ကျောအောင့်ခြင်း
အသက်အရွယ်မရွေး အကြောင်း အမျိုးမျိုးကြောင့် ကျောအောင့်တာကို ခံစားဖူးကြမယ်ထင်ပါတယ်။
ကျောအောင့်တာာကို ကျောအထက်ပိုင်း ၊ အလယ်ပိုင်း၊ ကျောအောက်ပိုင်း နာတာ(ခါးနာတာ) လို့ဆိုပြီး ခွဲခြားလို့ရပါတယ်။
ဘာကြောင့်အောင့်ရသလဲ…
၁။ ခန္ဓာကိုယ်ထဲမှာရှိတဲ့ ကလီဇာတခုက နာနေတဲ့အခါ ကျောရိုးတလျှောက် သက်ဆိုင်ရာ နေရာတွေမှာ လိုက်နာတတ်ပါတယ်။ အဲဒါက referred pain လို့ခေါ်ပါတယ်။ ရောဂါ အတော်များများဖြစ်တဲ့.. အူအတက်ရောင်ခြင်း၊ သွေးကြောများ ကြီးဖောင်းနေခြင်း ၊ ကျောက်ကပ်ရောဂါ၊ ဆီးအိမ်ပိုးဝင်ခြင်း၊ ပန်ကရိယယောင်ခြင်း၊ ခန္ဓာကိုယ်အောက်ပိုင်းတွင် ပိုးဝင်ခြင်း၊ သားဥအိမ်ယောင်ခြင်း၊ သားဥအိမ်နှင့်ဆိုင်သော ရောဂါရခြင်း၊ စသည့်ရောဂါများတွင် ကျောရိုးတနေရာတွင် အောင့်ခြင်းကို ဖြစ်စေပါတယ်။
၂။ အကြောင်းအမျိုးမျိုးကြောင့် အာရုံကြောမကြီးကို ဖိမိတဲ့အခါမှာလည်း ဖိမိတဲ့နေရာ အလိုက် နာတတ်ပါသေးတယ်။ ကျောရိုးတလျှောက် တနေရာရာမှာ ရှိတဲ့ အဆစ်ကလေးတွေ ပျက်စီးမယ်ဆိုရင် ဒါမှ မဟုတ် ပါးလာမယ်ဆိုရင် ကျောရိုးမှာရှိတဲ့ အဆစ်ကလေးတွေ ကျွံတတ်ပါတယ်။ အဲဒီအခါ ခါးဆစ်ရိုးအထဲမှာရှိတဲ့ ဂျယ်လီလို ပစ္စည်းကလေးဟာ အာရုံကြောတွေကို ဖိမိတတ်ပါတယ်။ ခါးဆစ်ရိုးဟာ အသက် ၃၀ကျော်ရင်ပဲ စပြီး ယိုယွင်းစပြုတာ တွေ့ရပါတယ်။ အသက် ၂၀ကျော်ရင် သုံးပုံတပုံဟာ ခါးဆစ်ရိုးကျွံတတ်ပါတယ်။ အဲဒီအထဲက ၃%လောက်ဟာ ခါးနာတာကို ခံစားရတတ်ပါတယ။်
နောက်တခုကတော့ အသက်အရွယ်ရလာတာနဲ့ အမျှ ကျောရိုးဆစ် တွေကြားက နေရာကလေးဟာ စိုထိုင်းမှု နည်းလာတတ်သလို သိပ်သည်းမှုလည်း နည်းလာတတ်ပြီး အာရုံကြောမကြီးကို ကျဉ်းမြောင်းစေပါတယ်။ အဲဒီလိုအချိန်မျိုးမှာ သာမန်ထိခိုက်မှု ကလေးတခုလောက်ကပဲ အာရုံကြော ယောင်တာ၊ဖိမိတာတွေ ဖြစ်ပြီး နာကျင် စေတတ်ပြန်ပါတယ်။
၃။ ကြွက်သားနဲ့ အရွတ်များ ယောင်ရမ်းခြင်းကြောင့်လည်း ကျောအောင့် တာကို ခံစားရတတ်ပါတယ။်
