလ(ဧပြီလ) ရောက်လာသည်နှင့်တပြိုင်နက် အကြောင်းအမျိုးမျိုးဖြင့် ပြည်ပသို့ရောက်ရှိ နေထိုင်ကြသည့် မြန်မာတိုင်းရင်းသား လူမျိုးများတိုင်းရဲ့ စိတ်အစဉ်နှလုံးသားဝယ် ပိတောက်ရနံ့နှင့်အတူ အတာရေ သဘင်ပွဲတော် ကို လွမ်းဆွတ်တမ်းတ နေကြမည်မှာ အမှန်ပါပဲ ။

အောင်အောင်(ယဉ်မွန်) ရေးသားသည့် အတာတေးနှင့် မန္တလေးသင်္ကြန် စာအုပ်တွင် သင်္ကြန်ပွဲတော်သည် မင်္ဂလာရှိသော နိမိတ်ကောင်းဖြင့် အနှစ်သာရ ပြည့်စုံစွာနဲ့ ဆင်ယင်ကျင်းပသည့်အလျောက် သင်္ကြန်ပွဲတော်မှာ ရှောင်ကြဉ်စရာ ဓလေ့ကိုလည်း ရှေးပညာရှိတို့က မှတ်သားဖွယ်ရာဖြင့် “ အတာသင်္ကြန် အချိန်အခါတွင် ရုဒံ - ငိုကြွေးခြင်းကို သော်လည်းကောင်း၊ မေထုနဉ္စ- မေထုံမှီဝဲခြင်းကိုသော်လည်းကောင်း၊ မံသံ - ဟင်းမျိုးစိမ်းကို ၀ယ်၍ စားခြင်းကိုသော်လည်းကောင်း၊ သူရံ-သေရည်သေရက် သောက်ခြင်းကိုသော်လည်းကောင်း၊ ကောဓောစ- အမျက် ထွက်ခြင်းကိုသော်လည်း၊ ရုဓံ- သွေးထုတ်ခြင်းကိုသော်လည်းကောင်း၊ တေလိကံ - ဆေးဆီ လိမ်းခြင်းကို သော်လည်းကောင်း၊ နကေရ - မပြုရာ၊ မရောင်းအပ်၊ ဣမာနိဒသကမ္မာနိ - ဤသို့ (၁၀)ပါးသော အမှု တို့ကို၊ သက္ကောပိ - သိကြားမင်းသော်လည်းကောင်း၊ ပရိဇ္ဇယေ - ဖဲကြဉ်ရာ၏၊ ဤသို့ဆိုလျှင် ထိုမကြဉ်ရှောင်သော သူတို့ အား နတ်သိကြားမင်းတို့သည် မကောင်းသော ကြည့်ခြင်းဖြင့် ပျက်စီးသေကြေအောင် ကြည့်ရှု့သော ဟူ၏ “ လို့ မှတ်သားဖွယ် ဖော်ထုတ်သွားခဲ့သည်ကို ဖတ်ရှု့ဖူးပါသည်။ ပျို့ကဗျာတွင်လည်း “ မင်္ဂလာစကား၊ လင်္ကာကြားအံ့၊ ကြောင်းကြားစုံစေ၊ သင်္ကြန်နေ့၌ မတွေ့ဝေးစွာ၊ ရှောင်ကုန်ရာသား၊ မသာနှလုံး၊ ညှိုးချုံစိုးရိမ်၊ မငြိမ်ပူဆွေး၊ ငိုကြွေးကုန်ထ၊ ကာမအရာ၊ မေထုနာနှင့် ပါဏာသတ်ပုတ်၊ သောက်ထုတ်ရက်မ၊ မျက်ထွက်မာန၊ ပဋိယ နှင့် ဒေါသ မလွတ်၊ ဆီပွတ်လိမ်းဆင်း၊ သစ်ပင်ခုတ်ပြတ်၊ သတ်ခတ်တုန်ရှောင်၊ အရောင်းအ၀ယ်၊ ဤတစ်ဆယ်ကို၊ လူ့ဝယ် နတ်ခွင်၊ လူလိုစင်ထား၊ မြင်းမိုရ်ဖျားဝယ်၊ သိကြားသော်မှ၊ မပြုရရာ၊ ကျမ်းလာသောအား၊ လင်္ကာကြားသည်၊ ဤ ကား သင်္ကြန်အလိုတည်း ” လို့ စပ်ဆိုထားရာ သင်္ကြန်အခါအတွင်း ရှောင်ကြဉ်စရာများကို တွေ့ရှိရပေသည်။

နောက်တဖန် သင်္ကြန်ဟုဆိုလိုက်သည်နှင့် ရိုးရာအစဉ်အလာဖြင့် ဆင်ယင်ကျင်းပသည့် အလှရေကစားယာဉ်များ၊ ရေကစားမဏ္ဍပ်များ၊ ရွှေခြေကျင်းဝတ်များကို ၀တ်ဆင်ကာ အဖွဲ့လိုက် သီဆိုကပြကြသည့် မန်းတလေးပျိုဖြူချော ယိမ်းအဖွဲ့ဝင်များဖြင့် ယနေ့တိုင် ဆင်နွှဲနေသည့် မန္တလေးသင်္ကြန် ပုံရိပ်များနှင့်အတူ ငွေငန်းဖြူ နှင့် မြို့မ၀ိုင်းတော်သူ ၀ိုင်းတော် သားများကို  ပစ်ပယ်ထားလို့ မရနိုင်ဟု ဆိုချင်ပါသည်။ မန္တလေးသင်္ကြန်နှင့် မော်လမြိုင်သင်္ကြန်တို့သည် မြန်မာ့ရိုးရာ အစဉ်အလာမပျက် ဆင်နွှဲရာမှာ နာမည်ကြီးသည့် မြို့ကြီး(၂) မြို့ဖြစ်ပါသည်။

မန္တလေးသင်္ကြန်သည် ဟိုးယခင်ကတည်းကပင် အစဉ်အလာကြီးကြီးဖြင့် ဆင်နွှဲလာသည့် သင်္ကြန်ပွဲတော်မှာ ယနေ့ ခေတ်သို့တိုင်ပင်ဖြစ်သည်။ အများအယူအဆအရ သင်္ကြန်ပွဲတော်အစ ပုဂံခေတ်ကလို့ အများက ယူဆကြပါသည်။  မဟာရာဇ၀င်၌ ဖော်ပြပါရှိသော နရသီဟပတေ့မင်းလက်ထက်က ကျင်းပသည့် အတာသင်္ကြန်ပွဲတော်မှာ ဒုတိယ ဖြစ်သော်လည်း မြန်မာပြည် အတွက်ဆိုသော် ရှေးအကျဆုံးတွေ့ရသော အတာသင်္ကြန်မှတ်တမ်းပင် ဖြစ်လေသည်။ သို့သော် ထို့ထက်စောသော ရေသဘင်ပွဲတော်လည်း ကျမ်းဂန်များတွင် လေ့လာတွေ့ရှိရပါသည်။ သာသနာဝင် ကျမ်းဂန်များအရ ကပ္ပိလ၀တ်ပြည် သာကီဝင်မျိုးနွယ်တို့ ရေဖျန်းသဘင် ဆင်ယင်ကစားကြခြင်းသည် အတာ သဘင် သမိုင်းစဉ်တွင် ရှေးကျသော မှတ်တမ်းတစ်ရပ်ဖြစ်ပေသည်။

အတာရေနန်းသဘင်ကို ရှေးမြန်မာဘုရင်များလက်ထပ်မှစ ၍ ရတနာပုံခေတ်တိုင်အောင် အဆင့်ဆင့် ထိန်းသိမ်း ကျင်းပ ဆင်နွှဲလာရာမှ ရတနာပုံ နေပြည်တော်ကြီးသည် မန္တလေးမြို့ကြီးအသွင်သို့ ပြောင်းလဲလာသည့်တိုင်အောင် ရှေးမြန်မာလူကြီးများမှ အဆင့်ဆင့် လက်ကမ်းထိန်းသိမ်းလာသည့် ယဉ်ကျေးမှုသင်္ကြန်ပွဲတော်ကြီးကို မန္တလေး မြို့တော်သူ၊ မြို့တော်သားတို့က ရိုးရာမပျက် ကျင်းပလာခဲ့ကြသည်။ ထို့အတူ အတာတေးသီချင်းတို့သည်လည်း နန်းဆန်သည့် မန္တလေးသင်္ကြန်ကို ဝေဆာစေခဲ့ပါသည်။ ဒုတိယကမ္ဘာစစ်ကြီး ပြီးသည့်နောက် ကာလအတန်ကြာ သည်ထိ သင်္ကြန်အမြှောက်သံကြားမှ စတင်ရေကစားသည့် ဓလေ့များ၊ မန္တလေးနေပြည်တော်တွင် သင်္ကြန် အမြောက်ပစ်လို့ စတင်ရေကစားကြပြီဆိုသည့် အသံကြားမှသာ စတင်၍ ရေကစားကြသည့် မန္တလေး၏အနီး ၀န်းကျင်မြို့များမှ အလေ့အထများ၊ သင်္ကြန်ရက်၌ ညနေ (၆)နာရီတိုင်သည်နှင့် ရေကစားခြင်းကို ရပ်ဆိုင်းလိုက် သည့် အလေ့အထ၊ အကြိုနေ့တစ်နေ့လုံး တစ်ညလုံးနှင့် အတက်နေ့၏ညများ၌လည်း လုံးဝ ရေမပက်သည့် အလေ့ အထများရှိခဲ့ ပါသည်။ သင်္ကြန်မောင်မယ်တို့၏ စနစ်တကျ ဆင်နွှဲကြသော ပင်ကိုယ် ဓလေ့ စရိုက်များမှာ ရှေ့က နည်းပေးလမ်းပြ သင်္ကြန်ပွဲများအတိုင်း လိုက်နာကျင့်သုံးလာရာမှ၊ စည်းကမ်းနှင့် ညီညွတ်သည့် ဓလေ့များကြောင့် မြန်မာ့ရိုးရာ သင်္ကြန်တွင် မန္တလေးသင်္ကြန်သည် ယဉ်ကျေးမှုသင်္ကြန်အဖြစ် ပြယုဂ်တစ်ရပ် တွင်ခဲ့ပေသည် ။

စစ်ကြိုသင်္ကြန်ကာလများက ရေသဘင်အဖွဲ့များသည် အသံချဲ့စက်မပါဘဲ စုပေါင်း၍ သီချင်းဆိုကြ၊ သံချပ်ထိုးကြ သည်က များခဲ့သည်။ “တူးပို့..တူးပို့“ ဟူသည့် သင်္ကြန်ဒိုးတီးကွက်သည် စစ်ပြီးကာလမှ မန္တလေး မြို့မတူရိယာ အဖွဲ့ကြီးမှ ဆရာမြို့မငြိမ်း၊ မြို့မလေးလေးရင်၊ ဦးလှဒင်(ဗုံ)၊ ဦးထွန်းရှိန်နှင့် ဦးထွန်းရင်(အုပ်စုံ)တို့က တာပလာ ခေါ် ကုလားဗုံနှင့် စည်တိုကို တွဲဖက်၍ စည်းချက်ကျကျနှင့် က ၍ကောင်းအောင် သင်္ကြန်နှင့်လိုက်ဖက်သည့် “တူးပို့.. တူးပို့” အသံကို စမ်းသပ်ရှာဖွေ တီထွင်ခဲ့ကြခြင်း ဖြစ်ပါသည် ။

“ ဘေပို .. တူးပို့ ..တူးပို့ ..တူး ..” မြည်သော ဗုံ၏အသံတို့သည် အခြား သင်္ကြန်ဒိုးတီးကွက်အသံများနှင့် မတူ၊ တမူထူး ခြားစွာ မြူးကြွနေသည်ဖြစ်၍ သင်္ကြန်အကနှင့်လည်း ရောင်ပြန်ဟပ်နေသည်ကို တွေ့ရှိရသည်ဖြစ်ရာ မြို့မအဖွဲ့မှ သင်္ကြန်သီချင်းများ တီးမှုတ်ရာ၌ ဒိုးအုပ်သံကို “တူးပို့ .. တူးပို့” တီးလုံးအသံဖြင့်သာ အသုံးများလာခဲ့ လေသည်။ တစ်ချိန်က မြို့မတူရိယာအဖွဲ့၏ ဂီတပညာရှင်များ စတင်တီထွင်ခဲ့သည့် “တူးပို့ .. တူးပို့” အသံကို ကြားရ သူတိုင်းက သင်္ကြန်သီချင်းဟု သတ်မှတ်၍ အသိအမှတ်ပြုလိုက်ကြသောကြောင့် မန္တလေး “တူးပို့…တူးပို့“ အသံမှာ ယနေ့ မြန်မာ့ သင်္ကြန်တေးသီချင်းတိုင်း၏ “တူးပို့..တူးပို့” အဖြစ်သို့ ကျယ်ပျံ့စွာ ရောက်ရှိလို့ လာခဲ့ပေသည်။

မန္တလေးအတာရေနန်းသဘင်သည် အစဉ်အလာ ကြီးသည့် မြန်မာ့သင်္ကြန်ကို ညွှန်းဆိုကိုယ်စားပြုခဲ့ပါသည် ။

ကျွန်မတို့ ကမ္ဘာ့နိုင်ငံအသီးသီးမှာ နေထိုင်ကြတဲ့ လူမျိုးစုတိုင်းမှာ ရိုးရာပွဲ ဟူသည် ရှိကြသည့်အလျောက် မည်သည့် နိုင်ငံ၊ မည်သည့် ရိုးရာပွဲမဆို အသွင်ပြောင်း ခေတ်မီဖို့ထက် ရိုးရာအစဉ်အလာ မပျက်အောင် ထိန်းသိမ်းရမည်မှာ အဓိက ဖြစ်ပြီး လူမျိုးစုတိုင်းရဲ့ တာဝန်တစ်ရပ်ဖြစ်ပါပေသည် ။

“ချောင်းရိုး မြောင်းရိုးသာ ကောလေ့ရှိ၏၊ မျိုးရိုးရှိနေသရွေ့ အစဉ်အလာနှင့် ရိုးရာကတော့ ရှိနေပါမည်”  ဆိုတဲ့အတိုင်း မြန်မာ့နှစ်ဦးအချိန်အခါ တန်ခူးလရာသီ ရောက်လာလေတိုင်း မြန်မာပြည်တွင်း အနယ်နယ်အရပ်ရပ် မှာ ရောက်ရှိနေထိုင်ကြတဲ့ တိုင်းရင်းသား မြန်မာလူမျိုးအချင်းချင်းစုစည်းပြီး ရိုးရာသင်္ကြန်းပွဲတော်ကို ရင်းနှီးပျော်ရွှင် စွာ ဆင်နွှဲကြသည့် ဓလေ့၊ ပြည်ပရောက် မြန်မာတိုင်းရင်းသား လူမျိုးတို့မှလည်း မြန်မာ့ရိုးရာသင်္ကြန်းပွဲတော်ကို မမေ့မလျော့ဘဲ အစဉ်အလာနှင့်အညီ စောင့်ထိန်းကျင်းပကြသည့် ဓလေ့များမှာ ဂုဏ်ယူစရာ ကောင်းသည့် အစဉ် အလာကိုထိန်းသည့် အကျင့်ကောင်းလေးပဲ ဖြစ်ပါသည် ။

အနှစ်သာရ ပြည့်ပြည့်စုံစုံဖြင့် နွှဲပျော်ရသည့် မင်္ဂလာအပေါင်းနှင့်ပြည့်စုံသော အတာသင်္ကြန်ပွဲတော်ဟာ တခြားသော ပွဲတော်များလို ကျင်းပသည့်ပွဲတော်မျိုးမဟုတ်ဘဲ တစ်နိုင်ငံလုံးရှိ တိုင်းသားရင်း မြန်မာလူမျိုးတိုင်းက လွတ်စွာ ကိုယ်တိုင်ပါဝင်ကာ တီး၊ ဆို၊ ကပြ၍ ပျော်ရွှင်ယဉ်ကျေးစွာနှင့် ရေပက်ဖျန်းကစားရသည့် တမူထူးခြားသည့် ရိုးရာ သင်္ကြန်ပွဲတော်ပဲ ဖြစ်ပါသည် ။

ဒီလိုမျိုး ရိုးရာအစဉ်အလာကြီးကြီးဖြင့် ကျင်းပလာသည့် သင်္ကြန်ပွဲတော်ဟာ ဖွံ့ဖြိုးလာသည့် ခေတ်စနစ်နှင့်အညီ လူသားတိုင်း၌ ကိုယ်ပိုင်လွတ်လပ်ခွင့် ရှိသည်ဟု အကြောင်းပြုကာ ရိုးရာပျောက် ၀တ်စားဆင်ယင်၊ ကျင်းပ ဆင်နွှဲ နေကြသည်ကို မြင်ရသည်မှာ မြန်မာလူမျိုးတစ်ယောက်အဖို့ စိတ်မကောင်းခြင်း ကြီးစွာဖြစ်ရပါသည် ။ နှစ်ဦးအစ မှာ မင်္ဂလာအတိတ်နမိတ်ဖြင့် ဆင်နွှဲခြင်းမျိုးဖြစ်ပေမယ့်လည်း ယနေ့ခေတ်အရ အစဉ်အလာ မရှိသလောက် ပျောက်ကွယ်နေပြီး ကိုယ့်ရဲ့ ရိုးရာ ယဉ်ကျေးမှုအစား မွေးစားယဉ်ကျေးမှုဖြင့် သီဆို၊ ကပြ ဆင်နွှဲနေကြသည်မှာ မမြင်ချင်၊ မမြင်သင့်သည့် မြင်ကွင်းများပင် ဖြစ်ပါသည် ။

သင်္ကြန်ကာလသည် တန်ခူးလနှင့်အတူ ရွှေဝါရောင်အဆင်းရှိသည့် ပိတောက်ပန်း၊ ဒိုးပတ်သံများဖြင့် ထိုးသည့် သင်္ကြန်သံကျပ်သံ၊ ဘယ်ညာကိုယ်စီ ဟန်ချက်ညီညီ ယိမ်းနွဲ့ကပြတဲ့ သင်္ကြန်အကနှင့်အတူ သင်္ကြန်ကာလပုံရိပ်များ ကို ဖော်ညွှန်းထားသည့် သင်္ကြန်ပုံရိပ် သီချင်းများနှင့်သာ ပနံသင့်လှပါတယ် ။

ထို့ပြင် နိုင်ငံခြားသားဧည့်သည်များသည်ပင် ပါဝင်ဆင်နွှဲကြသည့် မြန်မာ့ရိုးရာသင်္ကြန်ပွဲတော် (အတာသင်္ကြန် ပွဲတော်) ဟာ ဆိုရင်ဖြင့် မြန်မာ့ယဉ်ကျေးမှုစစ်စစ်ဖြင့် ဆင်နွှဲပျော်ပါးရသည့် ပွဲတော်များဖြစ်လိုက်လျှင်ဖြင့် မည်မျှ လောက် မင်္ဂလာရှိသော အတာသင်္ကြန်ပွဲတော် ဖြစ်လိုက်မည်နည်းရှင် ။

ပန်းအိ

ကိုးကားစာရင်း

အတာတေး နှင့် မန္တလေးသင်္ကြန်၊ အောင်အောင် (ယဉ်မွန်)

နာဂိုရာ ဘူတာကြီးကို ကျမ  ယောင်လည်လည်နဲ့ ပတ်ကြည့်နေမိပါတယ်...။ အော်--နာမည်ကြီးလှတဲ့ ဂျပန်က နာဂိုရာဘူတာကြီးကို ငါရောက်နေပါပေါ့ လားဆိုပြီး ကြည်နူးပီတိဖြစ်မ်ိပါရဲ့....။

