လှိုင်မြစ်ကမ်း၌ ဂျီအီးဟာဗေးနှင့် တွေ့ဆုံခြင်း

ပင်လယ်ဝဲ

သဲသောင်ခုံက… သဲတွေဟာ

ငှက်သမ္ဗာန်တွေနဲ့ မောကြီးပန်းကြီး ရေကူးလာပြီး

ဟောဒီ မဟာရန်ကုန်တော်ကြီးမှာ

ကန်ထရိုက်တိုက်တွေအဖြစ် ဟန်ရေးပြကြတယ် ။

ဧရာမ သင်္ဘောကြီးတွေကတော့

မဟာသမုဒ္ဒရာကြီးထဲက ဘွားကနဲပေါ်လာပြီး

ရန်ကုန်မြစ်ဝရောက်တဲ့အခါ

ခပ်ကုပ်ကုပ် ခပ်မှောင်မှောင်

သူခိုးတကောင်လို ချွတ်နင်းကြတယ် ။

` လှေကလေးကိုလှော်မည် ` ၀တ္တူထဲမှာ

ကဗျာဆရာ မောင်လေးအောင်ကို ပျော်ပါးဘို့

မြူဆွယ်ခဲ့ရာမှာ မအောင်မြင်ခဲ့ရှာတဲ့  

ပြည့်တန်ဆာမလေးကလည်း

ဒလဆိပ်ကမ်းမှာ ရေခဲရေရောင်းလို့ ။

တခါတုန်းကတော့ ….

လန်ဒန် သိမ်းမြစ်ကမ်းပါးမှာ

ဂျီအီးဟာဗေး ဆိုတဲ့ သမိုင်းပညာရှင်ကြီးက

သူ့တပည့် အိုင်စီအက်စ် ဦးချမ်းသာ ကို

ဟောဒီလို ပြောခဲ့ပါသတဲ့ …..

“ မင်းတို့ မြန်မာလူမျိုးဟာ …

အင်ဒိုချိုင်းနားကျွန်းဆွယ်မှာ

ဥာဏ်အတော်ဆုံး၊ သတ္တိအကောင်းဆုံးဘဲ

ဒါပေမယ့် … မင်းတို့လူမျိုးက

အချင်းချင်း မညီညွတ်ချင်ဘူး

တယောက်ကို တယောက်က မနာလိုချင်ဘူး

တစ်ဦးကိုတစ်ဦးက ကုန်းချောချင်တယ်

အဲဒါကြောင့် … မင်းတို့ဟာ

တိုးတက်သင့်သလောက် မတိုးတက်ဘူး ”

ကျွန်တော်အိုင်စီအက်စ်

ဦးချမ်းသာ(စာ-၂၃၄)

ဗိုလ်တထောင်စေတီ

ရွှေရည်ဝင်းပ၊ ပြည်တော်ပြန်ဘုရား

တရားပုတီးစိပ်၊ လရိပ်ကြယ်ရိပ်

ဖိတ်ဖိတ်လင်းလင်း၊ တောက်ပဆီမီးတိုင်

မြိုင်ဆိုင်မွှေးမြ …

ညတွေက … နေ့တွေဆီချဉ်းကပ်ဆဲ

မှုန်တရီ မှောင်တ၀ါးမှာ

ချစ်သူနဲ့ လက်တွဲပြီး

လှိုင်မြစ်ကမ်းက ပြန်ခဲ့တယ် ။

စိုးမြင်းသိန်း

ရွှေမော်ကွန်းမဂ္ဂဇင်း အမှတ်-၆

၉၇၊ အောက်တိုဘာ

မှတ်ချက်

ဒီဇိုင်းပုံက မဂ္ဂဇင်းစာမျက်နှာမှာအသုံးပြုခဲ့တဲ့အတိုင်းကို ဓာတ်ပုံရိုက်ပြီး ကာလာနည်းနည်းအရောင်တင်ထားပြီး သုံးထားတာပါ။