၎။ ခါးရိုးတလျှောက်မှာရှိတဲ့ အရိုးတခုခုယောင်ခြင်းကြောင့်လည်း ကျောအောင့် တတ်ပါတယ်။
၅။ ကင်ဆာရောဂါဟာ အရိုးထိ ပြန့်ပွားနေပြီဆိုရင်လည်း ကျောအောင့် တဲ့လက္ခဏာကို ခံစားရနိုင်ပါတယ်။ ကျောအောင့်ခြင်း တော်တော်များများဟာ ကျောရိုးကိုထိခိုက်စေတာထက် ကြွက်သားတွေကို ထိခိုက်မိလို့ဖြစ်တဲ့ အတွက်ကြောင့် ပစ္စည်း အလေးများ မ လိုက်မိခြင်း၊ ခါးကိုင်းမိရာက အမှတ်မထင်နာသွားခြင်း၊ အနေအထားမမှန်သည့် ကိုယ်နေဟန်ထားဖြင့် အချိန်ကြာမြင့်စွာနေခြင်း ၊ အနေအထားမမှန်သည့် ကိုယ်နေဟန်ထားဖြင့် အထိုင်များခြင်း (ကွန်ပြူတာရှေ့၊ စာကြည့်စားပွဲ)၊ တို့ကြောင့် ကြွက်သားစိုင်များကို နာကျင်စေတာဖြစ်ပါတယ်။
ဆေးလိပ်သောက်ခြင်း၊ ကိုယ်အလေးချိန် များခြင်းတို့က ကျော့အောင့်ခြင်းကို ပိုမိုဖြစ်စေရန် အားပေးတတ်ပါတယ်။
ဘာမဟုတ်တဲ့ အကြောင်းအရာတခုနဲ့ စတင်ခဲ့မိတဲ့ ကျောအောင့်ခြင်းဟာ တဖြည်းဖြည်းနဲ့ ကြာရှည်လာမယ်။ ခဏခဏ ဖြစ်တတ်လာမယ်ဆိုရင် ရောဂါအကင်းမသေပဲ နာတာရှည်ရောဂါတခု အနေနဲ့ ကူးပြောင်း နိုင်ပါတယ်။ ကျောအောင့်သူ တော်တော်များများကို လေ့လာကြည့်တဲ့အခါဖြစ်ပွားတဲ့ အကြောင်းအရာကို အတိအကျ မပြေနိုင်ကြပါဘူး။
အများစုဟာလည်း သိပ်အပြင်းအထန်ကြီးမဟုတ်ပဲ ကုသမှုကို ကောင်းမွန်စွာတုံပြန်တာကို တွေ့ရပါတယ။်
သင့်ရဲ့ တနေ့တာလုပ်ငန်းစဉ်မှာ ကျောအောင့်ခြင်းကိုဖြစ်ပေါ်စေတဲ့ အကြောင်းအရာတွေကို ရှာဖွေတွေ့ရှိပြီးတဲ့ နောက်မှာ … လိုက်နာသင့်တာတွေကတော့၁။ သင်ကျောအောင့်တာဟာ ထိခိုက်မှုနဲ့ သက်ဆိုင်နေတယ်လို့ ယူဆရင် အဲဒီထိခိုက်မှုကို ပိုဆိုးစေတဲ့ အားပြင်းတဲ့ လှုပ်ရှားမှုတွေ ဟာ ထိုဒါဏ်ရာကို ဆွသလိုဖြစ်စေပြီး၊ အသားမသေအောင် လုပ်နိုင်တဲ့အတွက် အပြင်းစား လှုပ်ရှားမှုတွေ မလုပ်သင့်တော့ပဲ အနားယူသင့်ပါတယ်။