ဂျပန်လိုပြောနေတာကြတာတွေကလဲ ကိုယ့်နားထဲမှာ ရင်းနှီးနေတော့ သူစိမ်းနိုင်ငံ ရေခြားမြေခြားရောက်နေတယ်လို့တောင်မထင်ပေါင်၊ ကိုယ့်ဆွေမျိုး- သူငယ်ချင်းတွေဆီ အလည်ရောက်နေတဲ့ စိတ်မျိုးခံစားမိတယ် .... ။

ဒီအချိန်မှာ .... လွန်ခဲ့တဲ့ဆယ်နှစ်ကျော်က အလုပ်မအားတဲ့ကြားက  မြောက်ဥက္ကလာ ပညာဒါန ဘုန်းကြီးကျောင်းလေးကို ရအောင်သွားပြီး ဂျပန်စာသင်တန်းတွေ လိုက်တက်ခဲ့တဲ့ ကောင်မလေးတယောက်ကို ကိုပြန် မြင်ယောင်မိပါရဲ့....။

တတ်ချင်လိုက်တဲ့ဂျပန်စာ .... ပြောချင် နားထောင်ချင်လိုက်တဲ့ ဂျပန်စကား.... လုပ်ချင်လိုက်တဲ့ ဂျပန်စကားပြန် ...။

သူများတွေလို ဆရာခေါ်ပြီးလဲမသင်နိုင်၊ စနေ တနင်္ဂနွေတောင် မနားရတဲ့ အထည်ချုပ်အလုပ်ကလဲမထွက်နိုင်။  

တစ်ပတ်တခါ သင်ပေးတဲ့ မြောက်ဥက္ကလာဘုန်းကြီးကျောင်းက ပညာဒါန ဂျပန်စာသင်တန်းလေးကို မပျက်ရအောင် ကြိုးစားပြီး တက်ခဲ့ရတာလေ။

အဲဒီတုန်းက ကျမ နေတဲ့  ဒညင်းကုန်ဘက် ကနေ မြောက်ဥက္ကလာရောက်တာ ၄၃ ဒိုင်နာတစီး ပဲရှိပြီး ကားတစ်စီးနဲ့  တစ်စီးကြား အချိန်အကြာကြီး စောင့်ရပါတယ်။ လမ်းတွေကလည်းကြမ်းတော့  ကားကလည်း ဆောင့်သေး၊ မိုးတွင်းဆို မိုးရေတွေ  ကားအမိုးကနေ ယိုသေးတယ်။ 

ပညာ လိုချင်စိတ်က ပြင်းပျနေတော့ ဘယ်လောက်ပင်ပန်းပစေ မောတယ်မထင်ဘူး။ဂျပန်စာလေး ရွတ်လိုက်ရရင် အမောကိုပြေလို့ ။

သင်ခါစတုန်းကလေ....ကျက်လိုက်ရတဲ့  ဝေါဟာရ တွေ ကလည်း များမှများ၊ ကြိယာ တွေ ၀ိဘတ်တွေ မခွဲတတ်လို့  စိတ်လည်းညစ်ရတယ်။ စာတွေ များလာတော့ တစ်ပတ်တစ်ရက်တည်း တက်နေရတာ အားမရပေမယ့်  အလုပ်ကလည်း ရှိနေတာ့ မတတ်နိုင်ဘူး။

သူများတွေ ဂျပန်လိုပြောနေရင်--အတန်းချိန်တွေအများကြီးတက်ပြီး စာတွေဖတ်နေကြရင် ကိုယ့်ဘ၀ ကိုယ် အားမရဘဲ စိတ်ဓါတ်ကျခဲ့တဲ့ အကြိမ်တွေကလဲ အကြိမ်ကြိမ်-ဂျပန်စာလေး တလုံးတတ်သွားရင် စိတ်ထဲမှာ အမျိုးမျိုးစာစီပြီး ပြောလိုက်ရတာ....။

 ဂျပန်ကားအဲကွန်းဘတ်စ်တွေ စီးတဲ့အခါ  ကားထဲမှာရေးထားတဲ့ ဂျပန်ခန်းဂျီး စာလုံးလေးတွေ ကြည့်ပြီး ကိုယ်သိတာလေးဖတ်မိရင်ပျော်လိုက်ရတာ ....။

လစာနည်းတာများတာထက် ဂျပန်စကားပြောရမယ့် အလုပ်ကိုရွေးပြီး ပြောင်းလိုက်ရတာလဲ  အကြိမ်ကြိမ် ။ အလုပ်မှာ တခြားရာထူးတွေဘယ်လောက်ရရ ၊ ဘယ်လောက်အဆင်ပြေပြေ၊ လုပ်ဖော်ကိုင်ဖက်တွေကို ဘယ်လောက် ခင်ခင်   ဂျပန်စကားပြန်ဆိုတဲ့အလုပ်မရမချင်းမကျေနပ်နိုင်ခဲ့ ။

တစ်ခါတလေ ဒီဂျပန်စာကို ငါတတ်တော့မှာမဟုတ်ပါဘူးလို့  စိတ်အားငယ်ခဲ့ဖူးပါရဲ့.....။  တနှစ်တခါ ဂျပန်သံရုံးက ကျင်းပတဲ့ ဂျပန်စာအရည်အချင်းစစ်စာမေးပွဲ Level-2 ကိုအကြိမ်ကြိမ် ဖြေခဲ့ရတဲ့ ဘ၀တွေ ၊စာမေးပွဲမအောင်လို့  မိသားစုနဲ့ နေရင် အာရုံများတယ်ဆိုပြီး အိမ်က ထွက်လာပြီး တယောက်ထဲ အဆောင်နေပြီး စာကျက်ခဲ့ရတာတွေက အမှတ်ရစရာပါ.... ။

နောက်ဆုံး  ဂျပန်စာနဲ့ ဆိုင်တဲ့ အလုပ်မဟုတ်ရင် မလုပ်ဘူးလို့ကို စိတ်ဆုံးဖြတ်ပြီး ပိုက်ဆံမ၇ှိပေမယ့် အလုပ်ထွက်ပြီးစာမေးပွဲဖြေခဲ့တယ်။ ငါ ဂျပန်စာတတ်မှ အလုပ်ပြန်ဝင်မဟဲ့ လို့  လက်ကျန်ငွေလေးကို ခြွေတာခြစ်ခြုပ်သုံးပြီးအားတင်းကြိုးစားခဲ့တယ်။

သူများတွေ စိန်ရွှေငွေတွေ ၀တ်ထားရင် အားမကျဘူး။ ဂျပန်စကားပြောတတ်တဲ့သူကိုပဲအားကျခဲ့ တယ်။

အ၀တ်အစားအသုံးအဆောင် မ၀ယ်ရလဲနေပစေ--ရှိတဲ့ငွေလေးနဲ့ ဂျပန်စာ စာအုပ်တွေဝယ်ခဲ့တယ် ။

Level-2 အောင်လက်မှတ်လေး၇တဲ့အခါ မျက်ရည်ဝဲအောင် ၀မ်းသာလိုက်ရတာ....။ ဘာလို့များ ဒီဂျပန်စာကြီးကို ဒီလောက် စိတ်ပါဝင်စားရတာလဲ--- လို့  ကိုယ့်ကိုယ်ကို မေးမိတယ်။

ဂျပန်မှာသွားပြီးအလုပ်လုပ်ဖို့ လား ၊လစာများများလိုချင်လို့လား၊ အောင်လက်မှတ်တွေယူပြီး လူအထင်ကြီးဖို့လား--

သေချာဆန်းစစ်မိတော့ ကျမက  ကိုယ့်အာ၇ုံဝင်စားတာကို တစိုက်မတ်မတ် အကောင်အထည်ဖော် နေခဲ့တာကိုး--

နောက်ပြီး ထက်သန်ပြင်းပြတဲ့ အိပ်မက် တခုကို မက်ခဲ့တဲ့သဘောပါ .....

ခုပြန်ပြောရရင် ရယ် စရာကောင်းမလားပဲ--။ အဲဒီတုန်းက ကျမလေ ဘုရားမှာတောင် သစ္စာဆိုပြီးဆုတောင်းခဲ့ ဖူးပါရဲ့

( တပည့်တော်မ သည် ဒီဂျပန်စာကို စိတ်ရောကိုယ်ပါ မြုပ်နှံပြီး တစိုက်မတ်မတ် သင်ယူခဲ့ပါတယ် ...

ဒီဂျပန်စာတတ် ဖို့ တခုတည်းသာ ဘ၀မှာ အားသွန်ခွန်စိုက်  ကြိုးစားအားထုတ်ခဲ့ပါတယ် .....

ဒီ မှန်သောသစ္စာစကားကြောင့် ဂျပန်စာနဲ့ဆိုင်တဲ့အလုပ်လုပ်ရင်း အသက်မွေးခွင့်ရရပါစေဘုရား)လို့ 

ခုတော့ ဆုတောင်းတွေပြည့်ခဲ့တယ်--ဂျပန်စကားပြန်အလုပ်လုပ်ခွင့်ရခဲ့ပြီ။

ပြောလိုက်ရတဲ့ဂျပန်စကား--ပို့လိုက်ရတဲ့ ဂျပန်စာ မေးလ်တွေ .... ကိုယ့်ရဲ့မြန်မာသူဌေးနဲ့ ဂျပန်တွေကြားက အမြင်မတူ-ယဉ်ကျေးမှုမတူလို့ ဖြစ်ခဲ့ရတဲ့ ပြသနာပေါင်းစုံကို ရင်ကြားစေ့ပြီး ဖြေရှင်းပေးရင်းစိတ်ညစ်ရ-- စိတ်ရှုပ်ရတာလဲအခါခါ .... ဒါပေမယ့်  အိပ်မက်တွေ ကို အကောင်အထည်ဖော် နိုင်ခဲ့လို့  ကိုယ့်အလုပ်ကိုယ့် ရွေးချယ်မှုကိုကိုယ်ကျေနပ်ပါတယ်။

ဒါကြောင့်လေ .... အားလုံးကိုပြောချင်တာက ကိုယ်စိတ်အာရုံဝင်စားရာ--၀ါသနာပါရာနဲ့ အသက်မွေးနိုင်အောင် ကြိုးစားပါ။

ကိုယ် က ဘယ်အရာကို အားသွန်ခွန်စိုက် ကြိုးစားချင်သလဲ လို့  ကိုယ့် စိတ်ကို သေချာ ဆန်းစစ်ကြည့်ပါ။ သင်တန်းတွေ ပေါင်းစုံအောင် လိုက်တက်နေမယ့်အစား ကိုယ် သန်ရာလိုင်း တစ်ခုတည်းကိုပဲ ဦးတည်ချက်ထားပါ။

ကိုယ်တစ်ဘ၀ လုံး အသက်မွေးမယ့် အလုပ်ကို ရွေးချယ်ပြီးပြီ ဆိုရင်တော့  ဘယ်တော့မှ နောက်ပြန်မဆုတ်ပါနဲ့ ။ ကိုယ့်အိပ်မက်တွေကို ရအောင် အကောင်အထည်ဖော်ပါ.... လမ်းတခု ကိုဆုံးအောင်လျှောက်ပါ။

တ၀က်တပျက်နဲ့ အားလျှော့ပြီး နောက်လှည့်မပြန်ပါနဲ့ လို့ စေတနာနဲ့ ပြောချင်ပါတယ်ရှင်...။

(၂၀၁၂ ၊ မေလ  ဂျပန်ကို အလုပ်ကိစ္စနဲ့ သွားတုန်းက အမှတ်တရ)

ကြာဖြူနွယ်

ဦးဇင်းက နယ်မြို့လေး တစ်ခုကနေ ရန်ကုန် ဗုဒ္ဓတက္ကသိုလ်မှာ ပညာသင်ကြားနေတဲ့ ရဟန်းတစ်ပါး ဖြစ်ပါတယ်။ ဦးဇင်းအတွက် လိုအပ်တဲ့ ဝထ္ထုငွေနဲ့ ပစ္စည်းလေးပါးကို ဇာတိမြေကပဲ လူကြုံနဲ့ တစ်မျိုး ကိုယ်တိုင်တစ်ဖုံ အထောက်ပံ့ လက်ခံရပါတယ်။ တစ်နေ့ ဦးဇင်းရဲ့ ဒကာမတစ်ယောက်ရဲ့ သမီးက ရန်ကုန်သို့ အရောင်းအဝယ် ကိစ္စနဲ့ ဦးဇင်းဆီ လူကြုံဝင်ရင်း လိုအပ်တဲ့ စာအုပ်တွေနဲ့ ဝထ္ထုငွေ တစ်ချို့ကို လူကြုံ ထည့်ယူလာတာကြောင့် ဦးဇင်းဆီ လာဖို့ အကြောင်းဖန်လာပါတယ်။

ရောက်လာမည့် ဒကာမကလည်း နယ်ကလည်းဖြစ် ရန်ကုန်မြို့ရဲ့ များပြားလှသော လိုင်းကားတွေကို လည်လည်ဝယ်ဝယ် စီးတက်သူလည်း မဟုတ်တာကြောင့် ဦးဇင်းကပဲ စီးရမည့်ကား နံပါတ်၊ ဆင်းရမည့် ကားမှတ်တိုင် အမည် တို့ကို သေသေချာချာ လိုက်မှတ်စေပြီး ရက်စွဲအတိ အကျ ရောက်မည့်အချိန်တို့ကို ခန့်မှန်းပြီး ကားမှတ်တိုင်တွင် ဦးဇင်း လာစောင့်ကြို ပါမည်ဟု အသေအချာ ကတိပေးလိုက်သည်။ လူကြုံလာပို့မည့် ဒကာမရောက်မည့်နေ့ နေ့လည် တစ်နာရီခန့် ဦးဇင်းတို့ရဲ့ ဆွမ်းကွမ်း ကိစ္စ ပြီးမြောက်တာနဲ့ ချိန်းဆိုထားရာ ကားမှတ်တိုင်မှာ ကြိုစောင့်နေဖို့  ဦးဇင်း စောစောလေး ထွက်လာခဲ့တယ်။

ရန်ကုန်မြို့ရဲ့ ကျစ်ကျစ်တောက် ပူတဲ့နေကြောင့် ကတ္တရာ လမ်းမကြီးဟာ အငွေ့ပျံမတတ် ပူလောင်မှုနဲ့ အတူ နွေနေ့လည်ခင်းကို ပံ့ပိုးနေသလို။ ချိန်းဆိုထားရာက စွယ်တော်ဘုရား ကားမှတ်တိုင်တွင်မို့ ဘုရားဖူးလာသူ တစ်ချို့နဲ့ အတူ ကားမှတ်တိုင်နဲ့ မနီးမဝေး အပင်ကြီးတွေ အောက်မှာ ခေတ္တခဏ အရိပ်ခိုရင်း ဒကာမအလာကို စောင့်မျှော်နေမိတယ်။ ဦးဇင်းကပဲ စိတ်စော စိတ်မြန် တက်လေသလား၊ ရောက်လာမည့် ဒကာမ ကားမှားစီးပြီး မလည်မဝယ်နဲ့ လမ်းမှားနေမလားလို့ စိတ်ပူပန်ဇောကြောင့် သတ်မှတ်ချိန်ထက်  စောရောက်နေသလို စိတ်ပူပန်မှုကလည်း နွေနေ့လည် အပူချိန်နဲ့ အပြိုင် ဦးဇင်းစိတ်ကို ပူလောင်နေစေပါတယ်။

သတ်မှတ်ချိန်ထက် တစ်နာရီကျော်ကျော် နောက်ကျနေခဲ့သည့်တိုင် ဒကာမရဲ့ အရိပ်ယောင်တောင် မမြင်ရသေးပါ။ နေ့လည်ခင်းမို့ အပူချိန် ကြီးစိုးမှုနဲ့ အတူ ဦးဇင်းလည်း အလိုမကျမှုတွေ၊ စိတ်မရှည်နိုင်မှုတွေက ဝင်ရောက်လာနေတော့တယ်။ ဒကာမအတွက် သို့လော သို့လော ဆိုသော စိတ်ပူပန်မှုနှင့် အတူ ရောက်သင့်တဲ့ အချိန်ထက် များစွာ နောက်ကျလာခဲ့ပါတယ်။ လိုင်းကားတွေသာ တစ်စီးပြီး တစ်စီး အဆက်မပြတ် သွားလာနေပေမဲ့လည်း ထိုဒကာမကို မတွေ့မြင်ရသေးပါ။ တိုက်တိုက်ဆိုင်ဆိုင် အဲဒီလို ဖြစ်နေတဲ့ အချိန် ကလေးငယ်တစ်ဦး အသက်အားဖြင့် (၉) နှစ်၊ (၁၀) နှစ်အရွယ် ယောက်ျားလေးတစ်ယောက် ဘယ်ကနေ ပေါက်ချလာတယ် မသိ ဦးဇင်းဆီမှာ ပိုက်ဆံလာတောင်း နေပါတော့တယ်။

"ဘုန်းဘုန်းရယ် သား ထမင်းမစားရသေးလို့ သားကို ပိုက်ဆံ (၅၀) လောက်ပေးပါ.. ဘုန်းဘုန်းရယ် သား တောင်းပန်ပါတယ် သားဗိုက်ဆာနေလို့ပါ" တဲ့။ ရန်ကုန်မြို့ကြီးမှာ အခုလို တောင်းရမ်းစားသောက်ကြတဲ့ ကလေးတွေ အမြောက်အမြား ရှိတတ်ကြပါတယ်။  အမှန်အကန်လည်း ရှိကြသလို လိမ်လည်ကြတဲ့ ကလေးတွေလည်း များစွာ ရှိသည်လို့ ဦးဇင်း ကြားဖူးထားသေးတယ်။ ဦးဇင်းနား ကပ်ပြီး ပိုက်ဆံလာတောင်းတဲ့ ကလေးငယ်ကို ကြည့်ပြီး ဝေခွဲမရဖြစ်မိသလို စိတ်ထဲမှာလည်း အလိုမကျမှုတွေက ကြီးစိုးနေတာမို့  ပိုက်ဆံလာတောင်းတဲ့ ကလေးကို ခပ်တည်တည် စိုက်ကြည့်ပြီး နောက်တစ်ခါ လာမတောင်းဖို့ကို အသံခပ်မာမာနဲ့ ဦးဇင်း သတိပေးလိုက်မိတယ်။

စေတနာ မရှိလို့ရယ်လဲ မဟုတ် တချို့သော စေတနာတွေက ပျက်စီးစေဖို့ရာ အထောက်အပံ့တစ်ခု ဖြစ်ပေါ်စေခဲ့မယ် ဆိုရင်တော့ ဘယ်သူမဆို စဉ်းစားဆင်ခြင် သင့်တယ် မဟုတ်လား။ အဆိုပါ ကလေးလေးက ဦးဇင်းနဲ့ မနီးမဝေး အရိပ်အောက်မှာ ရှိတဲ့ မြေသလင်းပေါ် ထိုင်နေပြီး ဦးဇင်းကို တစ်ချက်တစ်ချက် လှမ်းကြည့်နေပါတယ်။ ဦးဇင်းအထင်မှာတော့ အသံမာမာနဲ့ သတိပေးလိုက်တာကြောင့် ဒီကလေးဟာ ဦးဇင်းရဲ့ ဝေးရာကို ထွက်သွားလိမ့်မယ်လို့ ထင်နေခဲ့ပေမဲ့လည်း ထင်သလို ဝေးရာသို့ ထွက်မသွားပဲ မလှမ်းမကမ်း နေရာကနေ ဦးဇင်းကို ကွက်ကြည့်ကွက်ကြည့် လုပ်နေပါသေးတယ်။ ဦးဇင်းလည်း ဒကာမကို ဆက်စောင့်နေရင်း စိတ်ထဲမှနေ၍ " ကလေးတွေများ အကြောက်တရား နည်းလိုက်ကြတာ ဒီတစ်ခါ ငါ့ဆီ ပိုက်ဆံထပ်လာ တောင်းရဲ တောင်းကြည့် " ဟု စိတ်ထဲကနေ ကြိမ်းဝါးသလို ပြောလိုက်မိတယ်။

နေ့လည်ခင်း လူသူ နည်းပါးနေချိန်မို့ကားမှတ်တိုင်မှာတော့ ဦးဇင်းနဲ့ မလှမ်းမကမ်း နေရာမှာ ဦးဇင်းကို ကြည့်နေတဲ့ ပိုက်ဆံတောင်းတဲ့ ကလေးရယ်သာ ရှိတော့တယ်။ သိပ်မကြာခင်မှာပဲ ထိုကလေးငယ်က မလှုပ်တလှုပ်နဲ့ ဦးဇင်းရဲ့ အနားကို တရွေ့ရွေ့  ချည်းကပ်လာခဲ့တယ်။ ထိုကလေးရဲ့ အပြုအမူသော်လည်းကောင်း၊ ဒကာမ ရောက်မလာတဲ့ အတွက် အလိုမကျ ဖြစ်မိတဲ့ စိတ်ကြောင့်သော်လည်းကောင်း နွေနေပူ၏ အပူချိန် ကြီးစိုးမှုအောက်မှာ ဦးဇင်းစိတ်တွေဟာ ဆူဝေပွက်ထမှုဆီကိုသာ ဦးတည်နေပါတော့တယ်။ ကလေးဟန်ပန် ကလေးဉာဏ်နဲ့ ဦးဇင်းရဲ့ အနား မသိမသာ တိုးတိုးလာနေတဲ့ အဆိုပါကလေးကို မသိဟန်ဆောင်နေရင်း " လာခဲ့ နင် အနားရောက်မှ ခပ်နာနာလေး ဆုံးမပစ်မယ် လာခဲ့ " လို့ စိတ်ထဲမှ တွေးတောရင်း ကလေး အနား ရောက်လာမယ့် အချိန်ကိုသာ ဦးဇင်း စောင့်နေလိုက်မိတယ်။

ထိုသို့ စောင့်နေချိန်မှာပဲ တရွေ့ရွေ့နီးလာနေတဲ့ မထင်မှတ်စွာဘဲ ကလေးငယ်က ဦးဇင်းရဲ့ လက်တစ်ကမ်းအကွာမှ နေလို့ သူရဲ့ ညစ်ပေနေတဲ့ လက်ထဲမှာ ကျစ်ကျစ်ပါအောင် ဆုပ်ကိုင်ထားတဲ့ ဟောင်းနွမ်းနေတဲ့ (၅၀) တန် အရွက်လေး နှစ်ရွက်ကို အသာဖြန့်ပြပြီး "ဘုန်းဘုန်း ကားခ မရှိရင် ဒီမနက် သား တောင်းထားတဲ့ ပိုက်ဆံ (၁၀၀) ရှိပါတယ်၊ အဲဒီ (၁၀၀) ထဲက (၅၀) ကို ဘုန်းဘုန်း ကားခ အဖြစ် ယူပါလား" တဲ့။ မဝံ့မရဲ စကားသံနဲ့အတူ ကလေးငယ်ရဲ့ အပြုအမူကြောင့် ထိုခဏမှာ ဦးဇင်း ရင်ထဲ ဘယ်လို ဖြစ်သွားမှန်း မသိဘူး။

နွမ်းဖတ်ပြီး ကြေမွမတတ်ဖြစ်နေတဲ့ (၅၀)တန် အဟောင်းလေး နှစ်ရွက်ကို ကျစ်ကျစ်ပါအောင် ဆုပ်ကိုင်ထားတဲ့ ကလေးငယ်က ဦးဇင်းကို ကားမှတ်တိုင်မှာ ကားခမရှိလို့ အကြာကြီး ထိုင်စောင့်နေတယ်လို့ ထင်ပြီး သူတောင်းလို့ ရထားတဲ့ ပိုက်ဆံလေးတွေထဲက တစ်ဝက်ခွဲယူဖို့ ပြောလာတဲ့အခါ ကလေးရဲ့ ဖြူစင်တဲ့ စိတ်ထားတွေကြောင့် မိမိကိုယ်မိမိ များစွာ ရှက်ရွံ့ခြင်း ဖြစ်မိခဲ့တယ်။ ဒီ့အပြင် များစွာသော ခံစားမှု၊ အသိတရား စတဲ့စတဲ့ အတွေးများစွာနဲ့ ထိုကလေးငယ်ကို အချိန်ကြာမြင့်စွာ စိုက်ကြည့်နေမိရင်း ဖော်မပြနိုင်တဲ့ ပီတိတစ်ခုနှင့် အတူ ဘဝတစ်သက်စာအတွက် ပြန်လည် တွေးမိလေတိုင်း ရှက်ရွံ့ဖွယ်၊ အသိတရား ရဖွယ်၊ အမည်မသိသော ခံစားမှု တစ်စုံတစ်ရာ အတိဖြင့်.....။ ။

အိန်ဂျယ်လှိုင်

International Rescue Committee (Maesot) ရဲ့ ခန်းမကျယ်ကြီးထဲမှာ လူ ၂၅ ယောက်၏ အသက်ရှုသံမှအပ လုံးဝတိတ်ဆိတ်နေသည်။

လူအားလုံးရဲ့ အကြည့်တွေက ခန်းမရဲ့ နောက်ဆုံးအလည်တည့်တည်မှာ ထိုင်နေသော ကျွန်မထံသို့.................

ဒီအချိန်မတိုင်ခင်လေးတင် ညို့ရဲ့ အထက်အရာရှိ Peterက မင်းက မင်းက Data analysis မှာလဲ လုပ်သက်ရှိခဲ့တယ် မင်းရဲ့ အတွေ့အကြုံအရလဲ Survey ပိုင်းမှာလည်း

စိတ်ချရမယ်လို့ ငါယုံကြည်တယ်.......။

ဆိုတော့ ငါတို့အဲဒီ (၂)ခုလုံး တပြိုင်တည်းလုပ်ချင်တဲ့အတွက် မင်းဘယ်တစ်ခုကို ပိုပြီးလုပ်ချင်စိတ်ရှိလဲ?

ပိုပြီးစိတ်အားထက်သန်လဲ? မင်းဘာသာရွေးပါ။

Data ပိုင်းဆိုရင်တော့ မင်းရုံးမှာနေရမယ်။ Air-con နဲ့ ကော်ဖီလေးနဲ့ Laptop လေးနဲ့ အလုပ်လုပ်ရမယ်။

Survey ပိုင်းမှာဆိုရင်တော့ နေပူထဲသွားရမယ်။

မင်း တို့ လူ မျိုး တွေ ရဲ့ နယ် စပ် ဘ ၀ တွေ ကို အ ရှိ အ တိုင်း မင်း မြင် နိုင် မယ်။

သူ တို့ စ ကား သံ တွေ မင်း ကြား ရ မယ်။

တဖြည်းဖြည်းကြီးစိုးလာသော တိတ်ဆိတ်ခြင်းဒဏ် နှင့် ညို့ဦးနှောက်အတွင်းမှ အားပြိုင်မှုတို့ကို သည်းမခံနိုင်တဲ့အဆုံး

“ကျွန်မ field ထဲမှာပဲ survey ဆင်းမယ်”

တချို့ကတော့ စိတ်ပျက်တဲ့အကြည့်တွေ တချို့မျက်ဝန်းတွေကတော့ ဂုဏ်ပြုနေသယောင်ယောင်....။

ညို့ အနေနဲ့ ၃လလုံးလုံး field ထဲမှာ တချက်မှ မညည်းမညူ စိတ်ပါဝင်စားစွာ အလုပ်လုပ်ခဲ့ပါသည်။

မညည်းညူခဲ့ပေမယ့် ရင်ထဲမှာ မျက်ရည်ကျခဲ့ရသည်များ စိတ်အားတက်ကြွခဲ့ရသည်များ ကတော့ ပုံပြင်နှယ်။

-------

ညို့ရင်ကို တိုက်စားသွားတဲ့ ဇာတ်လမ်းလေးတွေကတော့ ကမ္ဘာကျော် ရုပ်ရှင်တွေထက် အဆတစ်ရာမက ရင်နင့်ဖွယ်ကောင်းလွန်းလှတာ ရှိသလို ခေတ်စနစ်ဆိုးရဲ့ တိုက်စားခြင်းကို အားနဲ့မာန်နဲ့ ရုန်းကန်တော်လှန်နေကြတာတွေလဲ ပါသည်။

-

ပထမဆုံးမိတ်ဆက်ပေးချင်တဲ့ ဘ၀ တစ်ခုကတော့

-

မခင်ခင်ကြည် - ရန်ကုန်ဇာတိ၊ MSc (Maths)၊ အသက် ၃၃ နှစ်၊ အရက်နှင့် မူးယစ်ဆေးသုံးစွဲသူတစ်ဦး၏ဇနီး၊

ကလေး ၃ ယောက်ရှိ၊ ခြေတဖက်ဆွံ့ရှာသူ၊ လက်ရှိ မဲ့ဆောက်ဆင်ခြေဖုံး တစ်ခုအနီးရှိ နွားတင်းကုပ်တွင် တရားမ၀င် နေထိုင်။

ကျွန်မတို့ကိုမြင်မြင်ချင်း သမီးငယ်လေးကို ဆွဲပြီး ဂျိုင်းထောက်လေးထောက်လို့ လာဖမ်းတဲ့သူတွေများလားဆိုတဲ့ အတွေးနဲ့ အခန်းနောက်ကွယ်မှာ ၀င်ပုန်းလိုက်တာ မြင်ဖြစ်အောင်မြင်လိုက်တော့ တို့ဗမာတွေဒီလိုနေရာမျိုးမှာတောင် ပုန်းလျှိုးကွယ်လျှိုး ကျီးလန့်စာစား ပုန်းကွယ်နေရပါလားဆိုပြီး အသိထဲမှာ ဆတ်ခနဲ ခါသွားရတယ်။ မခင်ခင်ကြည်နေထိုင်ရာ နွားတင်းကုပ်လေးထဲကို ကျွန်မရောက်သွားတော့ အငယ်ဆုံးသမီးလေးတစ်ယောက်ပဲ အနားမှာရှိနေပြီး ကလေးအကြီး နှစ်ယောက်က နွားကျောင်းထွက်သွားပါသတဲ့။ ကိုယ့်ကိုယ်ကိုယ်မိတ်ဆက်ပြီး မခင်ခင်ကြည်ရဲ့ နောက်ခံအကြောင်းလေးတွေ မေးတဲ့အခါ.................

“ညီမရယ်... အစ်မက လူမျိုးခြားနဲ့အိမ်ထောင်ကျခဲ့တာလေ။ အစပိုင်းတုန်းကတော့ အစ်မမိဘတွေ အိမ်မှာနေတယ်။

အစ်မယောက်ျားကလဲ အလုပ်လုပ်ရင်း မိသားစုကိုကြည့်ပါတယ်။ အစ်မလဲ ကျူရှင်လိုက်သင်တယ်လေ။

ဒါပေမယ့် ကလေးအငယ်ဆုံးလေးမွေးပြီးတဲ့အချိန်လောက်မှာ သူ... ဖောက်လာတော့တာပါပဲ။

ဘယ်ကဘယ်လိုတတ်လာလဲ မသိဘူး။ အရက်ရော ဆေးရော လုပ်တော့တာပါပဲ။

အစ်မမိဘတွေလဲ သည်းမခံနိုင်တဲ့အဆုံး နှင်ချလိုက်တယ်လေ။

(သြော်..... လင်ဆိုးမယားတစ်ယောက်ရဲ့ တဖားဖားဖြစ်အင်တွေကို ဆက်ပြီး ကြားရဦးမှာပါလား??

ဒါပေမယ့် မျက်နှာကိုပကတိအတိုင်းထားမိညို၊ ဘ၀နာတဲ့ ပညာတတ်တစ်ယောက်ရဲ့ မာနကို သွားမထိခိုက်စေနဲ့ သူပြောပြတာတွေကို ကောက်ခြစ်ရင်း အကောင်းဆုံးနားထောင်သူအဖြစ်နဲ့ နှစ်သိမ့်ပေးရမယ်လေ)

အစ်မလဲ ခြစ်ခြုတ်ကုတ်ကပ်ပြီး အမေတို့ ရပ်ကွက်ထဲမှာပဲ အိမ်လေးတစ်လုံး ၆ လစာချုပ် ချုပ်ပြီးကာမှ သူက နယ်စပ်ကိုသွားမယ်။ အဲဒီမှာ အလုပ်ကောင်းတယ်။ နင်တို့သားအမိတွေကိုလဲ စိတ်မချတော့ အကုန်လုံးသွားမယ်။ လိုက်ခဲ့။ မြ၀တီကနေ ဟိုဘက်ကိုကူးဖို့ ငါအဆက်သွယ် ရှာထားပြီးပြီ။

နင်ဒီမှာစာသင်တာ နှစ်ပဲခြောက်ပြား၊ငါအလုပ်လုပ်တာလဲ ဘယ်လောက်မှရတာမဟုတ်ဘူး ဆိုပြီး ခေါ်ချလာတယ်ကွယ်။

(အော် အလုပ်အကိုင်အခွင့်အလမ်းရှားပါးခြင်းရဲ့ တရားခံဘယ်သူတွေများလဲ? မိသားတစ်စုအတွက်

သူများနိုင်ငံမှာ တရားမ၀င်အလုပ်သွားရှာရလောက်တဲ့အခြေအနေတွေကို ဘယ်သူတွေက ဖန်တီးနေတာလဲ?)

မြ၀တီရောက်တော့ ပွဲစားဆိုတဲ့လူ လာခေါ်ပြီး မဲ့ဆောက်ကို ပို့ပေးတယ်။

အခန်းလေးတခန်းမှာ အစ်မတို့ မိသားစုကို ထားပေးတယ်။ အဲ့ဒီပွဲစားက ငါပြန်လာခေါ်မယ်၊ နေခဲ့ကြဦး။

ငါနင်တို့အတွက် အလုပ်လိုက်ရှာဦးမယ်၊ အခုရှိတဲ့ ပိုက်ဆံပေးလိုက်ဦး။ အလုပ်ရဖို့ ငွေပေးသင့်ပေးရမှာ လို့ ဆိုပြီးတော့ အခန်းတံခါးကို အပြင်က သော့ခတ်သွားတယ်လေ။

အစ်မတို့မှာ စားစရာလဲမရှိ သောက်စရာရေတောင်မရှိဘူး ညီမရယ်။ အပြင်လဲထွက်လို့မရ၊ ထွက်လို့ရတောင် မထွက်ရဲပါဘူး။ ညီမစဉ်းစားကြည့်လေ... အဖမ်းအဆီးကိစ္စတွေကြားဖူးနေတော့ ခိုးဝင်လာရတဲ့ အစ်မတို့မှာ ဘယ်ကို သွားလာရဲပါ့မလဲ။

တစ်နေ့နဲ့တစ်ညလုံးလုံး အဲ့အခန်းထဲမှာပိတ်ခံထားရတယ်ကွယ်။

( ခိုးတယ်ဆိုတာ ဘယ်နေရာမှာမှမကောင်းဘူး။ ငယ်ငယ်ကတည်းက ခေါင်းထဲမှာ အမြစ်တွယ်နေတဲ့ အသိတစ်ခုက တအိအိနဲ့ နိမ့်ဆင်းပြိုကျနေတယ်။ မကောင်းတာတော့မကောင်းဘူး။ သူတို့ခမျာ လူဖြစ်ရဲ့သားနဲ့ လှောင်အိမ် အကျဉ်းချခံရတာ ဒါပေမယ့် ခိုးဝင်တယ်ဆိုတဲ့ ကိစ္စကရော?? ဘယ်သူ့မှာတာဝန်ရှိပါသလဲ??)

နောက်တော့ အိမ်ရှင်က လာပြောတယ်။

အစ်မတို့လဲ ရှမ်းလိုမတတ်တော့ တစ်ခန်းကျော်က ကလေးမလေးတစ်ယောက်က ဘာသာပြန်ပေးတယ်လေ။

အခန်းခပေးဖို့လာပြောတာတဲ့။ အစ်မတို့မှာရှိသမျှပိုက်ဆံအကုန် ဟိုလူကယူသွားပြီလေ။

ဘယ်လိုမှရှင်းပြလို့မရတဲ့အဆုံး တစ်မိသားစုလုံး လမ်းပေါ်ဆွဲချခံရတာပဲကွယ်။

အစ်မရန်ကုန်မှာ ဆရာမလုပ်ခဲ့တာပါ။ တစ်ခါမှ အဲ့လိုစော်ကားမခံရဖူးဘူး။ ရှက်လိုက်တာလွန်ပါရော။

ပြန်မယ်ဆိုရင်တောင် ဘယ်ကစရိတ်နဲ့ပြန်ရမှာလဲ။ တပြားမှကိုလက်ထဲမှာ မရှိတော့တာ။

( သူ့နေရာမှ ကျွန်မသာဆိုရင် ဆိုတဲ့အတွေးကို အဆုံးထိမရောက်သွားအောင် ဟန့်တားထားလိုက်သည်။

မတွေးရဲပါ။ မတွေးဝံ့ပါ။ ညိုသာဆိုရင်..........အို..မတွေးပါနဲ့ဆို..... အတ္တအရေခွံတစ်ခုကို ကမန်းကတန်း ကောက်ယူဝတ်ဆင် လိုက်ရတော့သည်)

အဲဒီအချိန် အစ်မယောက်ျားက ပွဲစားကို ရှာမယ်ဆိုပြီး ထွက်သွားတယ်။

အစ်မနဲ့ ကလေး၃ယောက် တစ်ညလုံး အမှိုက်ပုံတခုနားမှာ ပုန်းပြီး ကျန်နေခဲ့တာပေါ့။

မနက်ကျတော့ သူပြန်လာပေမယ့် ပွဲစားကိုမတွေ့ခဲ့ဘူး ပြောပေမယ့် အရက်တွေတော့ မူးလာပြန်တယ်ကွယ်။

ဘယ်ကပိုက်ဆံနဲ့ သောက်ခဲ့လဲတော့ အစ်မ မသိဘူး။ သူနောက်တစ်ခါ ထပ်ထွက်သွားပြီးတော့

ပြန်ပေါ်မလာတော့တာ ဒီနေ့အထိပါပဲကွယ်။ အဲ့ဒီနေ့ပဲ အစ်မတို့ကို နွားမွေးတဲ့ အဘိုးကြီးတစ်ယောက်ကတွေ့လို့ ဒီတင်းကုပ်ကလေးမှာ ပေးထားတာညီမလေးရယ်။ အစ်မလဲအစပိုင်းက အဲ့အဘိုးကြီးရဲ့သဒ္ဓါကြေးလေးနဲ့ အသက်ဆက်နေရပေမယ့် တကယ်တမ်းကျတော့ အစ်မလဲ တန်ရာတန်ကြေးပေးရတော့တာပေါ့...”