၂။ ကျောအောင့်ခြင်း တော်တော်များများဟာ ကျောရိုးကိုထိခိုက်စေတာထက် ကြွက်သားတွေ ထိခိုက်မိလို့ ဖြစ်တဲ့ အတွက်ကြောင့် သင့်ရဲ့ကြွက်သားတွေဟာ တဆစ်ဆစ်နာနေတာ၊ တင်းနေတာ ၊ ယောင်နေတာတွေဖြစ်တတ်ပါတယ်။ ဒါကြောင့် သူတို့ကိုအနားပေးတာ ၊ ကြွက်သားတွေကို လျှော့ချပေးတာဟာ ကောင်းတဲ့လုပ်ရပ်ဖြစ်ပါတယ်။ ကွန်ပြူတာသုံးတာများလို့၊ စာဖတ်စားပွဲမှာ ထိုင်တာများလို့ ကျောအောင့်တဲ့ သူများကတော့ အဲဒီနေရာတွေမှာ သုံးတဲ့အချိန်တွေကို အတိုင်းအတာ တခုအထိ လျှော့ချပေးသင့်ပါတယ်။
၃။ ကျောအောင့်ခြင်းဟာ ထိခိုက်မှုကြောင့်ဖြစ်တယ်ဆိုရင် သင်သတိထားမိတဲ့ အချိန်ကစလို့ (စတင်ဖြစ်တဲ့ အချိန်ကစလို့ ) သိသိခြင်းပဲ ရေခဲကပ်ပေးသင့်ပါတယ်။ ရေခဲကို ပုဝါနဲ့အုပ်ပြီး နာနေတဲ့နေရာကို ဖြစ်ဖြစ်ချင်းမှာ မိနစ် ၂၀ ကပ်ပေးရပါမယ်။ နောက် ၂နာရီ ၃ နာရီကြာတိုင်း တခါပြန်ကပ်ပေးပြီး ရေခဲကပ်ခြင်းကို ၄၈နာရီကနေ ၇၂နာရီ ကြာတဲ့အထိ လုပ်ပေးရပါမယ်။ ဒီလိုလုပ်ပေးခြင်းဟာ အယောင်ကျစေပြီး နာကျင်မှုကိုလည်း သက်သာစေပါလိမ့်မယ်။
၎။ ကြွက်သားများ နာကျင်ခြင်းအပြင် ခေါင်းကိုက်ခြင်းဟာလည်း ကျောရိုး၊ ကျောရိုး တောက်လျှောက်မှာရှိတဲ့ ကြွက်သားတွေ ၊ ဂုတ်သားတွေ နာကျင်တောင့်တင်းနေတဲ့ လက္ခဏာတရပ်ပဲမို့ ခေါင်းကိုက်တာ ခေါင်းမကြည်တာကိုလည်း သင်ခံစားရနိုင်ပါသေးတယ်။ အဲဒီအတွက်တော့ အကိုက်အခဲပျောက်ဆေး တမျိုးမျိုးကို အစာ နဲ့အတူ သောက်သုံးနိုင်ပါတယ်။ ၅။
ခါးနာတာ ၇၂ နာရီ ကြာပြီးတဲ့နောက်မှာတော့ ရေနွေးအိတ်ကပ်ခြင်းကိုလုပ်ပေးနိုင်ပါပြီ။ ရေနွေးငွေ့ကပ်ခြင်း၊ ရေနွေး နွေးဖြင့်ရေချိုးခြင်း၊ ရေနွေးစိမ်ခြင်းတို့ဟာ ကြွက်သားများကို သွေးများများရစေတာမို့ ကြွက်သားများ တောင့်တင်းနေခြင်းကို လျော့ကျစေတဲ့အတွက် သင့်ရဲ့နာကျင်မှုကို သက်သာစေပါလိမ့်မယ်။
၆။ ကျော့အောင့်ခြင်းမှ ကင်းဝေးအောင်နဲ့နောက်ထပ် မဖြစ်ရလေအောင် ပြန်လည်ထူထောင်ရေး လုပ်ငန်းအနေနဲ့ လေ့ကျင့်ခန်းများလုပ်ခြင်း၊ မှန်ကန်တဲ့ ကိုယ်နေဟန်ထားနဲ့ သင့်ရဲ့တနေ့တာကို ကုန်လွန်စေခြင်းတို့ကိုလုပ်ပေးသင့်ပါတယ်။