နောက်ဆုံးစကားလုံးများကိုပြောချိန်မှာ သူ့ပေါင်ပေါ်ခေါင်းအုံးပြီး အိပ်နေတဲ့သမီးငယ်လေးရဲ့နားကို မသိမသာပိတ်လိုက်တာ တွေ့ရတော့ ညို့မျက်ရည်တွေ စ်ိမ့်ထွက်လာရသည်။

( ပညာတတ်ဆရာမတစ်ယောက် ဘ၀လက်တွဲဖော်အရွေးမှားရာက စ လာလိုက်တဲ့ အမှားတွေပြဿနာတွေ ကြေကွဲဖွယ်တွေ .... ၆လက်မ မှ မခြားတဲ့ နိုင်ငံခြားမှာ ဆက်လက်ပြီး ခံစားရဦးမယ့် ဒုက္ခတွေ။ ကလေးငယ်လေး ၃ ယောက်ရဲ့ရှေ့ရေးအတွက် ဘာမဆို ဘယ်သူ့ကိုမဆို ထိုးကျွေးပေးလိုက်မယ့် အစတေးခံ မိခင်မေတ္တာ)

အို.........တော်ပြီ.. တော်ပြီ...ဆက်မကြားပါရစေနဲ့တော့.......... ကျေးဇူးပြုပြီး ရပ်လိုက်ပါတော့နော်……။

အဲ့ဒီနေ့ကတော့ မျက်ရည်လွယ်တဲ့ကျွန်မ တရိရိတိုက်စားခြင်းတစ်ပုဒ်ကို ရင်နာနာနဲ့ ဆုံးအောင် နားမထောင်နိုင်ခဲ့ပါဘူး တိုက်စားခြင်းကို အံတုနေသော လူသားတစ်ဦးနှင့်လဲ မိတ်ဆက်ပေးပါရစေဦးရှင်..... သူ့နာမည်က

ကိုကျော်ကျော်ဦး - ပဲခူးဇာတိ၊ အထက်တန်းအောင်၊ အသက် ၂၄၊ အိမ်ထောင်မရှိ၊ တရားမ၀င်နေထိုင်၊ ဆောက်လုပ်ရေးလုပ်သား။

တစ်လုံးကို ၈ပေပတ်လည်လောက်ရှိမည့် တဲကုပ်ကုပ်လေးတွေချည်း ရှိနေသည့် ဗမာရပ်ကွက်တစ်ခုအတွင်းက တစ်ခုသော တဲငယ်လေးရှေ့မှာ ပွတ်ချွန်းဆေးလိပ်ကို ဖွာရှိုက်ရင်း ညနေခင်းကိုခံစားနေသူကတော့ ကိုကျော်ကျော်ဦးပါပဲ။

တစ်နေကုန်တစ်နေခမ်း အလုပ်ခွင်ထဲမှာ အလုပ်ကြမ်းတွေကို ခန္ဓာကိုယ်နဲ့ ချွေးနဲ့ရင်းပြီး ရှာခဲ့ရပေမယ့် စစ်တမ်းမေးခွန်းတွေ ဖြေရင်း သူ့ဘ၀ဇာတ်ကြောင်းကိုတော့ မမောတမ်း ဒီလိုရှင်းပြခဲ့ပါတယ်။

“ ကျွန်တော်ထွက်လာတုန်းက အသက် ၁၈ နှစ်ပါ။ မဲ့ဆောက်ကိုရောက်တာ ၁နှစ်ခွဲပဲ ရှိပါသေးတယ်။

ထွက်လာတုန်းကတော့ တော်တော်ငယ်သေးတယ်၊ စားသောက်ဆိုင်မှာ အလုပ်ရမယ်၊ လခကောင်းမယ်ဆိုပြီး ရနောင်းမှာတွေ့တဲ့ လူတစ်ယောက်က ထိုင်းဘက်ကမ်းကို ခေါ်လာတယ်။ လက်တွေ့မှာတော့ ကျွန်တော်လုပ်ရတာ ငါးဖမ်းသင်္ဘောတစ်စင်းမှာပါ။ ရှမ်းစကားလဲမတတ် ငါးလုပ်ငန်းလဲ မကျွမ်းကျင်တဲ့သူဆိုတော့ မကြာခဏ ဆူခံ ရိုက်ခံရတယ်။

(အင်းးးး ဟိုဘက်ကမ်း ဒီဘက်ကမ်း တကယ်ဆို ဘာမှဝေးတာမဟုတ်ဘူး။ နိုင်ငံကဆင်းရဲနိမ့်ကျခဲ့တော့ ဒီလိုဒီလို ဖြစ်ရပ်မျိုးတွေ အရောင်းအ၀ယ်ခံ လူ့အခွင့်အရေး ဆုံးရှုံးရရှာသူတွေရဲ့ ရင်နာစရာတွေ။

ငါတောင် ဒီလောက်နာကျင်ရမှာတော့ ဘ၀တစ်ခုလုံးထိခိုက်ခဲ့ရသူတွေမှာ ဘယ်လောက်တောင် နာကျည်းလိုက်မလဲ?? အို ...မတွေးပါနဲ့လေ.. ဆက်နားထောင် မိညို... ဆက်နားထောင်)

ဒီမှာကြည့်ပါ အစ်မ... ကျွန်တော့လက်က ကောက်နေတာ မြင်လား??

အဲဒီသင်္ဘောက လူတွေရိုက်လိုက်တာ ဘယ်ဘက်လက်ကျိုးသွားပြီး ဗမာအလုပ်သမားအချင်းချင်း ရှိတာလေးနဲ့ ကြပ်စီးပေးထားကြလို့ လက် မဖြတ်ပစ်ရတာပါ။ အဲဒီတုန်းကလဲ အားလုံး ၀ိုင်းတားကြလို့သာ

ပင်လယ်ထဲအပစ်ချမခံရတာ။ ရေလယ်ခေါင်ကြီးမှာ ရိုက်နှိက်ထားတဲ့ဒါဏ်ရာတွေနဲ့ ပစ်ချခံရင် သေမှာပဲ။

( အို.... ဘုရားသခင်..... လူသားချင်းစာနာစိတ်ဆိုတာ ကိုယ်ချင်းစာတရားဆိုတာ ဘယ်မှာလဲ? )

အဲဒီနောက်ပိုင်း ကမ်းကပ်တိုင်း ပြေးဖို့ကြံတာပါပဲဗျာ။ ၃ ခါလောက် ထွက်ပြေးလို့ အရိုက်ခံရပြီး ၄ကြိမ်မြောက်မှာ

ရှမ်းမိတ်ဆွေ ၂ ယောက်အကူအညီနဲ့ ထွက်ပြေးလာနိုင်ခဲ့တယ်။ ဒါပေမယ့်ဗျာ ကိုယ်၌က ဘတ် (အလုပ်သမားကဒ်) မရှိ ပါ့တ်စ်ပို့မရှိနဲ့လေဗျာ။ဘယ်လိုလုပ် ပေါ်ပေါ်ထင်ထင်သွားလာရဲမှာလဲ။

ဒီလိုပဲ လူပို့တဲ့ကား ထဲမှာ ကြပ်ကြပ်သိပ်သိပ်နဲ့ လိုက်ပြီး ဘန်ကောက်ကို ရောက်သွားသေးတယ်။

အဆင်မပြေပါဘူးဗျာ။ ဘန်ကောက်မှာ သူတောင်းစား မဖြစ်ခဲ့ရုံတမယ်ပါပဲ။

ဒါနဲ့ ဒီဘက်ကို ထပ်ခိုးထွက်လာရပြီး အခုဆောက်လုပ်ရေးတခုမှာ ၀င်လုပ်နေရတယ်။

တခါတလေလဲ ရဲဖမ်းရင် တစ်နေ့စာကုန်တာပါပဲ။ ဒါတောင် ဒီနှစ်တွေအတွင်း ရှမ်းလိုတော်တော်ပြောတတ်လာလို့နော်။

(အလုပ်သမားကဒ်လုပ်ဖို့က အလုပ်ရှင်ရဲ့ထောက်ခံစာရယ် တစ်နှစ်စာ ဘတ်ငွေ ၁၈၀၀ ရယ်၊ ပွဲစားခက ဘတ်ငွေ ၁၂၀၀၊ ပါတ်စ်စပို့အသေးလို့ သူတို့ခေါ်တဲ့ ထိုင်းနိုင်ငံအတွင်းသွားလာခွင့် ပါတ်စ်ပို့က လုပ်ခွင့်ရပ်ဆိုင်းထားချိန်။ လုပ်ခွင့်ရရင်တောင်မှ ပွဲစားခမပါ အနည်းဆုံး ဘတ်ငွေ ၆၀၀၀နှင့် အထက်။

တစ်နေ့လုပ်မှ ဘတ် ၁၈၀-၂၀၀ သာရသောသူများ ဘယ်ကဘယ်လို? ဟူးးးးးးးးးးးးးးးးးးးးးးးး)

မဟုတ်ရင် ဖမ်းခံရပြီး သွန်တဲ့အထဲပါသွားဦးမှာ။ သွန်ရင်လဲ ဒီဖက်ကို ပြန်လာရမှာပဲဗျ။

ဟိုဘက်က ပြည်တော်ပြန်ကြိုဆိုရေးမှာလဲ အလုပ်မရှိအကိုင်မရှိနဲ့ ဘတ် ၂၂၀၀ မပေးနိုင်ဘူး။ တစ်နေ့ထမင်းဖိုး ဘတ်၁၀၀ လဲ မတတ်နိုင်ဘူး။

အဲဒါတွေထက်ပိုတာက ကျွန်တော် အိမ်ကထွက်လာတာ ၆ နှစ်ရှိပြီ၊ အမေ့အိမ်ကိုအရမ်းပြန်ချင်တယ်။

ဒါပေမယ့် ဒီလိုလက်လွတ်ခွက်ချွတ်ဘ၀နဲ့တော့ မပြန်ဘူးဗျာ။ စုပြီးဆောင်းပြီးမှ ပြန်မယ်။

အိမ်ကိုတော့အခုလဲ အဆက်အသွယ်ရပါတယ်။

ငွေထုပ်ပိုက်ပြီး မပြန်နိုင်တောင် လူလူသူသူဖြစ်တော့ ပြန်လာမယ်ဗျာ လို့ပဲ

အဖေတို့အမေတို့ကိုပြောထားတယ်။

ကျွန်တော်တော့ ရသလောက် ဒီမှာပဲ ကုပ်ကပ်နေပြီး အဖေ့ကိုပြောသလို လူလူသူသူ အင်းး လူလူသူသူပေါ့ဗျာ....”

(လူလူသူသူ အိမ်ပြန်ချင်လို့တဲ့.... သူ့လက်ရှိဘ၀ကို သူဘယ်လိုများ အဓိပ္ပါယ်ဖွင့်ထားပါလိမ့်?

အမေ့အိမ်ကို လွမ်းတာတောင် ရဲဖမ်းမှာကြောက်ရ ပြည်တော်ပြန်ကြိုဆိုရေးကိုတွက်ရ

သူဖြစ်ချင်တဲ့ လူလူသူသူ.... သြော်......လူလူသူသူ.................)

အင်းးးး ဒီလိုဆိုတော့လဲ တိုက်စားခြင်းကိုတော်လှန်နေတဲ့ လုပ်အားအလှနဲ့ မာနမှုန်ပျပျပုံပြင်တစ်ပုဒ်ကို မြင်နေရသလို....

---

ချစ်ခြင်းများစွာဖြင့်

မိုးကြာညို

ကျွန်တော်တို့ လူမျိုးတွေက ညှော်နံ့ကနေ ရောဂါတွေ ရစေတယ်၊ ရောဂါရနေရင်လဲ ဆိုးစေတယ်လို့ ဘာသုတေသနမှ မလုပ်ဘဲ ယုံကြည်ကြတယ်။ သိပ္ပံပညာသင်သူ လူငယ်တွေကတော့ တွင်တွင်ငြင်းကြတယ်။ ဆရာဝန်ဖြစ်စတုံးကလဲ မေးလာရင် ဟိုလို-ဒီလိုလို ဖြေဘူးခဲ့တယ်ဆိုတာကို ဝန်ခံပါတယ်။

လေထဲမှာ Organic chemicals (အော်ဂဲနစ်) ဓါတ်တွေ ပါနေတာကို Volatile organic compounds (VOCs) ခေါ်တယ်။ (အော်ဂဲနစ်) ဆိုတာ ကာဗွန်ပါတဲ့ ဒြပ်ပေါင်းတွေဖြစ်တယ်။ ဒါတွေဟာ ကျန်းမာရေးကို ရေတို-ရေရှည် ထိခိုက်စေမှာတွေ ဖြစ်တယ်။ ရေရှည် ဖြစ်စေတာက ပိုများပြီး၊ ဆောင်းတွင်းမှာ ပိုဆိုးတယ်။

အရောင်ဆိုးဆေးတွေ၊ သုတ်ဆေးတွေ၊ ပိုးသတ်ဆေးတွေ၊ သန့်ရှင်းရေးသုံး ဓါတုဆေးတွေ၊ ဆောက်လုပ်ရေး ပစ္စည်းတွေ၊ ရုံးသုံးစက်ကရိယာပစ္စည်းတွေ၊ စာရေးကရိယာတွေ၊ အလှအပ အသုံးအဆောင်တွေ၊ စတာ စတာတွေကနေ လေထဲမှာ VOCs တွေ ပါနေတယ်။ ကုန်ကုန် ပြောရရင် လေသန့်စေတဲ့ ဆေးထဲမှာလဲ လေမသန့်တာတွေ ပါတာသတိပြုပါ။

VOCs တွေဟာ တခြားဟာတွေထက် ရေဆူအမှတ် နိမ့်လို့ အငွေ့အနေနဲ့ ထွက်နေတာ ဖြစ်တယ်။ ဥပမာ သုတ်ဆေး၊ ပလာစတာ၊ နံရံနဲ့ မျက်နှာကျက်တွေထဲမှာပါတဲ့ Formaldehyde (ဖေါ်မ်ာလ်ဒီဟိုက်) ဟာ –19 ºC (–2 ºF) ဆိုရင် ဆူပြီ။ (ဖေါ်မ်ာလ်ဒီဟိုက်) အပြင် Decane, Butoxyethanol, Isopentane, Limonene, Styrene, Xylenes, Toluene, Perchloroethylene, Methylene chloride နဲ့ Vinyl chloride တွေ ပါဝင်တယ်။ လူလုပ်တာတွေသာမက (ဖန်းဂတ်) မှိုတွေ ကနေလဲ ဖြစ်စေတယ်။ အနံ့နဲ့သိနိုင်တယ်။ Aldehydes, Alcohols နဲ့ Ketones တွေ ပါနေတယ်။ တခါတလေ Geosmin, Hexanone နဲ့ Octanols တွေလဲ ပါတတ်တယ်။

ကျန်းမာရေး အန္တရာယ်တွေကတော့ -
• ကလေးတွေမှာ အသက်ရှူလမ်း နဲ့ ရောဂါပြီးစနစ်တွေကို ထိခိုက်နိုင်တယ်။ (အလာဂျီ) ရနိုင်တယ်။
• မျက်စိ၊ နား၊ လည်ချောင်းတွေ ထိခိုက်ရာကနေ ခေါင်းကိုက်မယ်၊ ပျို့အန်မယ်၊
• အသဲ၊ ကျောက်ကပ်၊ ဗဟိုအာရုံကြောစနစ် ထိခိုက်မယ်။
• အားယုတ်မယ်၊ ခေါင်းမူးမယ်၊ နှာခေါင်းသွေးထွက်မယ်၊ စိတ်မကြည် ဖြစ်မယ်။
• (လူကီးမီးယား) နဲ့ (လင်ဖိုးမာ) ကင်ဆာရောဂါတွေ ပိုဆိုးစေတာ သိရတယ်။
• တိရစ္ဆာန်တွေမှာ ကင်ဆာ ဖြစ်တာ သိရတယ်။ လူတွေမှာ ဖြစ်တာလဲ သံသယ ရှိတယ်။
• ဒီအိမ်၊ ဒီရုံး၊ ဒီအခန်းထဲဝင်မှ ဒါတွေ ဖြစ်တာမျိုးကို နေမကောင်းစေအာင်လုပ်ပေးတဲ့ (ဆင်ဒရုမ်း) လို့ ခေါ်ကြတယ်။

ဘယ်လို လျော့နည်းအောင် လုပ်မလဲ
ဥပဒေလုပ်ပြီး ကန့်သတ်၊ တားဆီးကြတယ်။ ၁၉၈၅ မှာ အမေရိကန် ပတ်ဝန်းကျင်ထိန်းသိမ်းရေး အေဂျင်စီက ထုတ်တဲ့ လေ့လာချက်အရ အခန်းထဲမှာ အပြင်ထက် VOCs ၂ ဆကနေ ၅ ဆ အထိများတာ တွေ့ရတယ်။ မြို့မှာက တောထက် ပိုဆိုးတယ်။ VOCs Sensors (ဆင်တာ) ဆိုတာတွေ တပ်ဆင်ထားရတယ်။ မီးခိုး (အလမ်း) ဆိုတာ အိမ်တိုင်း၊ ရုံးတိုင်း၊ အခန်းတိုင်းမှာ တပ်ထားကြရတယ်။ မြန်မာ အခြေချ နေထိုင်သူတွေ (အလမ်း) ခဏခဏထမည်လို့ ပြဿနာ တက်ကြတာ ကြားနေရတယ်။

သူများတိုင်းပြည်တွေသွားနေကြရသူတွေဟာ ကိုယ့်အစားအစာကို ခုံမင်စွဲလမ်းကြတယ်။ ကျွန်တော်တို့ အလွန်ကြိုက်တဲ့ ငါးပိ၊ ငါးခြောက်ကို သူများတွေ မစားတတ်လို့ အနံ့ကိုမခံနိုင်ကြဘူး။ အိမ်နီးချင်းတွေနဲ့ စကားများရတယ်။ အိန္ဒိယမှာ လူဦးရေထူထပ်ပြီး ဆင်းရဲသူတွေများလွန်းလို့ အိမ်သာ မလုံလောက်တဲ့နေရာတွေမှာ လမ်းဘေး အညစ်အကြေး စွန့်ကြတယ်။ ဒါကြောင့် မစင်နံ့ခံနေသူတွေက ငါးပိနံ့ကို မခံနိုင်ဘူး ပြောတာဟာ မခံချင်စရာအမှန်ဘဲ။ ကျွန်တော်တို့ လူမျိုးတွေ ချက်ပြုတ်ကြော်လှော်တာတွေထဲမှာ ပါတာတွေကို သုတေသန လုပ်တာ မကြားသေးဘူး။ အစဉ်အလာ ယုံကြည်နေကြတာကို ဟုတ်-မဟုတ် လက်တွေ့ပြနိုင်ဘို့ ကြိုးစားကြရမယ်။

အဆုပ်-ကင်ဆာ ရှိသူကနေ 22 VOCs ပါတယ်လို့ သုတေသနက ဆိုတယ်။ နောက်ဆုံးရ ကျန်းမာရေးသတင်းမှာ တီဘီ ဖြစ်နေသူတွေကို ဆေးကုသတာ ထိရောက်မှု ရှိ-မရှိ ဆီးစစ်ပြီး အလွယ်နဲ့ သိမယ်တဲ့။ ဒီသုတေသန ဆရာဝန်တွေ ပြောတာက လူနာတွေကနေ ထုတ်ပေးနေတဲ့ VOCs တွေက မတူကြဘူးတဲ့။ လူတွေရဲ့ လက်ဗွေပုံစံလို တီဘီ-လူနာတွေက ထူးခြားတယ်လို့ ဆိုပါတယ်။

“အလှူပေးခြင်း၊ ဣနြေ္ဒကို ဆုံးမခြင်း၊ ကိုယ်နှုတ်တို့ကို စောင့်စည်းခြင်းကြောင့် စကြဝတေးမင်း ရဲ့ ကိုယ်နံ့ဟာ စန္ဒကူးနံ့၊ ခံတွင်းနံ့ဟာ ကြာညိုနံ့ သင်းတယ်” လို့ မဟာသုဒဿနသုတ်မှာ ဖတ်ရပါမယ်။ လူတွေ အသက်ရှူထုတ်ရင်လဲ VOCs ဆိုတာတွေ ရာနဲ့ချည်ပြီး ပါနေနိုင်တယ်။ ကိုယ်နံ့ မကောင်းသူတွေကို အနားမကပ်ချင်ကြတာ အဲဒါကြောင့်နေမယ်။

ကျန်းမာရေးစာဟာ သိပ္ပံစာဖြစ်လို့ ဘာတွေသာ လုပ်ပါ၊ ဘာတွေမလုပ်ပါနဲ့ဆိုတာ တန်းစီပြီး ရှိပါတယ်။ ဖတ်ရင်လဲ ပျင်းစရာ၊ မလိုက်နာနိုင်တာလဲ များတာမို့ တကြောင်းထဲနဲ့ အကြံပေးရရင် “သဘာဝနဲ့ မဝေးမကွာ၊ ရိုးရိုးလေးသာ နေထိုင်တာ အကောင်းဆုံးပါ” ခင်ဗျား။

ဒေါက်တာ တင့်ဆွေ

ပို့စ်မော်ဒန် လက်ရာတွေထဲမှာ ထင်ရှားတဲ့  ဂျပန်စာရေးဆရာ ဟာရူကီ မူရာကာမိ (Haruki Murakami) ဟာရူကီမူရာကာမီဟာ လက်ရှိမှာ အသက် ၆၃ နှစ် ရှိပြီး စာတွေ ဆက်လက်ရေးသားဆဲပါ။ စာပေနိုဘဲလ်ဆုအတွက်လည်း ဆန်ခါတင်စာရင်းထဲမှာ အကြိမ်ကြိမ် ပါဝင်ခဲ့သူဖြစ်ပါတယ်။ သူရေးတဲ့ ၀တ္ထုရှည်တွေထဲက ၂၀၀၂ ခုနှစ်မှာ ဂျပန်ဘာသာနဲ့ ပုံနှိပ်ခဲ့ပြီး၂၀၀၅ ခုနှစ်မှာ Philip Gabriel ဘာသာပြန်ဆိုတဲ့ အင်္ဂလိပ်ဘာသာနဲ့ ထုတ်ဝေခဲ့တဲ့ Kafka on the shore ဆိုတဲ့ စာအုပ်ကို မိတ်ဆက်တင်ပြလိုပါတယ်။

ကက်ဖ်ကာ (Kafka) လို့ပြောလိုက်ရင် နှစ်ဆယ်ရာစုရဲ့ ထင်ရှားတဲ့ စာရေးဆရာ Franz Kafka ကို သတိရကြမှာပါ။ ကျော်ကြားတဲ့ ၀တ္ထုတွေဖြစ်တဲ့ The Tiral တို့ The Castle တို့ဆိုတာ မြန်မာပရိသတ် အတော်များများနဲ့ ရင်းနှီးပြီးသားပါ။ ကက်ဖ်ကာတာမူရ ဆိုတာကတော့ မူရာကာမိရဲ့ ၀တ္ထုထဲက  ဇာတ်လိုက်လေးရဲ့ နာမည်ဖြစ်ပါတယ်။

ဒီဝတ္ထုမှာ အရေးပါတဲ့ နောက်ခံပုံပြင်တစ်ခုကတော့ Oedipus Complex ဆိုတဲ့ သီအိုရီတစ်ခုဖြစ်တယ်။ အောဒီပတ်စ် (Oedipus) ဆိုတာက ဂရိဒဏ္ဍာရီတွေထဲက ဇာတ်ကောင်တစ်ကောင်ပါ။ အောဒီပတ်စ် က သူ့အဖေကို သတ်ပြီးတော့ သူ့အမေနဲ့လက်ထပ်ခဲ့တယ် လို့ ပုံပြင်ထဲမှာ ပါပါတယ်။ ကလေးဘ၀မှာ အမေကို မိန်းမတစ်ယောက်အဖြစ် သဘောထား ခင်တွယ်ပြီး အဖေကို မုန်းချင်တဲ့ စိတ်အခြေအနေ ခေတ္တ ပေါ်လာတတ်တာကို Oedipus Complex လို့ ဆေးပညာမှာ ခေါ်ဝေါ်လေ့ရှိပါတယ်။

Kafka on the shore ၀တ္ထုအကြောင်းကို ပြောရရင် ဇာတ်လမ်းနဲ့တင် မလုံလောက်ပါဘူး။ ဇာတ်လမ်းဇာတ်ကွက်တွေက အရေးပါတာ မှန်ပေမယ့် စာရေးဆရာရဲ့ တင်ပြပုံနဲ့ သိမ်းဝှက်ထားတဲ့ ပဟေဠိဆန်ဆန် အတွေးအခေါ်တွေက ဒီဝတ္ထုရဲ့ အဓိကအချက်တွေပါ။ ဆာရီယယ်ဆန်တဲ့ ပို့စ်မော်ဒန် ၀တ္ထုတစ်ပုဒ်မို့ သမားရိုးကျ ဇာတ်လမ်းတွေလို မဟုတ်ပါဘူး။ သဘာဝထက် လွန်ကဲတဲ့ ဖြစ်ရပ်တွေ အတွေးအခေါ်ကို အခြေပြုတဲ့ ဇာတ်ကွက်တွေ အများကြီး ပါပါတယ်။ အခုလို မှတ်စုလေး ရေးမိတဲ့ အကြောင်းရင်းမှာ ဒီစာအုပ်ကို  တခြားဘာသာစကား အတော်များများမှာ ဘာသာပြန်ခဲ့ကြတယ် ဆိုပေမယ့် မြန်မာနိုင်ငံ အနေအထားနဲ့တော့ တစ်ယောက်ယောက်က မြန်မာလို ဘာသာပြန် ထုတ်ဝေဖို့ မဖြစ်နိုင်ဘူးလို့ ထင်မိတာလည်း ပါပါတယ်။ ဇာတ်လမ်းရဲ့ အဓိကကျောရိုး အကြောင်းအရာနဲ့ တင်စားမှုတွေဟာမြန်မာ့ယဉ်ကျေးမှု ထုံးတမ်းစဉ်လာတွေ အတွေးအခေါ်တွေနဲ့ အများကြီး ပဋိပက္ခ ဖြစ်နေနိုင်ပါတယ်။

မူရာကာမီရဲ့ ရေးဟန်စတိုင်ဖြစ်တဲ့ ဖြစ်ရပ်နှစ်ခုကို အပြိုင်တင်ပြခြင်း ကို ဒီဝတ္ထုမှာ တွေ့ရမယ်။ တစ်ခုကတော့ ဇာတ်လိုက်ဖြစ်တဲ့ အသက် ၁၅နှစ် အရွယ်ဖြစ်တဲ့ ကက်ဖ်ကာတာမူရ ဆိုတဲ့ လူငယ်လေး အိမ်ကထွက်ပြေးတဲ့ အကြောင်းပါ။ နောက်တစ်ခုကတော့ နာကာတာဆိုတဲ့ ကြောင်တွေနဲ့ စကားပြောတတ်တဲ့ အဘိုးကြီးတစ်ယောက်ရဲ့ အကြောင်း။ အဲဒီအကြောင်းအရာ နှစ်ခုကို တစ်လှည့်စီ ဖော်ပြထားပြီး နောက်ပိုင်းမှာ ခပ်ပါးပါး ဆက်စပ်ပေးသွားပါတယ်။

ဇာတ်လမ်းအဖွင့်မှာ ကျီးကန်းလို့အမည်ရတဲ့ ကောင်လေးတစ်ယောက်နဲ့ ၁၅နှစ်သား ကက်ဖ်ကာတို့ စကားပြောနေဟန်နဲ့ စထားပါတယ်။ ကျီးကန်းက ကက်ဖ်ကာ အိမ်ကထွက်ပြေးမယ့် အစီအစဉ်မှာ အကြံပေးနေပါတယ်။ ကက်ဖ်ကာ ဟာ တိုကျိုမှာ နေတယ်။ တနေ့မှာ ကိုယ့်အဖေကို သတ်ပြီး သူ့အမေ သူ့အစ်မနဲ့ အတူနေလိမ့်မယ် လို့ သူ့အဖေကိုယ်တိုင်က နိမိတ်ဖတ် ကျိန်စာတိုက်ထားတာကို ငယ်ငယ်ကတည်းက ခံရတယ်။ အတူနေ ဆိုတဲ့ စကားရဲ့ အဓိပ္ပါယ်ကိုတော့ နောက်မှ သူသိခဲ့တာပါ။ သူ့ကိုမမွေးခင် အချိန်တွေက မွေးစားထားတဲ့ အစ်မတစ်ယောက် ရှိခဲ့ဖူးတယ်။ သူ လေးနှစ်သားလောက်မှာ သူ့အမေဟာ အဲဒီအစ်မကို ခေါ်ပြီး အိမ်ကဆင်းသွားတယ်။ အဲဒီအမေနာမည်နဲ့ အစ်မနာမည်ကိုတောင် သူမသိခဲ့ဘူး။ သူ့ကိုကျောင်းအပ်တော့ အဖေနာမည် တစ်ခုတည်းနဲ့ပဲ အပ်ခဲ့တယ်။ သူ့အဖေ ကြိုနိမိတ်ဖတ်ခဲ့တဲ့ ကျိန်စာဟာ သူ့နှလုံးသားထဲမှာ စွဲနေတယ်။ သူ့အဖေကိုလည်း သူမုန်းတယ်။ အသက် ၁၅ နှစ်သား ရောက်တဲ့အခါ သူ့အဖေကို ထားပြီး အိမ်ကနေ ထွက်ပြေးခဲ့တယ်။ လမ်းမှာ သူ့အစ်မအရွယ် ဆာကူရာဆိုတဲ့ မိန်းကလေးတစ်ယောက်နဲ့ ခင်မင်သိကျွမ်းခဲ့တယ်။ နောက်တော့ တခြားမြို့တစ်မြို့ကို ရောက်သွားတယ်။

တနေ့မှာ သူဟာ သတိလစ်သလိုဖြစ်သွားပြီး သတိရလာတော့ လက်မှာ သွေးတွေပေကျံလို့ သူမသိတဲ့ လမ်းဘေးတစ်နေရာကို ရောက်နေခဲ့တယ်။ သူ့အဖေ ဟောကိန်း ထုတ်ထားခဲ့သလို သူ့အဖေကို သူသတ်မိသလားလို့ တွေးလိုက်မိတယ်။ သူ့ကိုယ်သူ မသေချာဘူး။ ဒီမြို့ကနေ ဒီလောက် အချိန်တိုတိုလေးမှာ တိုကျိုကို ပြန်သွားပြီး သူ့အဖေကို သွားသတ်ဖို့ဆိုတာ မဖြစ်နိုင်ဘူး။ သူဟာ အိပ်မက်ထဲမှာ သူ့အဖေကို သွားသတ်မိသလားလို့ သံသယဖြစ်မိတယ်။ အဲဒီညမှာ သူနဲ့ လမ်းမှာတွေ့ခဲ့တဲ့ ဆာကူရာ ဆီကို ဖုန်းဆက်ပြီး ရောက်သွားတယ်။ ဆာကူရာက သူ့အိမ်မှာ ကက်ဖ်ကာ နေချင်ရင် နေလို့ရတဲ့အကြောင်း ကမ်းလှမ်းပေမယ့် ကက်ဖ်ကာက နောက်တနေ့ မနက်မှာ ပြန်ထွက်လာခဲ့တယ်။ နောက်တော့ သူ့အဖေ အသတ်ခံရတယ် ဆိုတဲ့သတင်းကို ကြားရတယ်။ သူဟာ ဇဝေဇ၀ါဖြစ်နေခဲ့တယ်။

နောက်တော့ ပုဂ္ဂလိက စာကြည့်တိုက်တစ်ခုမှာ နေတယ်။ စာကြည့်တိုက်မှူး အိုရှီးမားက သူ့ကို စာကြည့်တိုက်အကူအဖြစ် အလုပ်ပေးထားတယ်။ သူ့ကို စာကြည့်တိုက်ထဲက အခန်းတစ်ခန်းထဲမှာ နေစရာပေးတော့ ထူးဆန်းတဲ့ ပန်းချီကားတစ်ချပ်ကို တွေ့ရတယ်။ ပန်းချီကားထဲမှာ ရေးထားတာ ကမ်းခြေတနေရာက လူငယ်တစ်ယောက်ပုံပါ။ နောက်တော့ မစ်စ်ဆေကီ လို့အမည်ရတဲ့ စာကြည့်တိုက် အုပ်ချုပ်သူ အမျိုးသမီးကြီးနဲ့ တွေ့တယ်။ မစ်စ်ဆေကီအကြောင်းကို အိုရှီးမားကပြောပြတယ်။ မစ်စ်ဆေကီက တချိန်က Kafka on the shore လို့ အမည်ရတဲ့ သီချင်းတစ်ပုဒ်ကို ဓာတ်ပြားထုတ်ခဲ့ပြီး နာမည်ကျော်ခဲ့တယ်တဲ့။ သူ့ချစ်သူဟာ အသက်ငယ်ငယ်နဲ့ ဆုံးပါးပြီးတဲ့နောက် မစ်စ်ဆာကီဟာ ပျော်စရာတွေ ပျောက်ဆုံးသွားခဲ့တယ်။ မြို့ကနေ အချိန်အတော်ကြာပျောက်သွားပြီးမှ ပြန်ရောက်လာတယ်တဲ့။ ကက်ဖ်ကာ့ အခန်းထဲက ပန်းချီကားထဲက ကောင်လေးပုံဟာ မစ်စ်ဆေကီရဲ့ ချစ်သူဟောင်း ဖြစ်နိုင်တယ် တဲ့။

ကက်ဖ်ကာက အဲဒီအမျိုးသမီးကြီးကို သူ့အမေဖြစ်ကောင်း ဖြစ်နိုင်တယ်လို့ ယူဆနေမိတယ်။ သူ့အဖေ ရှေ့ဖြစ်ဟောခဲ့တာတွေ မှန်လာတော့မလားလို့လည်း စွဲလန်းနေတယ်။ ညဘက်ရောက်တော့ သူအိပ်နေတုန်း သရဲခြောက်သလို ခံစားရတယ်။ အသက် ၁၅နှစ်လောက်ရှိတဲ့ကောင်မလေးတစ်ယောက်က သူ့ခုတင်ပေါ်မှာထိုင်ပြီး ပန်းချီကားကို ငေးကြည့်နေသတဲ့။ သေသေချာချာကြည့်တော့ အဲဒီမိန်းကလေးဟာ မစ်စ်ဆာကီကိုယ်တိုင်ရဲ့ ၁၅ နှစ်အရွယ်ဖြစ်နေတယ်။ ကက်ဖ်ကာက အဲဒီမိန်းကလေးကို ကြိုက်သွားမိတယ်။ အဲဒီ သရဲက သူ့အခန်းကို နေ့တိုင်းလာတယ်။ လူတွေဟာ အသက်ရှင်နေပေမယ့်လည်း အချိန်ပိုင်းတစ်ခုမှာ တစ္ဆေသရဲ ဖြစ်ချင်ရင် ဖြစ်နေနိုင်ကြောင်း အိုရှီးမားနဲ့ ဆွေးနွေးဖြစ်တယ်။ နောက်တော့  အမျိုးသမီးကြီး မစ်စ်ဆေကီနဲ့ ကက်ဖ်ကာဟာ တကယ့်ကို ဇာတ်လမ်းဖြစ်သွားခဲ့ကြတယ်။

နာကာတာ ဟာ ဉာဏ် ရည်မမြင့်ဘူး။ စာမတတ်တဲ့ အဖိုးကြီး တစ်ယောက်ပါ။ တိုကျိုမြို့မှာ နေထိုင်ပါတယ်။ သူဟာ ကလေးဘ၀က ထူးဆန်းတဲ့ အဖြစ်အပျက်တစ်ခု အောက်မှာ အိမ်ကနေ ပျောက်ဆုံးသွားဖူးတယ်။ သူ့ကို ပြန်တွေ့တဲ့ အချိန်မှာ သူ့ရဲ့မှတ်ဉာဏ် တွေ အကုန်ပျောက်သွားတယ်။ သူ့ကို စာသင်ပေးလို့လည်း မရတော့ဘူး။ ဒီလိုနဲ့ အသက်ကြီးလာပြီး မိဘတွေလည်း ဆုံးပါးသွားတော့ တစ်ယောက်တည်းပဲ နေပါတယ်။ သစ်သားနဲ့လုပ်တဲ့ ပရိဘောဂဆိုင်မှာ အလုပ်လုပ်ခဲ့တယ်။ ခေတ်တွေပြောင်းသွားတော့ လူတွေက အဲဒီလိုပရိဘောဂတွေ သိပ်မလုပ်ကြတဲ့အချိန်မှာ အလုပ်လက်မဲ့ဖြစ်သွားတယ်။ သူကကြောင်တွေနဲ့ စကားပြောတတ်တော့ ကြောင်ပျောက်တဲ့လူတွေအတွက် ကြောင်လိုက်ရှာပေးတဲ့ အလုပ်လုပ်ပါတယ်။ သူ့သွေးချင်းတွေက သူ့ကို အသေအချာ မထောက်ပံ့တဲ့အတွက် မြို့တော်ဝန်က ပေးထားတဲ့ ထောက်ပံ့ကြေးနဲ့ပဲ နေထိုင်ပါတယ်။

တနေ့တော့ သူ့ဆီကို ထူးဆန်းတဲ့ လူတစ်ယောက် ရောက်လာတယ်။ ဦးထုတ်ရှည်နဲ့ တုတ်ကောက်နဲ့။ သူ့ကိုယ်သူ ကြောင်သတ်သမားလို့ပြောတယ်။ကြောင်တွေရဲ့ ၀ိညာဉ်ကနေ ပုလွေလုပ်မလို့လို့ ပြောတယ်။ သူ့နာမည်က ဂျော်နီဝါကား တဲ့။ ဂျော်နီဝါကားက နာကာတာကို သူ့ကိုသတ်ပေးဖို့ပြောတယ်။ နာကာတာက မသတ်ရဲဘူး။ ဒီတော့ ဂျော်နီဝါကားက ကြောင်တွေကို တစ်ကောင်ပြီးတစ်ကောင် သတ်ပြပါတယ်။ ဒီတော့ နာကာတာလည်း မနေနိုင်ပဲ ဂျော်နီဝါကားကို မီးဖိုချောင်က ဓားနဲ့ ထိုးသတ်လိုက်တယ်။

နောက်တော့ နာကာတာက ရဲတစ်ယောက်ကို သူ လူသတ်လိုက်တဲ့အကြောင်း သတင်းသွားပို့ပါတယ်။ ရဲက မယုံဘူး။ သေသေချာချာ မှတ်တမ်းယူမထားဘူး။ အဘိုးကြီးက စိတ်မနှံ့လို့ ပြောနေတယ်လို့ပဲ ထင်တယ်။ နာကာတာကပြန်ခါနီးမှာ ရဲကိုပြောခဲ့တယ်။ နောက်တရက်နှစ်ရက်မှာ ငါးမိုးရွာလိမ့်မယ်တဲ့။ နောက် တစ်ရက်နှစ်ရက်ကြာတော့ တကယ်ကိုပဲ ငါးမိုးရွာပါတယ်။ ရဲလည်း အံ့သြနေတယ်။ ဒါဆို အဘိုးကြီး တကယ်လူသတ်ခဲ့သလား ဇဝေဇ၀ါဖြစ်သွားတယ်။ နောက်တော့ လူသေအလောင်းတစ်ခုကို တွေ့ကြပါတယ်။ တိုကျိုက ထင်ရှားတဲ့ ပန်းပုဆရာ တစ်ယောက် ကို မီးဖိုချောင်က ဓားနဲ့ထိုးသတ်ခံရတာ ဖြစ်နေတယ်။ နောက်တော့ သက်ဆိုင်ရာတွေဟာ နာတာကာ က ရဲတစ်ယောက်ကို လူသတ်မိကြောင်း လာဝန်ခံထားတာကို သိသွားကြတယ်။ နာကာတာကို လိုက်ရှာကြတယ်။ အဲဒီအချိန်မှာ အဘိုးကြီး နာကာတာကတော့ မြို့မှာမရှိတော့ဘူး။ အဝေးတနေရာကို ခရီးထွက်သွားပြီ။

နာကာတာဟာ ကားကြုံတွေ တစ်စီးပြီး တစ်စီး စီးပြီး ခရီးထွက်ခဲ့တယ်။ သူ့မှာ လုပ်ငန်းတစ်ခု ပြီးဆုံးအောင် လုပ်စရာရှိတယ်လို့ ဆိုပါတယ်။ နောက်ဆုံးသူ့ကို ကားကြုံတင်ခေါ်တဲ့ ကားမောင်းသမား ဟိုရှီနို ဆိုတဲ့ လူငယ်တစ်ယောက်နဲ့ သူ့ခရီးကို ဆုံးခန်းတိုင်အောင် ဆက်သွားခဲ့တယ်။ ဟိုရှီနိုက သူ့ကို ကူညီတယ်။ အရာရာကို နေသားတကျပြန်ဖြစ်အောင် လုပ်ပေးရမယ့် ထူးဆန်းတဲ့ ကျောက်တုံးတစ်တုံးကို ကူရှာပေးတယ်။ ပြီးတော့ နာတာက တောင်းဆိုတဲ့အတိုင်း အဲဒီကျောက်တုံးနဲ့ တစ်ခုခုကို တံခါးဖွင့်ပေးခဲ့တယ်။ ဒီကြားထဲမှာ လူသတ်မှုအတွက် ရဲတွေက အဘိုးကြီးကို လိုက်ရှာကြလို့ပြေးနေရပါတယ်။ နောက်ဆုံးတော့ စာကြည့်တိုက်ကို ရောက်သွားကြတယ်။ မစ်စ် ဆေကီနဲ့ နာတာကာတို့ တွေ့ကြတယ်။ သူတို့နှစ်ယောက်တွေ့တဲ့အခါ သူတို့ ဘာဆက်လုပ်ရမယ်ဆိုတာ သိသွားကြတယ်။

အဲဒီအချိန်မှာ ကက်ဖ်ကာကတော့ စာကြည့်တိုက်မှာ မရှိတော့ဘူး။ သူ့အဖေသေဆုံးသွားတဲ့အတွက် ရဲတွေက အနီးဆုံးဆွေမျိုးဖြစ်တဲ့ သူ့ကို လိုက်ရှာနေကြတယ်။ အသက်မပြည့်ခင် အိမ်က ထွက်ပြေးသွားခဲ့တာမို့ အိမ်ပြန်ပို့မှာစိုးလို့ အိုရှီးမားက သူ့ကို တောထဲကို ခေါ်ပြီး ၀ှက်ပေးထားပါတယ်။

မစ်စ်ဆေကီက နာကာတာကို သူတသက်လုံးရေးပြီး သိမ်းထားတဲ့ မှတ်တမ်းစာရွက်ထုတ်ကြီးကိုပေးလိုက်တယ်။ သူ့ရဲ့ အမှတ်တရတွေအားလုံးကို ဖျောက်ဖျက်လိုက်ပါတော့မယ် တဲ့။ ဘယ်သူ့ကိုမှ မဖတ်စေဘဲ မီးရှို့ပေးပါလို့ အကူအညီတောင်းတယ်။ မစ်စ်ဆေကီ ခိုင်းတဲ့အတိုင်း လုပ်ပေးပြီး နောက်နေ့မှာ နာကာတာဟာ မနိုးသော အိပ်စက်ခြင်းနဲ့သေဆုံးသွားတယ်။ နောက်တနေ့မှာ မစ်စ်ဆေကီကလည်း စာကြည့်စားပွဲပေါ်မှာ သေဆုံးနေတာကို အိုရှီးမားက တွေ့လိုက်ရတယ်။ သူ့ပန်းချီကားလေးကို ကက်ဖ်ကာကို အပြီးပေးလိုက်ပါလို့ စာရေးမှာထားခဲ့တယ်။

ကက်ဖ်ကာဟာ တောထဲမှာ ပုန်းနေရင်း သူနဲ့ တစ်ခါကတွေ့ခဲ့တဲ့ ဆာကူရာ ဆိုတဲ့ မိန်းကလေးကို အိပ်မက်ထဲမှာ ပြစ်မှားမိတယ်။ ဆာကူရာသာ သူ့အစ်မဖြစ်ခဲ့ရင် သူ့အဖေ ကျိန်ထားသလို သူ့အစ်မကို သူပြစ်မှားမိပြီလို့ တွေးမိတယ်။ နောက်တော့ တောနက်ထဲ လျှောက်သွားရင်း ထူးဆန်းတဲ့ တစ်နေရာကို ရောက်သွားခဲ့တယ်။ အဲဒီမှာ အစောင့်အကြပ်တွေ ရှိတယ်။ အဲဒီက လူတွေက အစာမစားကြဘူး။ သူ့ကိုစောင့်ရှောက်ပေးတဲ့ ၁၅နှစ်အရွယ် မိန်းကလေးတစ်ယောက်နဲ့လည်း တွေ့တယ်။ မစ်စ်ဆေကီ ကိုလည်း အဲဒီမှာ တွေ့တယ်။ မစ်စ်ဆေကီက သူ့ကို လာရာလမ်းကို ပြန်သွားဖို့ပြောတယ်။ ဒါနဲ့ ကက်ဖ်ကာဟာ တောနက်ထဲကို ၀င်လာခဲ့တဲ့ တံခါးပေါက်တစ်ခုဆီကို အတင်းပြန်ပြေးပြီး လွတ်မြောက်လာခဲ့တယ်။

နိဂုံးမှာတော့ နာကာတာကို ကူညီခဲ့တဲ့ ကားမောင်းသမား ဟိုရှီနိုဟာ တစ်ယောက်တည်း ကျန်ခဲ့တဲ့အခါ သူတစ်ခုခုကို ကူဖွင့်ပေးခဲ့တဲ့ ကျောက်တုံးနဲ့ အဲဒီတစ်ခုခုကို ပြန်ပိတ်ပေးဖို့ နည်းလမ်းရှာတွေ့ခဲ့တယ်။ သူဟာ ကြောင်တွေနဲ့ စကားပြောနိုင်တဲ့ စွမ်းရည်ကိုလည်း ရခဲ့တယ်။

ကက်ဖ်ကာကတော့ စာကြည့်တိုက်ကို ပြန်ရောက်သွားတဲ့အခါ မစ်စ်ဆေကီ သေဆုံးပြီးတာကို သိရပါတယ်။ အိုရှီးမားကို နှုတ်ဆက်ပြီး တိုကျိုမြို့ကိုပြန်ဖို့ပြင်ပါတယ်။ သူ့မြို့ကို ပြန်ရောက်သွားရင် ပညာရေးပြီးဆုံးအောင် ကျောင်းဆက်တက်ရဦးမယ်လို့ပြောတယ်။ အိပ်ပျော်ပြီးတဲ့အခါ နိုးထရစမြဲ။ မင်းဟာ ကမ္ဘာအသစ်တစ်ခုရဲ့ အစိတ်အပိုင်း ဖြစ်သွားပြီလို့ ကက်ဖ်ကာကို ကျီးကန်းဆိုတဲ့ ကောင်လေးက ပြောလိုက်ဟန်နဲ့ ဆုံးသတ်ထားပါတယ်။

ဒီဝတ္ထုဟာ ဇာတ်လမ်းအနေနဲ့ ဘာဆက်ဖြစ်မလဲဆိုတာကို သိချင်စိတ်နဲ့ တစ်ရွက်ပြီးတစ်ရွက် ဆက်လှန်ဖတ်ဖြစ်မယ့် စာအုပ်ဖြစ်သလို ဇာတ်ကြောင်းရဲ့ အလှည့်လေးတွေတိုင်းမှာလည်း စာဖတ်သူကို တွေးစေချင်တဲ့ သဲလွန်စလေးတွေကို ချန်ထားခဲ့တယ် လို့ခံစားမိပါတယ်။

အင်္ဂလိပ်လို ဘာသာပြန်သူက အတိအကျ ပြန်ထားတယ်လို့ ယူဆရရင် သတိထားမိတဲ့ အချက်တစ်ချက်ကတော့ တင်ပြပုံမှာ ကက်ဖ်ကာအကြောင်း ပြောတဲ့ အခန်းတွေမှာ ကက်ဖ်ကာကို ပထမနာမ်စား (ငါ) အနေနဲ့ သုံးနှုန်းထားပြီး အဲဒီအခန်းတွေမှာပဲ တချို့ ဖြစ်ရပ်တွေကျတော့ ချက်ချင်းဆိုသလို ဒုတိယနာမ်စား (မင်း) အနေနဲ့ ပြောင်းလဲလိုက်တယ်။ ဒုတိယနာမ်စားဖြစ်သွားတဲ့  စာသားတွေကို ထင်ရှားအောင် အမဲရောင် လုပ်ထားပါတယ်။ ကက်ဖ်ကာက ကိုယ့်ကိုယ်ကို ငါလို့ သုံးနေရင်းက မင်းလို့ပြောင်းသွားတဲ့အချိန်တွေဟာ ကျီးကန်းလို့ခေါ်တဲ့ ကောင်လေးက ကက်ဖ်ကာကို ပြောလိုက်တဲ့ စကားတွေနဲ့လည်း အများအားဖြင့် တဆက်တစပ်တည်း ဖြစ်နေပါတယ်။

ဖတ်နေရင်း အတော်လေးရောက်တော့မှ ကျီးကန်းလို့ခေါ်တဲ့ ကောင်လေး ဆိုတာဟာ ကက်ဖ်ကာကိုယ်တိုင်ပဲ ဆိုတာကို သဘောပေါက်လာရတယ်။ မသိစိတ်နဲ့ သိစိတ် ဒါမှမဟုတ် လူ့စိတ်ရဲ့ အားပြိုင်နေတဲ့ စရိုက်နှစ်မျိုးကို တင်စားထားတယ်လို့ ယူဆရတယ်။ ကက်ဖ်ကာ ဆိုတဲ့ နာမည်ကိုက မူရင်း ချက်ဘာသာစကားနဲ့ဆိုရင် ကျီးကန်းလို့ အဓိပ္ပါယ်ရတယ်ဆိုတာကိုတော့ နောက်မှ သိရတာပါ။ ကျီးကန်းဆိုတဲ့ ကောင်လေးရဲ့စရိုက်မှာ ပိုပြီးရဲဝံ့တာ ပြတ်သားတာ ညွှန်ကြားချက်ပေးတာတွေကို ပြပြီး ကက်ဖ်ကာရဲ့ ပင်ကိုယ်မှာတော့ သာမန် ၁၅နှစ်သား ကောင်လေးတစ်ယောက် အနေနဲ့ပဲ ပြထားပါတယ်။

တစ်ခန်းကျော်တွေမှာ နာကာတာရဲ့ အကြောင်းကို ပြောတဲ့နေရာမှာတော့ တတိယနာမ်စား (သူ) အနေနဲ့ပဲ သုံးထားတယ်။ နောက်တစ်ခု သတိပြုမိတာက ကက်ဖ်ကာအကြောင်းက ၀ါကျတွေမှာ ပစ္စုပ္ပါန်ကာလ (present tense) ကိုသုံးပြီး နာကာတာ အခန်းတွေမှာ အတိတ်ကာလ (past tense) ကိုသုံးတယ်။

ကွဲပြားနေတဲ့ စရိုက်တွေရဲ့ အားပြိုင်မှုကို ဆက်တွေ့ရတာတွေ အတော်များပါတယ်။ နာကာတာကို သရုပ်ဖော်တဲ့အခါမှာ အတိတ် မှတ်ဉာဏ် (memory) လို့ မရှိသူ လို့ဆိုပါတယ်။ နာကာတာက သူ့ကိုယ်သူ ဘာမှမရှိတဲ့ ဟောင်းလောင်းလူလို့တောင် တင်စားပြောလိုက်သေးတယ်။ သူနဲ့ ဆန့်ကျင်စွာပဲ ငယ်ချစ်ဟောင်းကို မေ့မရတဲ့ မစ်စ်ဆေကီကတော့ အတိတ်ရဲ့ အရိပ်တွေ (memory) နဲ့ ပဲ တချိန်လုံး ဖိစီးလေးလံနေခဲ့တယ်။ သူ့ရဲ့ အတိတ်တွေကို နောက်ဆုံးတော့ သူကိုယ်တိုင်ပဲ လွှတ်ချလိုက်ရတယ်။ အဲဒီအချိန်မှာ သူလည်း သေဆုံးသွားတော့တယ်။

မစ်စ် ဆေကီက အတိတ်နဲ့ ဖိစီးလေးလံနေစဉ်မှာ ကက်ဖ်ကာကတော့ ကြိုတင်ဟောထားတဲ့ အနာဂတ်ကနေ ထွက်ပြေးဖို့ ကြိုးစားရင်း တည့်တည့်ဝင်တိုးခဲ့သူဖြစ်နေပြန်တယ်။ သူ့အဖေကို အိပ်မက်ထဲမှာ သတ်မိတယ် လို့ သူထင်နေတယ်။ သူ့အစ်မလို့ ယူဆရသူကိုလည်း အိပ်မက်ထဲမှာပြစ်မှားခဲ့တယ်။ သူ့အမေလို့ ယူဆရတဲ့ မစ်စ်ဆေကီနဲ့တော့ တကယ်အပြင်မှာကို ဇာတ်လမ်းဖြစ်ခဲ့တယ်။ နိမိတ်ဖတ်တဲ့အတိုင်း အားလုံး ဖြစ်လာခဲ့တယ် လို့ ယူဆရင်တော့ အိမ်မက်ထဲက အားထုတ်မှု ကြံစည်မှုတွေဟာလည်း အပြင်က တကယ်လုပ်ရပ်တွေလိုပဲ တူညီတဲ့ သက်ရောက်မှုရှိတယ်လို့ ပြောချင်တာဖြစ်ကောင်းဖြစ်မယ်။

အပြင်မှာ သက်ရှိထင်ရှား ရှိနေသူ မစ်စ် ဆေကီရဲ့ ၁၅နှစ်သမီး ၀ိညာဉ်က  ကက်ဖ်ကာနေတဲ့ အခန်းမှာ ညတိုင်း တစ္ဆေလာခြောက်တယ်လို့ ဆိုပါတယ်။ ကက်ဖ်ကာဟာ မစ်စ်ဆေကီကို စတွေ့လိုက်တဲ့အချိန်မှာ မစ်စ်ဆေကီရဲ့ ကိုယ်ခန္ဓာထဲမှာ ၁၅နှစ်သမီးလေး အိပ်ပျော်နေတာကို သုံးဘက်မြင်ရုပ်ကြွလို သေသေချာချာ မြင်ရတယ်လို့လည်း ပါပါတယ်။ မစ်စ်ဆေကီတစ်ယောက်တည်းရဲ့ သိစိတ်မှာ လက်ရှိအရွယ်ဖြစ်ပြီး မသိစိတ်ထဲမှာ အတိတ်က ၁၅နှစ်သမီးလေး ကျန်ရစ်နေတာကို တင်စားထားပုံ ပေါ်တယ်။ မစ်စ်ဆေကီဟာ သူ့အမေဖြစ်နိုင်လား ဆိုတာကို ကက်ဖ်ကာက မေးတော့ မစ်စ်ဆေကီက မဖြေခဲ့ဘူး။ ဘယ်လိုပဲဖြစ်ဖြစ် ကက်ဖ်ကာကတော့ မစ်စ်ဆေကီရဲ့ ၁၅နှစ်အရွယ်ကိုရော လက်ရှိအရွယ်ကိုပါ နှစ်ယောက်စလုံးကို စွဲလမ်းသွားမိတယ်။

နာကာတာ သတ်ခဲ့တဲ့ ဂျော်နီဝါကားဆိုတဲ့ ကြောင်သတ်သမားဟာ ကက်ဖ်ကာရဲ့အဖေ လို့ ထင်မြင်နိုင်စရာတွေ အများကြီး ဆက်စပ်ပေးထားခဲ့တယ်။ နာကာတာက မစ်စ်ဆေကီကို တွေ့တဲ့အခန်း ရောက်တော့မှ နာကာတာဟာ ကက်ဖ်ကာကိုယ်စား သူ့အဖေကို သတ်ပေးခဲ့တယ်လို့ပြေပြတာကိုလည်း တွေ့ရပါတယ်။  ကက်ဖ်ကာ့အဖေက ဘယ်လိုလုပ်ပြီး ဂျော်နီဝါကားဖြစ်သွားရတာလဲ။ ဒါကတော့ အဖြေပေးမထားတဲ့ ပဟေဠိတွေထဲက တစ်ခုပါ။

နာကာတာ ဟာ စာမတတ်တဲ့အတွက် ဉာဏ်ရည် မမြင့်ဘူးလို့ ခံယူထားပြီး လူတွေ တွေ့တိုင်း အဲဒါကို ပြောပြလေ့ရှိတယ်။ ဒါပေမယ့် သူက သာမန်လူတွေမလုပ်နိုင်တဲ့ ကြောင်နဲ့ စကားပြောတတ်ပြီး ငါးမိုးရွာမှာကိုလည်း ခန့်မှန်းတတ်သူဖြစ်နေတယ်။ နောက်အခန်းတွေမှာ ပါလာသေးတဲ့ မျှော့မိုးရွာတာတို့ မိုးကြိုးမုန်တိုင်းတိုက်တာတို့ဟာလည်း သူကပဲလုပ်လိုက်သယောင်ပြထားခဲ့ပြန်ပါတယ်။ တစ်ခုခုကို လိုက်ရှာနေတဲ့ နာကာတာဟာ မစ်စ်ဆေကီကို တွေ့အပြီးမှာ သူ့တာဝန်တွေပြီးဆုံးပြီ ဆိုပြီး သေဆုံးသွားခဲ့တယ်။ သူနဲ့ မစ်စ်ဆေကီ ဘယ်လိုပတ်သက်တာလဲ။ ပြောမထားခဲ့ပါဘူး။ အဓိက ဇာတ်လိုက်နှစ်ဦးဖြစ်တဲ့ နာကာတာနဲ့ ကက်ဖ်ကာဟာလည်း ဇာတ်လမ်းဆုံးချိန်အထိ တစ်ယောက်နဲ့ တစ်ယောက် တွေ့မသွားခဲ့ဘူး။ တစ်ဖက်ကလည်း နာကာတာဟာ ကက်ဖ်ကာပဲလား။ ကက်ဖ်ကာရဲ့ အစိတ်အပိုင်းနှစ်ခုကို တင်စားပြီး ခွဲခြားပြသွားတာလား။ တွေးစရာတွေ ရစေပါတယ်။

ဇာတ်ရန်တစ်ဦးဖြစ်တဲ့ စာကြည့်တိုက်မှူး အိုရှီးမားကလည်း စဉ်းစားစရာပါ။ သူဟာ မှတ်ပုံတင်ထဲမှာ မိန်းမတစ်ယောက်လို့ ဆိုပါတယ်။ သူက မိန်းမတစ်ယောက်အနေနဲ့ မွေးဖွားလာတယ်။ ဒါပေယ့် ဖွံ့ဖြိုးမှုက မိန်းမမပီသခဲ့ဘူး။ ယောင်္ကျားတစ်ယောက်လို နေထိုင်တယ်။ ဒါပေမယ့် ယောင်္ကျားလျှာ မဟုတ်ပဲ ဆန့်ကျင်ဘက်ဖြစ်တဲ့ ယောင်္ကျားတွေကိုပဲ စိတ်ဝင်စားတာပါလို့လည်း ဆိုပြန်ပါတယ်။ ယောင်္ကျားမကျ မိန်းမမကျနဲ့ အိုရှီးမားရဲ့ အနေအထားကလည်း နှစ်မျိုးနှစ်ခွဖြစ်နေပါတယ်။ ဒီဇာတ်လမ်းမှာ အိုရှီးမားက စကားတွေ အများကြီးပြောပါတယ်။ အသက် ၂၁ နှစ်လို့ဆိုပေမယ့် အသိဉာဏ်ဗဟုသုတ အတော်မြင့်မားတဲ့ စရိုက်ကို ဖော်ကျူးထားတယ်။

ဂျော်နီဝါကား နဲ့ ကာနယ်စန်ဒါ ဆိုတဲ့ ဇာတ်ကောင်နှစ်ကောင်ကလည်း ထူးဆန်းနေတယ်။ ဂျော်နီဝါကားကတော့ ရှေ့မှာ ပြောခဲ့တဲ့အတိုင်း ကြောင်သတ်သမား ဆိုသူပါ။ သူက ၀ီစကီပုလင်းထဲက ဂျော်နီဝါကားလို ၀တ်စားထားတယ်။ ဘုရားကျောင်းတစ်ခုမှာ ထူးဆန်းတဲ့ ကျောက်တုံးကိုရအောင် ကားမောင်းသမားကို ကူညီခဲ့တာ ကာနယ်စန်ဒါ ဆိုသူပါ။ ကာနယ်စန်ဒါ ဆိုတာ KFC ကြက်ကြော်ထဲက နှုတ်ခမ်းမွှေးဖြူဖြူနဲ့ အဘိုးကြီးပေါ့။ သူက သူ့ကိုယ်သူ လူမဟုတ်ဘူးတဲ့။ သူဟာ သဘောတရား (concept) တစ်ခုပါလို့ ဆိုပါတယ်။ နောက်ပိုင်းမှာ နာကာတာနဲ့ ဟိုရှီနိုကို ပုန်းနေဖို့ နေရာကိုပါ ဖုန်းဆက်ပြီး ပြောပြပေးခဲ့ပြန်တယ်။ နာမည်ကြီး အမှတ်တံဆိပ်တွေဖြစ်တဲ့ ဂျော်နီဝါကား နဲ့ ကာနယ်စန်ဒါ ဆိုတဲ့ ဇာတ်ကောင်တွေ ဘာလို့ ထည့်သွင်း ခေါ်လာရသလဲဆိုတာလည်း ပဟေဠိတစ်ခုပါပဲ။ သူတို့ရဲ့ဇာတ်ရုပ်ကလည်း ဆန့်ကျင်ဘက်ဖြစ်နေတယ်။ အနက်ရောင်ဝတ်စုံနဲ့ ဂျော်နီဝါကားက ဆိုးတဲ့စရိုက် ဖြစ်ပြီး အဖြူရောင် ကာနယ်စန်ဒါကတော့ နာတာကာတို့အတွက် အကူအညီပေးတဲ့စရိုက် ဖြစ်နေပါတယ်။

ကားမောင်းသမား ဟိုရှီနိုရဲ့ စရိုက် တိုးတက်လာပုံ အဆင့်ဆင့်က စိတ်ဝင်စားစရာ ကောင်းနေပြန်ပါတယ်။ သူဟာ အစကတော့ ခပ်ပေါ့ပေါ့ သာမန်ကားမောင်းသမားပါ။ နာကာတာက သူ့အဘိုးနဲ့တူလို့  စေတနာရှိပြီး လိုက်ကူညီရာကနေ အကြောင်းအရာတွေကို လေးလေးနက်နက်ဖြစ်လာတယ်။ သွားရင်းလာရင်း သီချင်းတွေ ဂရုတစိုက် နားထောင်ရင်းကနေ စာကြည့်တိုက်ကို ရောက်တော့ ဘီသိုဗင်အကြောင်းတွေဘာတွေတောင် ဖတ်မိပြီး အတွေးတွေက ပိုလေးနက်လာတယ်။ နာကာတာသေဆုံးသွားချိန်မှာ သူဟာလည်း လူအသစ်တစ်ယောက်အဖြစ် ဘ၀ကို ဖြတ်သန်းတော့မယ့်အနေနဲ့ ပြထားပါတယ်။

အနောက်တိုင်းနဲ့ အရှေ့တိုင်း ယဉ်ကျေးမှုတွေကို ၀တ္ထုထဲမှာ ရောမွှေထားတာကိုလည်း သတိထားမိပါတယ်။ မျက်မှန်၊ နာရီ စတာတွေမှာ သုံးစွဲတဲ့ အနောက်တိုင်းတံဆိပ်တွေ၊ အနောက်တိုင်း တေးဂီတတွေ၊ ဂရိဒဏ္ဍာရီတွေ တွေ့ရသလို တချိန်တည်းမှာပဲ ဘုရားကျောင်း၊ မှော်ဆန်ဆန်ကျောက်တုံးစတဲ့ အရှေ့တိုင်းရဲ့ အငွေ့အသက်တွေကို ပြထားပြန်ပါတယ်။

စာရေးဆရာကို လိုက်ဖတ်ကြည့်ရတာကတော့ သူ့စာတွေကို ဖတ်ရတာထက် ပိုမောပါတယ်။ မူရာကာမိက အင်တာဗျုးတစ်ခုမှာ ပြောခဲ့တယ်။ ဒီလောက်ဆန်းကြယ် ရှုပ်ထွေးပြီး အတွေးအခေါ်တွေပါတဲ့ ဇာတ်လမ်းတွေကို ဘယ်လိုကြံစည် ရေးခဲ့သလဲလို့ မေးတော့ စာရေးတဲ့အခါ ဇာတ်လမ်းက ဘာဆက်ဖြစ်မယ် ဆိုတာကို ကြိုတွေးမထားဘူးတဲ့။ ကြိုသိနေရင် ရေးရတာ ပျင်းစရာကြီးပေါ့ လို့ မူရာကာမိက ဆိုပါတယ်။ မူရာကာမိရဲ့ တခြားစာအုပ်တွေမှာတော့ သူဘာတွေ လက်-တွေ့တတ်သလဲ ဆိုတဲ့ သဲလွန်စတချို့ တွေ့မိသလိုပါပဲ။ သူဟာ ဂျက်ဇ်ဂီတ၊ ကြောင်၊ သိစိတ် နဲ့ မသိစိတ်၊ အတိတ် နဲ့ အိပ်မက် စတဲ့အရာတွေကိုနှစ်သက်သူဖြစ်ပါတယ်။ After Dark ဆိုတဲ့ ၀တ္ထုမှာ ကြောင်တွေအကြောင်း ပြန်တွေ့ရတယ်။ အမေနဲ့သား ကြားက အကြောင်းတွေကိုတော့ After Quake လို့အမည်ရတဲ့ ၀တ္ထုတိုပေါင်းချုပ် တွေထဲက တစ်ပုဒ်မှာတွေ့ရတယ် ။ Hard-boiled wonderland and the end of the world ဆိုတဲ့ ၀တ္ထုမှာတော့ သိစိတ် မသိစိတ်အကြောင်းတွေကို အဓိကထားပြီး ရေးသွားခဲ့တယ်။

တကယ်တော့ ပြောစရာတွေက ကျန်ဦးမှာပါ။ အနည်းဆုံးတော့ နှစ်သက်မိတဲ့ စကားပြောခန်းတွေပေါ့။ Kafka on the shore ၀တ္ထု ကို ကျောင်းတွေမှာ စာတမ်း တစ်စောင်စာလောက် သုံးသပ်ထားတာတွေ၊ သင်ရိုးအနေနဲ့ Chapter တစ်ခန်းချင်း လေ့လာကြတာတွေတောင် ရှိတယ်လို့ ကြားဖူးပါတယ်။ အခုတော့ ဒီလောက်နဲ့ပဲ နိဂုံးချုပ်ပါတယ်။

ပန်ဒိုရာ

၁၄.၁၀.၂၀၁၂

(http://pandora-and-pandora.blogspot.com/2010/08/blog-post_19.html ၂၀၁၀ သြဂတ်စ်လ ၁၉ ရက်က ပန်ဒိုရာဘလော့ဂ်တွင် ရေးသားခဲ့သော ဆောင်းပါးကို အနည်းငယ်ပြင်ဆင်မွမ်းမံထားပါသည်။)

ဒီခေါင်းစဉ်နဲ့ ပတ်သတ်တဲ့ အကြောင်းအရာလေးကို ပြောချင်တာမို့ ကျွန်တော့ မိသားစုအကြောင်းတော့ အနည်းအကျဉ်း ပါဝင်ရပါလိမ့်မယ်။ ဒါမှ ကျွန်တော်တင်ပြချင်တဲ့ အကြောင်းအရာလေးနဲ့ စပ်ဆက်လို့ ရမှာကြောင့်ပါ။ ၀န်ထမ်းဘ၀နဲ့ အနှစ်လေးဆယ် တာဝန်ထမ်းဆောင်ခဲ့တဲ့ အပါးကို ပင်စင်ယူခါနီး ဘာလုပ်ပေးရင်ကောင်းမလဲလို့ ကျွန်တော် အမျိုးမျိုးစဉ်းစားတယ်။

အကြောင်းက အလုပ်တစ်ခုခု မရှိရင် အပါးနေတတ်မှာမဟုတ်သလို အပါးရဲ့ ဆရာသမားတွေ သူငယ်ချင်းတွေက အပြင်မှာ ၀န်ထမ်းဘ၀နဲ့ပါပဲ ဌာနဆိုင်ရာ တစ်ချို့မှာ ကျွမ်းကျင် အဆင့်မျိုးနဲ့ လာလုပ်ကြဖို့ ကမ်းလှမ်းထားတာတွေကိုလည်း ကျွန်တော်က မလုပ်စေချင်တော့ဘူး။ အပါးကို အနားယူစေချင်ပြီ။ ဒါပေမယ့် ဟိုး ... အရင် ကျွန်တော် တွေ့ကြုံမြင်ဖူးခဲ့တဲ့ ပင်စင်စားတွေရဲ့ ဘ၀တော်တော် များများက အသက် (၆၀) ပြည့်ပြီမို့ အပြင်လောကမှာ အလုပ်ရဖို့ မလွယ်ကူတော့သလို ၀န်ထမ်းဘ၀ရဲ့ အရှိန်အ၀ါတွေပြန်မရနိုင်တော့ မိသားစုအတွင်းမှာလည်း " ငါ အရင်လို အလုပ်အကိုင်မရှိတော့လို့ ... ၀င်ငွေမရှိတော့လို့ ... ငါ့စကားမမြဲတော့ဘူး။ ငါ့ကိုမလေးစားတော့ဘူး " အစရှိတဲ့ စိတ်ဖိစီးမှုတွေ ၀င်လာပြီး တစ်ချို့ဆို အသက်ပါဆုံးရှုံးသွားတတ်ကြတာတွေကို မကြာခဏမြင်သိကြားတွေ့နေရပါတယ်။ စိတ်ကျရော ဂါတစ်မျိုးပေါ့။ အဲဒီစိတ်ကျရောဂါကို ကုစားဖို့ရာကလည်း တော်ရုံမစွမ်းခဲ့ပါဘူး။

အပါးအငြိမ်းစား မယူခင်ကတည်းက ဒီကိစ္စတွေအတွက် ကျွန်တော် အတော်ခေါင်းစားခဲ့ရပါတယ်။ ကိုယ်တိုင်ကလည်း အဝေးမှာမို့ အပြင်မှာ နေရေးထိုင်ရေးအတွက် ပူပင်ရတဲ့အပြင် မိန်းမသားတွေပဲရှိတဲ့ မိသားစုအတွက် ဘယ်လိုစီစဉ်ပေးရင် ကောင်းမလဲပေါ့ ... အတွေးတွေနဲ့တင် ကျွန်တော့်မှာ ရှုပ်ထွေးခဲ့ရပါတယ်။ အဓိက ကတော့ အပါးရဲ့ကျန်းမာရေးပါ။ အပါးက သွေးအားနည်းတဲ့အပြင် တော်ရုံပေတေပြီးနေတတ်တဲ့ အပါးကို စိုးရိမ်မိတယ်။ အဲဒီအချိန်က အပါးကျန်းမာရေး သိပ်မကောင်းချင်ဘူး။ မိဘတွေ အခြေချချင်တဲ့ ဘိုးဘွားပိုင်နေရာလေးကို ကာလပေါက်ဈေးနဲ့ ပြန်အမ်းပြီး မှော်ဘီမြို့မှာ အခြေကျဖို့ စီစဉ်ပြီးတာနဲ့ ညီမတွေနဲ့ သူငယ်ချင်း အချို့တိုင်ပင်ပြီး ကျွန်တော့် အစီအစဉ်ကို အကောင်အထည်ဖေါ်ခဲ့ပါတယ်။

ညီမနှစ်ယောက်ကို တစ်လှည့်စီ ရန်ကုန်မှာ ဆေးဝါးကျွမ်းကျင်နှင့် သူနာပြုအကူ သင်တန်းတက်ခိုင်းပြီး မမကိုတော့ ဆေးဝါးရောင်းချခွင့်လိုင်စင် ရအောင် ကြိုးပမ်းခိုင်းခဲ့ပါတယ်။ ဒီလိုနဲ့ တစ်ပိုင်တစ်နိုင် ဆေးဆိုင်အသေးလေးကို မိသားစုတွေ ၀ိုင်းဝန်းပြီး အစပျိုးခဲ့ကြတယ်။ အပါးလည်း အိမ်မှာ မိသားစုတွေနဲ့ အတူနေရင်း အလုပ်တစ်ခုရှိနေမယ် အိမ်အတွက်လည်း ဝန်မပိပဲ လူနည်းနည်းနဲ့ လည်ပတ်နိုင်မယ် ကုသိုလ်လည်းရ ၀မ်းလဲဝမို့ ဒီဆိုင်လေးကို ဖွင့်ဖြစ်ခဲ့တာက ကျွန်တော့် စိတ်ကူးလေးနဲ့ပါ။ သာမန်လက်လုပ်လက်စားတွေသာ များပြားလှတဲ့ ရပ်ကွက်လေးမှာ ဒီဆေးဆိုင်လေးက အတော်အထောက်အကူပြုနိုင်ခဲ့ပါတယ်။

တစ်နေ့လုပ်မှ တစ်နေ့စားရတဲ့ မိသားစုတွေများ နေထိုင်မကောင်းရင် ဘယ်လို အင်အားနဲ့ ဆေးခန်း(ဆရာဝန်) ဆီကိုသွားနိုင်ပါ့မလဲလေ။ ဒီတော့ နီးစပ်ရာ ကွမ်းယာကုန်စုံဆိုင် အစရှိသည်တွေမှာဆေးလေးတစ်ခွက်လောက် ဝယ်သောက်ပြီး အသက်ဆက်ရှင်သန်ကြရတာပဲလေ။ ဆေးဝါးနားမလည်တဲ့သူတွေ လမ်းဘေးဆိုင်လေးကြောင့် ဒုက္ခရောက်သွားကြတဲ့ သာဓကတွေကိုလည်း ကြားနေရတာပါပဲ။ ဒါပေမယ့် ခေါင်းရွက်ဗျက်ထိုး ကျပန်းသမားတွေရဲ့ ဘ၀မှာ အင်္ဂလိပ်ဆေးကို ဆေးပတ်လည်အောင် သောက်ရမယ် ... ဆေးယဉ်သွားမယ်ဆိုတာမျိုးတွေက ရွေးချယ်ခွင့်မှမရှိကြတာပဲဆိုတော့ ... လမ်းဘေးဆေးဆိုင်လေးတွေကသာ သူတို့တွေရဲ့ ဇီဝက ပါပဲ။ ဖျားတာ နာတာလောက်ကတော့ ဆေးလေးတစ်ခွက်နှစ်ခွက်သောက် အရမ်းဆိုးမှသာ ရပ်ကွက်ထဲက ကျန်းမာရေးမှူး သူနာပြုမှူးတွေကို အိမ်သို့ပင့်ဖိတ်ဆေးကုကြရတဲ့ လူတန်းစားတွေရဲ့ အခက်အခဲတွေပေါ့။

ကျွန်တော်တို့ ရပ်ကွက်ထဲက ဦးကိုဆိုတဲ့ ဆေးမှူးတစ်ယောက်ကတော့ မနက်မိုးလင်းတာနဲ့ စက်ဘီးတစ်စီးနဲ့ ရပ်ကွက်ထဲမှာ ခြေဆန့်ရတာ ည(၁၀)နာရီဟာ သူ့ရဲ့ အိမ်ပြန်ချိန်ပါပဲ။ ဒီရပ်ကွက်မှာတော့ ' ဦးကို ' နာမည်ပျောက်ပြီး ' ဒေါက်တာကို ' ဆိုရင် မသိသူ မရှိလောက်အောင်ပါပဲ။ ကျွန်တော် ပြောမိခဲ့ဖူးတယ်။ " ဦးရေ ... နေ့စဉ်နေ့တိုင်း စက်ဘီး တစ်စီးနဲ့ ခြေဆန့်နေရတာ ပင်ပန်းလိုက်တာဗျာ။

ဆိုင်ကယ်တစ်စီးလောက်ဝယ်ထားလိုက်ပါလား?

ဦးသက်သာ သာပေါ့ " ဆိုတော့...