ပြန်လည် ကောင်းမွန်စေရန် လေ့ကျင့်ခန်းများပြုလုပ်ရာမှာ ရောဂါပေါ် မူတည်ပြီးတော့ ရက်သတ္တပတ်ကနေ လ အထိ အချိန်ယူရပါတယ်။ ကျောရိုးအပေါ်ပိုင်းကို တောင့်တင်းခိုင်မာစေတဲ့ လေ့ကျင့်ခန်းတွေဟာ သင့်ကို နောက်ထပ်နာကျင်မှုတွေ ၊ ထိခိုက်မှုတွေ မဖြစ်အောင်လို့ လုပ်ဆောင်ပေး ပါလိမ့်မယ်။ ပြန်လည်ကောင်းမွန်အောင် လုပ်ပေးတဲ့ လေ့ကျင့်ခန်းတွေဟာ အရေးကြီးတဲ့ အခန်းကဏ္ဍမှာ ပါဝင်တာတွေ့ရပါတယ်။ ဒါကြောင့် လေ့ကျင့်ခန်းလုပ်တဲ့အခါ လည်ပင်း၊ဂုတ်သား၊ ကျောရိုးတောက်လျှောက်မှာ ရှိတဲ့ ကြွက်သားတွေပေါ်မှာ အာရုံထားမယ် ဆိုရင် ပိုမိုကောင်းမွန်ပါတယ်။ လေကျင့်ခန်းတွေကို မှန်မှန်လုပ်ဆောင်ပေးခြင်းဖြင့် အားကစား တခုခု လုပ်နေသလို အကျိုးသက်ရောက်စေတာမို့ သင်ရဲ့ နာကျင်မှုတွေသာမက ၊ သင့်ရဲ့ ကိုယ်နေဟန်ထား၊ လုပ်ငန်းခွင် တက်ကြွလန်းဆန်းမှုများနှင့်အတူ သင့်ရဲ့ တနေ့တာတွေ တိုးတက်ပြောင်းလဲ လာတာကို သင်ကိုယ်တိုင် တွေ့မြင်ရပါလိမ့်မယ်။
လွယ်လင့်တကူပြုလုပ်ရမဲ့ လေ့ကျင့်ခန်းတွေကတော့
လေ့ကျင့်ခန်း (၁)
၁။ သင်ဟာ ကုလားထိုင်တခုမှာ မတ်မတ်ကလေးထိုင်နေပြီး သင့်ရဲ့ လက်နှစ်ချောင်းကို သင့်ကိုယ်ဘေးမှာ ဖြေလျှော့ထားပါ။ အဲဒီနောက် လက်နှစ်ဘက်ကိုရှေ့သို့ ဆန့်တန်းပြီး ဖြေးဖြေးချင်းမြှောက်ကာ သင့်ခေါင်းပေါ်ထိရောက်အောင် လက်ဆန့်တန်းစဉ် တလျှောက်မှာ အသက်ကိုတ၀ကြီးရှုသွင်းပါ။ ၂။ဦးခေါင်းပေါ်ကို ဆန့်တန်းနေတဲ့ အနေအထားမှာ ခဏနားပါ ။ပြီးတဲ့အခါ လက်ကို နဂိုအနေအထား ရောက်အောင်ဖြေးဖြေးချင်းပြန်ချပေးပါ။ အဲဒီအခါ အသက်ကိုဖြေးဖြေးချင်းရှုထုတ်လိုက်ပါ။ ပြုလုပ်နေစဉ် ကြွက်သားများပေါ်တွင် အာရုံစိုက်ပါ။
လေ့ကျင့်ခန်း (၂)
၁။သင့်ရဲ့လက်များကို ပုံမှာပြထားတဲ့ အတိုင်း ပုခုံးစွန်းပေါ်မှာအသာလေးတင်ထားပါ။ သင့်ရဲ့ လက်နှစ်ဘက်ကို ရင်ဘတ်အရှေ့သို့ဖြေးဖြေးချင်း နဲ့ရသလောက် ဆွဲကပ်ပါ။ ဒီလေ့ကျင့်ခန်းဟာ သင့်ရဲ့ ကျောရိုးအပေါ်ပိုင်းမှာရှိတဲ့ ကြွက်သားများကိုဆွဲဆန့်စေပါတယ်။ ထိုအချိန်မှာ အသက်ကို ရှုသွင်းပါ။ ၂။ လက်နှစ်ဘက် ထိလျှက် အနေအထားနဲ့ ခဏနားနေပါ။
၃။ လက်နှစ်ဘက်ကို နဂိုအနေအထားရောက်အောင် ပြန်ဆန့်လိုက်ပါ။ ထိုသို့လုပ်နေစဉ်မှာ အသက်ကို ရှုထုတ်ပါ။
လေ့ကျင့်ခန်း (၃)
၁။ ပုံမှာပြထားတဲ့အတိုင်း မတ်မတ်ကလေးထိုင်နေပါ။ လက်ပြင်ကို စက်ဝိုင်းပုံစံရှေ့သို့ဖြေးဖြေးချင်း ၀ိုင်းပါ။ စက်ဝိုင်းပုံ အကြီှးမှ အသေးသို့ တဖြေးဖြေးချင်းလျှော့ သွားပါ။ ၂။ ထို့နောက် အနောက်ဘက်သို့ ပြန်ဝိုင်းပါ။
လေ့ကျင့်ခန်း (၄)
၁။ ကုလားထိုင်ပေါ်တွင် လက်ကိုဘေးချကာ မတ်မတ်ထိုင်ပါ။ သင့်ရဲ့ပခုံးကို သင့်ရဲ့နားရှိရာသို့ ဖြေးဖြေးချင်း ထိကပ်ပါ။ ထိုသို့ပြုလုပ်စဉ် အသက်ရှုသွင်းပါ။ ၂။ ထိကပ်လျှက် အနေအထားဖြင့် ခဏနားပါ။ ထို့နောက် ပြန်ဖြေလျှော့ပါ။ ထိုသို့ပြုလုပ်စဉ် အသက်ရှုထုတ်ပါ။
၁။ ယခင်လေ့ကျင့်ခန်းများကဲ့သို့ပင် ထိုင်နေသောအနေအထားမှ သင့်ရဲ့နားနှင့် သင့်ပခုံးစွန်းကို ထိမိအောင်တဖြေးဖြေးချင်း ကြိုးစားပါ။ ထိုသို့ပြုလုပ်စဉ် အသက်ရှုသွင်းပါ။ ၂။ နောက်တဘက်သို့ ထိမိအောင် လုပ်ပေးပါ။ ထိုသို့လုပ်စဉ် အသက်ရှုထုတ်ပါ။ပြီးလျှင် တည့်မတ်သော အနေအထားဖြင့် ခဏနားပါ။
လေ့ကျင့်ခန်း (၆)
၁။ ထိုင်ခုံပေါ်တွင် ပုံမှာပြထားတဲ့အတိုင်းမတ်မတ်ထိုင်ပြီး ထိုင်ခုံအစွန်းတဘက်ကိုကိုင်ထားပါ။ ထို့နောက် အခြားတဘက်စွန်းသို့ ကိုယ်ကို ဆန့်လျှက် အနေအထားဖြင့် ဖြေးဖြေးချင်း စောင်းပါ။ ပြီးလျှင်ပြန်တည့်ပြီး ခဏနားပါ။ ၂။ အခြားတဘက်သို့ ဖြေးဖြေးချင်းစောင်းပါ။
၁။ ကုလားထိုင်ပေါ်မှာ တည့်မတ်စွာနေရာယူထားပါ။ ထို့နောက် သင့်ရဲ့ခါးကို တဘက်သို့ ခါးကျောများ တင်းလာသည်ကို ခံစားရသည် အထိ လှည့်ပါ။ ၂။ပုံမှန်အနေအထားသို့ ပြန်လာ၍ ခဏနားပါ။ ပြီးလျှင် အခြားတဘက်သို့လှည့်ပါ။