" မ၀ယ်နိုင်သေးဘူးညီရေ ... ဦးအိမ်ဆောက်နေလို့ပါ " တဲ့။

ကျွန်တော့ဆိုင်ရှေ့မှာ White board တစ်ခု ချထားပေးထားပါတယ်။ ဦးကို ကိုပင့်ချင်ရင် အဲဒီမှာ အိမ်လိပ်စာ အချိန်ကို ရေးသွား (ဥပမာ - အရေးကြီးရင်လည်း အမြန်လာပါ) ဆိုတာမျိုးပေါ့။ ဖုန်းရှိတဲ့သူတွေကတော့ ဖုန်းနဲ့တစ်ဆင့် လိပ်စာ၊ အချိန် လှမ်းပြောကြတာမို့ ညီမတွေက White Board မှာ မှတ်တမ်းတင်ပြီး ဦးကို လာရင် တစ်ဆင့်ပြန်ပြောပေါ့။ ဦးကို ကလည်း လူနာတစ်ယောက် အိမ်သွားလိုက်ပြန်လာပြီးလိုအပ်တဲ့ဆေးကို ဆိုင်ကနေ ၀ယ်သွားလိုက်နဲ့ သူ့အရပ်နဲ့ သူ့ဇာတ် ဟုတ်နေကြတာပါပဲ။

အင်း ... တစ်ကြိမ်မှာတော့ ကျွန်တော်နဲ့ ဦးကို ကို ဖုန်းဆက်ပြီးပင့်တဲ့ လူနာရှင်ကို ကျွန်တော် လက်ခံစကားပြောလိုက်ရတယ်။ ကျွန်တော်ကလည်း ဒီရပ်ကွက်မှာ မနေဖူးတာမို့ လမ်းတွေ အမည်တွေကို လုံးဝ မသိတာပါ။ ဒါကြောင့် သေချာအောင် အတိအကျ မေးမြန်းမိတာ ကျွန်တော့်ကို

" ဘယ်လမ်းက ဘယ်သူ ဘယ်ဝါပေ့ါ။

ဒါတောင်မသိဘူးလား "

ဆိုပြီး ဖုန်းထဲကနေ အပေါ်ဆီးက ပြောသွားခဲ့တာ ခံခဲ့ရပါတယ်။ နောက်တစ်ကြိမ် ဆက်လာပြန်တော့ ညီမလေးက ဆိုင်ကနေ ဖုန်းကိုင်သလို ကျွန်တော်ကလည်း အိမ်ပေါ်ကနေ ကိုင်တာကြောင့် တစ်ဖက်လူပြောတာကို ကျွန်တော်ကြားနေရပါတယ်။ သူက ညီမလေးကို စွတ်ဟောက်ပြီး

" ဦးကို ဘာလို့ မလာသေးတာလဲ။

မနက်က ဖုန်းကိုင်တာ ဘယ်သူလဲ။

သူက သေချာမပြောဘူးလား? " ဆိုပြီးတော့ပေ့ါ။

ညီမလေးက အဲဒါသမီး အစ်ကိုပါ ဆိုပြီး ပြေလည်အောင်ရှင်းပြနေတာကို ဟိုဘက်က လက်မခံဘဲ ဖိပြောနေတော့တာပဲ။ အဲလိုမျိုးကြတော့ ကျွန်တော်က ပါးစပ်ပိတ်နေလို့ မရတော့ပါဘူး။

" ညီမလေးတော်ပြီ ... ထပ်မရှင်းပြနဲ့တော့ "

ဆိုပြီး တစ်ဖက်လူကို ကျွန်တော်က

" ဒီမှာ အမိ ... ခင်ဗျားအိမ်မှာ ဖုန်းရှိတယ်၊

ဖုန်းသုံးနေတဲ့ လူက တစ်ဖက်လူကို ကြည်သာနားဝင်အောင် ပြောရမယ် ဆိုတာ ခင်ဗျား နားမလည်ဘူးလား?

မသိဘူးလား?

နောက်တစ်ခုက အခု ခင်ဗျား လှမ်းဆက်နေတဲ့ ဖုန်းအိမ်က ဦးကို ရဲ့ ၀န်ထမ်းတွေ မဟုတ်ဘူး။

ဦးကို ဆီလာသမျှဖုန်းကို အလုပ်ပျက်ခံနားထောင်ပြီး လူနာတွေ အတွက် ကူညီပေးနေတာ။

ရပ်ကွက်အနှံသွားနေရတဲ့ ဦးကို ကို ကျွန်တော်တို့ လိုက်ရှာပြီးတော့ တော့ မပြောပေးနိုင်ဘူးခင်ဗျ။

သူ ဆိုင်ကို ရောက်လာတဲ့အခါကျရင်တော့ မပျက်မကွက် ပြောပေးမယ် စိတ်ချ။

ခင်ဗျားလို ပင့်ထားတဲ့ လူတွေက အများကြီး ...

ဘယ်အိမ်ကို ဦးကို အရင် သွားမလဲဆိုတာကတော့ ကျွန်တော်တို့ နဲ့ မသက်ဆိုင်ဘူး။

စေတနာနဲ့ ကူညီမပေးနေတာတွေကို ခင်ဗျား မစော်ကားနဲ့ ဗျာ "

လို့ ပြောချလိုက်တော့တယ်။ ကျွန်တော့် ညီမလေးကတော့ ရယ်ပြီးပြောရှာပါတယ်။

" သမီးတို့ က ဒီလို အပြောခံရတာ ရိုးနေပါပြီ။

ကိုကြီးသာ တစ်ခါတစ်လေမို့လို့ အထူးအဆန်း ဖြစ်နေတာပါ " တဲ့။

ကောင်းရောဗျာ။ ဆေးရောင်းတဲ့ကိစ္စနဲ့ ပတ်သတ်ပြီး အပါးနဲ့ ကျွန်တော် ပြောဖူးတယ်။ ကျွန်တော်က ညဥ့်နက်မှ အိပ်တတ်တာ အကျင့်ပါနေပြီမို့ ညဘက်ဆို အိမ်ပေါ်တက် မအိပ်ဖြစ်ဘူး။ ဆေးဆိုင်ရဲ့ ထပ်ခိုးလေးမှာ အပါးကအိပ်ပါတယ်။အောက်ထပ်က ဆေးဗီဒို တွေကြားထဲမှာ ညဘက်ဆိုင်သိမ်းရင် အိပ်ရာ ခင်းပြီး ကျွန်တော်၊ ညီလတ်၊ ညီငယ် တို့ အိပ်ကြတယ်။ (ဦးသစ်ကို လည်း အိပ်ခဲ့ဖူးပါတယ်။) အပါးက ဆိုင်ကို ည (၁၁)နာရီလောက်မှ ပိတ်တယ်။ ကျွန်တော်တို့က နောက်ကျမှ အိပ်နေကျဆိုတော့ ကိစ္စမရှိဘူး။ ဆိုးတာက မနက်ပိုင်းဆို အပါးက ဆိုင်ကို (၆)နာရီလောက်ဆို ဖွင့်ပြီ။ ဆေးဝယ်သူတွေ လာရင် ကျွန်တော်တို့ ညီအစ်ကိုတွေကို ကျော်ခွပြီး ဆေးရှာရ ယူရတာမို့ ဘယ်သူ့အတွက်မှ အဆင်မပြေပါဘူး။ အဲဒီ့အပြင် တစ်ခါတစ်လေ မနက် အစောကြီး " အဘရေ ... ဆေးလိုချင် လို့ပါ " ဆိုပြီး တံခါးလာခေါက်ရင်လည်း ဖွင့်ပြီးရောင်းပေးလိုက်တာပါပဲ။

တစ်ခါတစ်လေ အပါးက

" မင်းတို့ အပေါ်သွားတက်အိပ်၊

ငါဒီမှာဆေးရောင်း လို့ အဆင်မပြေဘူး။ " တဲ့ ပြောပါတယ်။

နေ့တိုင်းလိုလို ဆိုတော့ ကျွန်တော်လည်းဖုလာပြီ။

" သား ဟိုမှာနေတာမှ အိပ်ရေးဝသေးတယ်။

အပါးအိမ်ရောက်မှ တစ်ရက်မှ အိပ်ရေးမဝဘူး၊

မိုးမလင်းသေးဘူး အိမ်ရှေ့က လိုင်းကားသမားတွေ ဆူညံတာရယ်၊

အပါးရဲ့ ဆေးဖောက်သည်က နှိပ်စက်တာနဲ့ ... " လို့ ကျွန်တော်က ပြောတော့

" ငါက ငွေမက်လို့ ထ,ထပြီး ရောင်းပေးနေတာ မဟုတ်ဘူးဟဲ့။

သားသိတဲ့အတိုင်းပဲ ဒီမှာ DAEWOO တို့ ALPINE တို့ စက်ရုံတွေမှာ အလုပ်ဆင်းကြတဲ့ အလုပ်သမတွေက အများကြီးရယ်။

သူတို့မှာ မိုးမလင်းခင်က အလုပ်သွား၊ မိုးချုပ်မှ ပြန်လာကြရတာ၊

တစ်နေကုန် အလုပ်ထဲမှာပဲ၊ သူတို့ အလုပ်သွား အလုပ်ပြန် ဒီလိုအချိန်လေးးတွေမှ မဝယ်ရင် ဘယ်လိုလုပ်မလဲ။

ကိုယ့်ဆီကို အားကိုးတကြီးနဲ့ လာတဲ့ သူတွေကို အပါး မငြင်းရက်ဘူးလေ။

ဒါကြောင့်ပါ သားရယ်။ " လို့ အပါးက ပြန်ပြောပါတယ်။

ပြီးတော့ ဈေးဝယ်သူတွေမှာက အစွဲလေးတွေရှိကြတယ်။ ကျွန်တော့် ညီမ အငယ်ဆုံး လက်က ဆေးလိုက်တယ်လို့ ပြောရမလားပဲ။ သူဆေးစပ်ပေးရင် ကောင်းသွားတဲ့သူတွေက သူမှ သူ။ တစ်ချို့ကတော့ အပါးမှ အပါးပေါ့။ ညီလတ်နဲ့ ညီငယ် မှန်ကြောင် ညီအစ်ကို နှစ်ယောက်ရှိတဲ့ နေ့ဆို ပိုပြီးရောင်းကောင်းတယ်ဗျ။ အများအားဖြင့် ကောင်မလေးတွေ လာဝယ်ကြတာလေ။ ကျွန်တော့ ညီမလေးကလည်း ယောင်းမ ဆိုတာကြီးပဲ ... ဒီအချိန်တော့ သူ့ဂွင်လေ။ ညီငယ်ကို ဘယ်ဆေးက ဘယ်နားမှာ၊ ဘယ်ဟာကို ဘယ်လိုစပ်နဲ့ အမိန့်ပေးနေတယ်လေ။

ညီငယ်နဲ့ ညီလတ်က တစ်ခါတစ်လေမှ လာတာဆိုတော့ ဆေးအထားအသို ဘယ်သိပါ့မလဲ။ ပြီးတော့ ကျွန်တော့်ညီိမလေးက ပြောသေးတယ် " ဆရာဝန်ကို ပြန်ပြီး အမိန့်ပေးနေတာ အခွင့်အရေး ရတုန်းပေါ့ " တဲ့။ ဆေးစပ်တာက အနည်းဆုံး ၁၀၀ ကျပ်ဖိုး လောက်မှ အဆင်ပြေတာ။ ဒီထက်ပိုရင်လည်း ၀ယ်သူအတွက် အဆင်မပြေပြန်ဘူး။

ကျွန်တော် ပြောချင်တဲ့ ဇာတ်လမ်းလေးက ဒီနေရာလေးမှာ စပါတော့မယ်။ ကျွန်တော် ရန်ကုန်ကို ခွင့်ပြန်တဲ့ရက်တွေမှာ များသောအားဖြင့် ကိုယ့်ကိစ္စနဲ့ ကိုယ် အပြင်သွားနေတာမို့ အိမ်မှာ မရှိတာ များပါတယ်။ မြို့ထဲ မသွားဖြစ်တဲ့ နေ့တွေမှာ ဆိုင်ရှေ့က ထိုင်ခုံပေါ်ထိုင်ပြီး အပါးနဲ့ စကားပြော ညီမတွေကို စနောက်ပေါ့။ အဲဒီမှာ ဆေးလာဝယ်တဲ့လူ အမျိုးမျိုးကို မြင်တွေ့နေရပါတယ်။ တစ်ခါတစ်ရံ ညီမတွေကိုလာကြောင်တဲ့ သူတွေလဲပါတာပေါ့။တစ်ချို့ကလည်း လိုတဲ့ ဆေးဝယ်၊ ဆိုင်ရှေ့က ခုံမှာခဏနား၊ အပါးလုပ်ထားတဲ့ ရေအိုးစင်က ရေသောက်ပြီး ခရီးတစ်ထောက်နားကြတယ်ပေါ့။ အခြားရွာတွေက ဈေးလာရောင်းကြတဲ့ သူတွေလည်း ဈေးသိမ်း အိပ်ပြန်ရင်း လိုအပ်တဲ့ ဆေးေးလးတွေ ၀ယ်ကြရှာတယ်။

အဲဒီနေ့က ကျွန်တော် ဆိုင်ရှေ့မှာ ထိုင်ရင်း အပါးနဲ့ စကားပြောနေခဲ့တယ်။ အဲဒီအချိန်မှာပဲ မျက်နှာမှာ နေလောင်ကွက်နဲ့ လက်ထဲမှာလဲ တိုလီမုတ်စ အိတ်ကလေးတွေ ဆွဲထားပြီး ပုဆိုးဟောင်း တစ်ထည်ကို ခေါင်းပေါင်းထားတဲ့ အဒေါ်ကြီးတစ်ယောက် ဆိုင်ထဲကို ၀င်လာတော့ အလင်းအမှောင်ကြောင့် ကျွန်တော့်ကိုမြင်ဟန်မတူပါဘူး။ ခဏနေမှ ကျွန်တော့်ကို မြင်တယ်၊ ပြီးတော့ ကျွန်တော့်ကို သေချာကြည့်ပြီး သူ အရင်ပြောနေတဲ့ စကားသံလည်းတိုးသွားခဲ့တယ်။

ပြီးတော့ အပါးကို တိုးတိုး, တိုးတိုး နဲ့ ဘာပြောတယ်မသိဘူး၊ ဆေးတွေဝယ်ပြီး သူ့ပစ္စည်း တွေ ယူ အပါးကျွေးတဲ့ ကွမ်းတစ်ယာ ပါးစပ်ထဲထည့် ပြီးထွက်သွားတော့တယ်။ ကျွန်တော်လည်း စိတ်ထဲမှာ တစ်မျိုးတော့ တစ်မျိုးပေါ့နော်။ အပါးက

အငယ်လေး " ခုနက အမျိုးသမီး ဘာပြောသွားလဲ သိလား " တဲ့။

ကျွန်တော့်က ခေါင်းခါပြတော့ အပါးက

" သားကိုဘယ်သူလဲ? ဧည့်သည်လား " တဲ့။

အပါးက "မဟုတ်ပါဘူး ကျွန်တော့်သားပါ " ဆိုတော့ " တစ်ခါမှ မမြင်ဖူးဘူး၊

သားရှေ့ပြောရမှာ ကြောက်နေတာ " တဲ့။ "

အဲဒါသားရေ ... ဒီနေရာကနေ လေး,ငါး မိုင်ဝေးတဲ့ နေရာကနေ ထင်းစည်းခေါင်းပေါ်တင်ပြီး မှော်ဘီဈေးမှာ ဈေးလာရောင်းကြတဲ့ ရဲဘော်(စစ်သား)မယားတွေ ... အစောကြီးကို အဝေးကြီးက လမ်းလျှောက်လာ ဈေးရောင်းပြီး ရလာတဲ့ ငွေလေးနဲ့ ဟင်းချက်စရာဝယ်ပြန်ကြရတာ။ တစ်ခါတစ်လေ မရောင်းရရင် အတင်းလျှော့ပေးပြီး ငွေ ၅၀၀-၆၀၀ ကျပ်နဲ့ ထိုးပေးရတော့တာပါပဲ။

ဒီထင်းစည်းကြီးကိုလည်း ဘယ်လိုလုပ်ပြီး ပြန်သယ်သွားမလဲ။

အဲဒီအမျိုးသမီးက ငှက်ဖျား အခံရှိတယ်သား။

အဲဒါ ငှက်ဖျားဆေး ၁၀၀ ကျပ်ဖိုးဝယ်တာ။

သူ့အတွက် " ကွမ်းတစ်ယာဖိုး " ငွေ ၂၅ ကျပ် လျှော့ပြီး ဆေးတစ်ခွက် စပ်ပေးပါတဲ့။

၇၅ ကျပ်ဖိုးနဲ့ ဘယ်လို သွားစပ်မလဲ။

အဲဒါကြောင့် အပါးက ကွမ်းတစ်ယာ ကိုလည်း စားသွား။

ကျွန်တော် ၁၀၀ဖိုး ပြည့်အောင် စပ်ပေးလိုက်မယ်လို့ ပြောလိုက်တာ။

ဒီကွမ်းလေးငုံပြီး သူ့ရွာကို လမ်းလျှောက်ပြန်ရဦးမယ်လေ။ ကျွန်တော့် ရင်ထဲ တော်တော်ဆို့သွားပြီး အရောင်လွင့်နေပြီဖြစ်တဲ့ သူ့စစ်အကျီ အရောင်ဖျော့ကျောပြင်ကို လှမ်းကြည့်ပြီး အပါးရဲ့ ကွမ်းယာထုပ် ကို ကောက်ယူလို့ အနောက်ကနေ အပြေးကလေးလိုက်သွားမိတယ်။ အဒေါ်ကြီးလို့ ခေါ်ပြီးသူ့နားကို ရောက်တော့ သူက ကျွန်တော့ကို မှင်သေပြီး ကြည့်နေပါတယ်။

လက်ထဲက ကွမ်းယာထုပ်ကို အဲဒီအဒေါ်ကြီး လက်ထဲထည့်ပေးလိုက်ပြီး ကျွန်တော့်ခါးပတ်အိတ်ထဲက ဘယ်လောက်ရယ်တော့မသိဘူး၊ လက်ထဲပါလာတဲ့ ထောင်တန်အထပ်တစ်ချို့ကိုပေးလိုက်မိပါတယ်။ အဲဒီအချိန်လေးဟာ ကျွန်တော့ ရင်ထဲကနေ လှိုက်လှိုက်လှဲလှဲ ဖြစ်တည်လာတဲ့ မေတ္တာတစ်ချို့ပါ။ ပြီးတော့ ကျွန်တော် သူ့ကို စကားတစ်ခွန်းပြောလိုက်မိပါသေးတယ်။

" ငှက်ဖျားရောဂါကို ကုလိုက်ပါဦး " လို့ပေါ့။

သူက အံ့သြ၀မ်းသာမှုတွေနဲ့ ဆုတွေပေးအပြီး ကျွန်တောလှည့်အထွက်မှာ ... အဒေါ်ကြီး ပါးပြင်ပေါ်က မျက်ရည်စက်တွေကို မြင်ဖြစ်အောင် မြင်ခဲ့မိပါတယ်။

အဲဒီလို အဖြစ်အပျက်တွေဟာ ကျွန်တော်တို့ ပတ်ဝန်းကျင်မှာ နေ့စဉ်လိုလို မြင်တွေ့နေရတာပါ။ အိမ်ကလည်း ရှိတဲ့ငွေလေးနဲ့ အရင်းတည်ပြီး ရောင်းနေရတဲ့ ဆိုင်လေးမို့ သိသိနဲ့ မျက်စိမှိတ် နားပိတ်ခဲ့ရတာတွေ လည်းရှိခဲ့ပါတယ်။ အများကြီးမဟုတ်တောင် မိမိနိုင်တာလေးတွေနဲ့ ဖေးမ စွမ်းဆောင် နိုင်သူတွေ များများပေါ်ထွက်လာပါစေလို့ ဆုတောင်းရုံကလွဲပြီး ကျွန်တော် ဘာတက်နိုင်ဦးပါ့မလဲဗျာ။ပြည့်လျှံဖြိုးမောက်နေတဲ့ နေရာတွေမှာ လျှံပယ်ပြီး အလဟာသဖြစ်နေတာလေးတွေကို လိုအပ်တဲ့ နေရာလေးတွေမှာ ဖြည့်ဆည်းပေးနိုင်ခဲ့ကြရင်ဖြင့် ......ကိုဇော်ရဲ့ ပို့စ်ခေါင်းစဉ်လေးတစ်ခုကို သွားသတိရမိပါတယ်။ ကျွန်တော် တို့ ခင်ဗျားတို့ "သူများ မျက်ရည် ... ကိုယ့်မျက်ဝန်းမှာ ကျဖူးလား ... "

ချစ်ခင်စွာဖြင့်

ကိုရီး{ ကိုကြီး }