၁။ ထိုင်ခုံပေါ်တွင် မတ်မတ်ထိုင်ကာ သင့်ရဲ့ခြေထောက်များကို ကြမ်းပြင်နှင့် အသေအချာ ထိကပ်ထားပါ။ သင့်ရဲ့ဦးခေါင်းက ဒူးနှစ်လုံးကြားထိရောက်သည် အထိ သင့်ရဲ့ ကိုယ်ခန္ဓာကို ဖြေးဖြေးချင်းရှေ့သို့ ကိုင်းပါ။ ထိုသို့ပြုလုပ်ခြင်းက သင့်ကျောရိုးရှိ ကြွက်သားများကို ဆန့်တန်းစေပါလိမ့်မယ်။ ၂။ ထို့နောက် နဂိုအတိုင်း တည့်မတ်စွာ နေရာပြန်ယူပါ။
၁။ ဒီလေ့ကျင့်ခန်း အတွက်ကတော့ တည့်မတ်စွာရပ်နေဖို့လိုပါလိမ့်မယ်။ ထို့နောက် ခါးကျောကို ဆန့်ကာ သင့်ရဲ့ လက်ဖျားနဲ့ ခြေဖျားကို ထိကပ်မိအောင် တဖြေးဖြေးချင်း ကွေးပေးပါ။ ဒီအချိန်မှာ သင့်ရဲ့ ဒူးနှစ်ဘက်ကိုလည်း ကွေးမပစ်လိုက်ပဲ ဆန့်တန်းထားဖို့လိုပါလိမ့်မယ်။ ၂။ သင့်ရဲ့ ပေါင်ကျောနောက်ဖက်နဲ့ ကျောရိုးတလျှောက် ဆန့်တန်းလာတာကို အာရုံစိုက်ထားပေးပြီး ခဏနားပါ။ ပြီးရင် နောက်တကြိမ်အတွက် ပြန်နေရာယူပါ။
လေ့ကျင့်ခန်း (၁၀)
၁။ဒီလေ့ကျင့်ခန်းကတော့ သင်တနေ့တာလုပ်ရမဲ့ လေ့ကျင့်ခန်းတွေထဲက နောက်ဆုံး လေ့ကျင့်ခန်းလေးတခုဖြစ်ပါတယ်။ အကျောလေးတွေ ဖြေလျှော့ရင် ၅မိနစ် ၁၀မိနစ်လောက်လမ်းလျှောက်ပေးဖို့ပါပဲ။ လမ်းလျှောက်နေစဉ်မှာပဲ သင့်ရဲ့ ကျောဘက်နဲ့ ပခုံးမှာရှိတဲ့ ကြွက်သားတွေကို အာရုံစိုက်ပြီးဖြေလျှော့ပေးပါ။ ဒီလိုလုပ်ခြင်းဟာ သင့်ရဲ့တကိုယ်လုံးမှာရှိတဲ့ ကြွက်သားတွေကို သွေးလျှောက်အား ကောင်းစေပြီး သင့်ကိုလန်းဆန်းစေမှာဖြစ်ပါတယ်။ လေ့ကျင့်ခန်း တခုစီကို ၁၀ခါ မှ ၁၅ ခါ ပြုလုပ်ပါ။
သင်လေ့ကျင့်ခန်းလုပ်စဉ် သတိထားရမဲ့အချက်တွေကတော့ နာကျင်လာမယ်ဆိုရင် ၊ သင့်ရဲ့ လုပ်ဆောင်နေတဲ့ အကြိမ်ရေ ကိုလျှော့ချပေးပါ။ မခံမရပ်နိုင်အောင် ဆိုးရွားလာမယ်ဆိုရင် တော့ သင်လုပ်နေတဲ့ လေ့ကျင့်ခန်းကို ရက်အနည်းငယ် ရပ်ဆိုင်းထားလိုက်ပြီး သင့်ရဲ့ မိသားစုဆရာဝန်နဲ့ အသေးစိတ်တိုင်ပင်ဖို့ပါပဲ။
မွန်းသက်ပန် (ဆေး-၁)
Labels:
ဆောင်းပါးများ
0 comments: