ဆည်းဆာနှင်းဆီ
( ၁ )
မိန်းကလေးအမေ့အိမ်ကို ရောက်လာတဲ့အချိန်က နေ၀င်ရီတရောလေးပါ။ သားက သူ့မွေးနေ့မို့သူ့သူငယ်ချင်းတွေကို ကျွေးမယ်ဆိုပြီး အမေ့ကို မုန့်တီချက်ခိုင်းပြီး သင်တန်းသွားတက်နေတဲ့အချိန်ပေါ့။ ခြံစည်းရိုးရယ်လို့ သတ်မှတ်ကာရံထားတဲ့ ပုဏ္ကရိတ်ပန်းခြုံလေးကိုဖြတ်ပြီး ပျဉ်ထောင်အိမ်လို့ ပြောသာရုံသာရှိတဲ့ ယိုင်တိုင်တိုင်အိမ်အိုလေးရှေ့မှာ မိန်းကလေး ရပ်နေ တာကိုမြင်လိုက်တဲ့အမေအိမ်ရှေ့ထွက်ပြီး ကြည့်လိုက်ပါတယ်။
ဒါ--ကိုထက်ဝေယံတို့အိမ်ပါလားရှင် --ဆိုတဲ့ ကြည်လင်ချိုသာတဲ့ မေးသံလေးနဲ့အတူ ဆည်းဆာရိပ်မှာ လင်းလက်နေတဲ့  မိန်းမချောလေးကို အမေ မှင်သက်စွာ ကြည့်နေမိပါတယ်။ သူကလေးက အမေ့ မျက်နှာကိုသေသေချာချာ မြင်လိုက်တဲ့ အချိန်မှာပဲ သေချာပိုင်နိုင်တဲ့ အပြုံးလေးနဲ့  သမီးအိမ်ပေါ်တက်ခဲ့မယ်နော်---တဲ့ 
အို--မိန်းကလေးအသံကအမေ့ကိုတရင်းတနှီးရှိလှချည်လား--
ဆိုတဲ့အတွေးနဲ့အတူအိမ်ပေါ်လှမ်းတက်လာတဲ့  မိန်းကလေးကို အမေ ငေးမောကြည့်မိတယ်။ ၀င်းစက်တဲ့နေတဲ့အသားအရည်၊ ကြော့ရှင်းတဲ့ ကိုယ်ဟန်၊ မျက်နှာ သွယ်သွယ်လေး၊ မျက်လုံး လေးတွေက အရေကြည်လဲ့ပြီး စူးတောက်လို့ ။
ဘာမှန်းမသိပေမယ့် ဒီမိန်းကလေးမှာအရောင်တစ်ခု တောက်ပနေသလိုပဲ။ အမေသိသလောက် သားအသိတွေထဲမှာရော အမေ့ ပတ်ဝန်းကျင်မှာရော ဒီလို မိန်းကလေးမျိုးမရှိပါဘူး။ အဲဒီအချိန်တုန်းက အမေက လမ်းထိပ်ဈေးတန်းလေးမှာ မနက်ပိုင်းမုန့်ဟင်းခါးရောင်းပြီး ညနေအိမ်ရှေ့မှာ ရခိုင်မုန့်တီချက်ရောင်းပါတယ်။
သမီးအကြီးမနောက်အိမ်ထောင်ပြုသွားလို့ထားရစ်ခဲ့တဲ့မြေးလေးကကျောင်းတက်ခါစအရွယ်ပါ။
သားလေးက လွန်ခဲ့တဲ့ ခြောက်လလောက်ကတည်းက အလုပ်ကအဆင်မပြေလို့ထွက်ပြီး နိုင်ငံခြားသွားဖို့  အသည်းအသန်လုံးပန်းနေရချိန်၊ အမေ့ တစ်ယောက်စာဝင်ငွေလေးနဲ့ ရုန်းကန်နေရတာ အိမ်ရဲ့စားဝတ်နေရေးက တော်တော်ခက်ခဲပင်ပန်းပါတယ်။
အိမ်ပေါ်မှာလဲဘာအိမ်ထောင်ပရိဘောဂမှမရှိပါဘူး။ အမေ က ဖျာလေးခင်းပေးတော့ မိန်းကလေးက၀င်ထိုင်ပြီး ပြုံးပြပါတယ်။
" ဓါတ်ပုံထဲကထက် ပိုပိန်သွားတယ်နော်"
သူ့အပြောကြောင့် အမေအံ့သြလိုက်တာ …..
" မိန်းကလေးက အမေ့ ကိုသိလို့လား"
" သိပါတယ်--ကိုထက်ဝေယံက အမေ့ ပုံကို အမြဲ အိတ်ထဲ ထည့်ထားလို့မြင်ဖူးတာပါ "
" အော်--ဟုတ်တယ်--သားလေးက အမေ့ ကိုသိပ်ချစ်တာလေ၊ တော်လဲအရမ်းတော်တာ--သိပ်ကြိုးစားတဲ့ ကလေး--ခုလဲ အမေ ပင်ပန်းနေတာမကြည့်ရက် လို့  နိုင်ငံခြား မှာ သွားအလုပ်လုပ်ပြီးပိုက်ဆံတွေအများကြီးရှာတော့မှာ ”
ဒီနေ့ သူ့ မွေးနေ့ မို့ သူငယိချင်းတွေကို တတ်နိုင်သလောက်လေး ကျွေးချင်တယ်ဆိုလို့ အမေ မုန့်တီကောင်းကောင်းလေး ချက်နေတာ--
သားကသင်တန်းကပြန်မလာသေးဘူးလေ--အော်--ဒါနဲ့ မိန်းကလေးက အမေ့ သားသူငယ်ချင်း မဟုတ်ဘူး လား-ဒီနေ့ သားခေါ်ထားတာလား"
မိန်းကလေးက ယဲ့ယဲ့ လေးပြုံးပြီး သူက မဖိတ်ပါဘူးအမေရယ်--တဲ့ 
ကြေကွဲနာကျင်နေတဲ့ မျက်နှာနဲ့ မိန်းကလေးက သူ့လက်ထဲက နှင်းဆီပန်း နီစွေးစွေးပွင့်လေးတွေ ဖြန့်ကျဲထားတဲ့  ပါကင် စက္ကူစနဲ့ ထုတ်ထားတဲ့ အထုပ်လေးတစ်ထုပ် အမေ့ ကို ပေးပါတယ်။
" သူလာရင် ပေးလိုက်ပါနော်--သူ့ အတွက်မွေးနေ့ လက်ဆောင်ပါ"
အမေ့ လက်ထဲကို လေးထောင့်ခပ်မာမာအထုပ်လေးရောက်လာပါတယ်။
" မုန့်တီသောက်ရင်းသားကိုစောင့်ပါလား--သားက နောက်နှစ်နာရီကျော်လောက်မှပြန်ရောက်မှာ"
" သူ့ ကိုတော့ မစောင့်တော့ပါဘူး--အမေ့ မုန့်တီကိုတော့ သောက်ချင်တယ် "
"အေးအေး--ဒါဆို အမေ သွားပြင်လိုက်မယ်နော် "
အမေလဲ ကျက်ခါစ မုန့် တီဟင်းရည် ပူပူလေးနဲ့  ငရုတ်သီးစိမ်းတွေစပ်လို့ ရှူးရှူးရှဲရှဲ နဲ့ စားတဲ့ မိန်းကလေးကိုကြည့်ပြီး အရမ်း သဘောကျမိတယ်။ သားလေးနဲ့ ဘယ်လိုပတ်သက်ပါလိမ့် ။ တစ်ခါမှလဲပြောသံမကြားဖူးပါဘူး။ အိမ်လိုက်လာတတ်တဲ့ အဖွဲ့  ထဲမှာလည်းတစ်ခါမှ ပါလာတာမတွေ့ ပါဘူး၊ အင်းလေ--သားကလဲ အမေ့ ကို ဘာမှတိုင်ပင်တာမှမရှိတာ။.
အမေနဲ့ တူလေးနှစ်ယောက် အတွက် အိမ်ထောင်ဦးစီးကြီးလို မားမားမတ်မတ်ရပ်နေတဲ့ သားကိုအမေက ယုံလဲယုံတယ်၊ အထင်လဲကြီးတယ် ။ သားကမာနကြီးပြီး မြိုသိပ် ခံစားတတ်တဲ့ သူ ၊ မှန်တယ်ထင်ရင်နောက်မဆုတ်သူ ၊ ဘယ်သူ့ သြဇာ ဘယ်သူ့ လွှမ်းမိုးမှု မှမခံချင်ဘဲ ကိုယ့်စိတ်ကိုယ့်သဘောပြုမူချင်သူ-- ပဲလေ။
စားသောက်ပြီးတော့ မိန်းကလေးက အမေ့ ကိုနုတ်ဆက်ပြီးပြန်သွားပါတယ်--
"နေပါဦးလား--သားလဲပြန်လာတော့မှာပဲကို"
"နေပါစေ--သမီးပြန်တော့မယ်--ဒီနေ့ အမေ နဲ့ တွေ့ ရတာဝမ်းသာပါတယ်"
"သမီးနာမည်လေးပြောခဲ့ ပါလား--သားကိုပြန်ပြောပြမလို့  "
"နေပါစေ အမေ --သူ့ ကို ဒီလက်ဆောင်ထုပ်လေးပဲပေးပေးပါ--သွားတော့မယ်နော်"
သြော် -နာမည်လေးတောင်မပြောခဲ့နိုင်တဲ့ မိန်းကလေး--သားနဲ့ ဘယ်လိုများပတ်သက်နေပါလိမ့်။ နောက်နာရီဝက်လောက် ကြာတော့ သားက သူ့ သူငယ်ချင်းတစ်အုပ်ကြီးနဲ့ ရောက်လာပြီး စားကြသောက် နဲ့ ဆူညံနေလို့ အမေလဲ ကိုယ့်ဘာသာ မီးဖိုချောင်ထဲကပဲ လိုတာ လုပ်ပေးနေလိုက်ပါတယ်။
" ထက်ဝေယံကြီး မွေးနေ့ မှာ ပျော်ရွှင်ပါစေ-အမြန်ဆုံးနိုင်ငံခြားသွားနိုင်ပါစေ--ပြန်လာပြီး ချမ်းချမ်းသာသာ နဲ့ စပါယ်ခြံပိုင်ရှင် ကြီး ဖြစ်ပါစေလို့ဆုတောင်းပါတယ်--နော် ငွေစပါယ်ရေ "
သူငယ်ချင်းတွေက သားကို သူ့ သူငယ်ချင်းမလေး ငွေစပါယ်နဲ့  အမြဲ စနောက်နေတာ အမေသိပြီးသားပါ-ကောင်မလေးကလဲ သားကိုဆို သိပ်အားကိုးတာ-ကြောက်လဲကြောက်တယ်။ သားက ငွေစပါယ်ဆို အရုပ်ပဲ--နိုင်မှနိုင်-- သူ့ သြဇာညောင်း လို့ ဒီ ကောင်မလေးကိုတော့ သူ သဘောကျပုံပဲ။-ဖြူဖြူပိန်ပ်ိန်လေးနဲ့အမြဲတမ်းပြုံးနေတတ်တဲ့ ငွေစပါယ်ကိုခင်ပေမယ့် သားနဲ့ မလိုက်ဖက်ဘူးလို့အမေကထင်တယ်။
သားလို ထက်မြက်ထူးချွန်သူတဲ့သူနဲ့ဆို ညနေကလာသွားတဲ့ မိန်းကလေးကမှလိုက်တာ။ ဘာကြောင့်မှန်းမသိဘဲ အမေကလေ အမြဲခင်မင်နေတဲ့ ငွေစပါယ်ကိုကျော်ပြီးခဏလေးပဲ တွေ့ လိုက်ရသေးတဲ့ မိန်းကလေးကို ပိုပြီးနှစ်လိုနေမိတယ်။ အားလုံးပြန် သွားမှ မိန်းကလေးပေးတဲ့ အထုပ်လေးကို အမေက ပေးလိုက်တယ။်
"မိန်းကလေးတယောက်ပေးသွားတာ၊ သားအတွက်မွေးနေ့ လက်ဆောင်တဲ့ "
" ဘယ်သူလဲ အမေ"
" နာမည်ပြောမသွားဘူး--အရမ်းလှတဲ့ မိန်းမချောလေး--သူ့ မျက်လုံးတွေက တောက်ပနေတာပဲ "
အော--
ဒီလောက်ပြောရုံနဲ့ သားက သိသွားတဲ့ ပုံပေါ်တယ်--မနှစ်သက်တဲ့ ပုံစံနဲ့ ….
" နေပါဦး သူက သားမဖိတ်ဘဲ အိမ်ကိုပိုင်စိုးပိုင်နင်းလာသွားပြီး အမေ့ ကို ဘာတွေပြောသွားသေးလဲ "
" ဘာမှမပြောပါဘူး--အမေက ဓါတ်ပုံ ထဲကထက် ပိန်သွားတယ်တဲ့ --အမေ့ပုံကို သူ သားဆီက မြင်ဖူးတယ်တဲ့ ---လေ "
သားရဲ့ မျက်ဝန်းထဲမှာ အရိပ်တခု ဖြတ်သွားပြီးတချက်လေး မျက်နှာမိုင်းညို့ သွားတယ်-
ဒါဆိုမိန်းကလေးအတွက် သားရင်ထဲမှာ ခံစားမှုတခုတော့ရှိမှာပါ။ ဒါပေမယ့် ဒီအရိပ်ကလေးကခဏလေးပါ။ ချက်ချင်း သားမျက်နှာတခုလုံး ကျောက်သားပြင်လို တင်းမာသွားတယ်။
" တွေ့ လား--သူကသားမရှိတုန်းသားအိမ်ကိုလဲလာသေးတယ်--အမေ့ကိုလဲ ပြောချင်တာတွေပြောသွားသေးတယ်။ ပိုင်စိုး ပိုင်နင်းနဲ့ --အဲလိုလုပ်တာတွေကို သားကမကြိုက်တာ"
" သားနဲ့ သူက ဘယ်လိုသိတာလဲ "
" အရင်သား သူဌေးနဲ့ ပြသနာဖြစ်လို့ အလုပ်ထွက်လိုက်တဲ့ အလုပ်က စာရင်းကိုင်ပါ "
" အော--သားအလုပ်ထွက်ထားတာခြောက်လကျော်နေပြီပဲ၊ သားမွေးနေ့ကိုလဲသူမှတ်မိနေတယ်။
သားအိမ်အသစ်ပြောင်းလာတာကိုရော သူဘယ်လိုသိတာလဲ "
" အဲဒါလဲသားအံ့သြတယ်--စိတ်လဲတိုတယ် --သူ့ ကို သားဘာမှမပြောပြဖူးဘူး။
အမေလဲ သားအကြောင်းသိသားနဲ့  ၊ ကိုယ့်အိမ်ကိစ္စ ကိုယ်ရေးကိုယ်တာကိစ္စတွေ သားဘယ်တုန်းက သူများကို ပြောဖူးလို့လဲ။ ငယ်ငယ်ကတည်းက အဖေ ပစ်သွားလို့ ရုန်းကန်ခဲ့ ရတာတွေ၊ အမကမလိမ္မာဘဲ အိမ်ထောင်ပျက်ပြီး နောက်အိမ်ထောင် ပြုတော့ကလေးနှစ်ယောက်ကိုပစ်ထားခဲ့တာတွေ ပြောလဲ မပြောချင်ဘူး။ အဲဒါ သူကသိပ်စပ်စုတာ။ သားမပြောတာတွေ သူ့ ဘာသာလိုက်စုံစမ်းပြီးသိတာ..။
သိတောာ့လဲ ငြိမ်ငြိမ်နေတာမဟုတ်ဘူး။ သားကို နေရာတကာ ဝေဖန်ပြီးလိုက်အပြစ်ပြော နေ တာ တခုခုငြင်းရင်တောင် သူ မနိုင်မချင်းရအောင် စကားနိုင်လုပြောတာ။ သူဌေးနဲ့ သားပြသနာဖြစ်တုန်းကလဲ သူက သားကိုပဲ အပြစ်လာပြောနေသေး တယ်။ သားလဲအလုပ်ထွက်ခါနီးသူ့ကို ကောင်းကောင်းပြောပစ်ခဲ့တယ။်
"သားကိုကောင်းစေချင်လို့စေတနာနဲ့ပြောတာနေမှာပါကွယ်"
အမေက မိန်းကလေးဘက်က ရှေ့နေလိုက်မိတယ်--
"ဘာစေတနာဖြစ်ဖြစ်--သားမကြိုက်ဘူးအမေ။ သားက သားဘ၀ကိုဘယ်သူပဲ့ကိုင်တာမှ ခံချင်တာမဟုတ်ဘူး။ သားစိတ် သားသဘောနဲ့ သားဘ၀ကိုဖန်တီးမှာ။ မှန်တယ်မှားတယ် သားကိုဘာမှလာမဝေဖန်နဲ့။ အပြစ်မတင်နဲ့ သားလုပ်ရပ်ကို ကျေနပ် လက်ခံပြီး ကူညီပံ့ ပိုးပေးမယ့်သူပဲ --သားလိုချင်တာ"
အော်--သားက ဒါကြောင့်ငွေစပါယ်ကိုရွေးချင်နေတာကိုး၊ သူထားရာနေ စေရာသွားမယ့် သူမျိူးပေါ့ ။
အင်း--အတ္တကြီးလိုက် တဲ့ သား။
" ဘာလက်ဆောင်လေးလဲ -ဖောက်ကြည့်ပါလား "
အမေပြောမှ သားကလက်ဆောင်ထုပ်ကို ဖောက်ကြည့်တယ်။
ဖေမြင့် ဆိုတာလေးပဲအမေမြင်လိုက်ရတယ်---
သားက စာအုပ်ကို ဆွဲထုတ်ပြီး ခေါင်းစဉ်ကို ကြည့်ရင်း--
" တွေ့ လား--လက်ဆောင် ပေးတာတောင် ဆုံးမတဲ့ စာအုပ်မှပေးတာ--အဲဒါတွေ စိတ်တိုရတာ "
ကောင်းစေချင်တဲ့  စေတနာကို တော့ သားကမမြင်တတ်ဘူးပဲ။ အမ့သားလေးဟာ-- အရာရာထက်မြက် ထူးချွန်သလောက် စိတ်ဓါတ်မာကြောပြီးတယူသန်ဆန်တတ်တယ်။ လောကဓံရဲ့ တိုက်ခိုက်မှုကို ငယ်ငယ်လေးနဲ့ ရင်ဆိုင်ခံစားခဲ့ရတဲ့ သားရဲ့  နှလုံးသားတွေဟာ ချစ်ခြင်းမေတ္တာတရားရဲ့  နူးညံ့သိမ်မွေ့မှုကို ခံစားတတ်ပါ့ မလား။
အမေသက်ပြင်းချလိုက်မိတယ်--မိန်းကလေးရယ်-မင်းအတွက်အမေစိတ်မကောင်းပါဘူ။-
Xxxxxxxxxxxxxxxxxxxxxxxxxxxxxxxx
( ၂ )
သားနိုင်ငံခြားထွက်သွားဖို့တရက်အလို ၊ သားမရှိတဲ့ဆည်းဆာချိန်လေးမှာ မိန်းကလေးဒုတိယအကြိမ်ရောက်လာတယ်။ လက်ထဲမှာလည်း လက်ဆောင် ထုပ်ကြီးနဲ့ …။
" အမေ --သူ မနက်ဖြန် သွားတော့မယ်ဆို"
"ဟုတ်တယ်သမီး "
" သူ့ အတွက်လိုအပ်မယ် ထင်တာလေးတွေပါ---ပေးပေးပါနော် "
အမေ့လက်ထဲကို လက်ဆောင်ထုပ်အပ်ပြီး မိန်းကလေးက ချက်ချင်းပြန်သွားတယ်။ အမေ့ရင်ထဲမှာ မိန်းကလေးကို သနား နေမိတယ်။ သားနဲ့ ပတ်သက်တာတွေကိုအမြဲ လိုက်စုံစမ်းနေတာ၊ သားမကြည်ဖြူမှန်း သိရက်နဲ့ လက်ဆောင်လေးတွေလာ ပေးတာဟာ တော်ရုံမေတ္တာမဟုတ်ဘူး၊ သူ့ ရင်ထဲမှာ သားအမြဲရှိနေပုံပဲ။ ဒါပေမယ့် သားက သူ့ဘ၀ခရီးဖော်ကို ဦးနှောက်နဲ့ ရွေးချယ်ပြီးသွားပါပြီ။
ငွေစံပါယ်နဲ့သားချစ်သူတွေဖြစ်နေကြပြီလေ၊ သားနိုင်ငံခြားသွားဖို့လိုတဲ့အရင်းအနှီးကိုလဲငွေစပါယ် မိဘတွေကပဲ ထုတ်ပေး တာ၊ ခုလဲ သားနဲ့ ငွေစပါယ် ဘုရားသွားကြတာ။ ညဘက်သားနဲ့ အတူ ငွေစပါယ် လိုက်လာပြီး သားအတွက် ခရီးဆောင် အိတ်တွေပြင်ပေးတယ်။ ပစ္စည်းထည့်တာ ကအစ သားပြောတဲ့အတိုင်း တသွေမတိမ်းလုပ်ပေးနေတဲ့ ငွေစပါယ်ကိုကြည့်ရင်း မိန်းကလေးကို အမေသတိရနေမိတယ်။
ငွေစပါယ်ပြန်သွားတော့ မှ အမေ က လက်ဆောင်ထုပ်ကိုပေးလိုက်တယ်။
သားကစိတ်ရှုပ်တဲ့ မျက်နှာနဲ့ အထုပ်ကို မဖောက်ဘူး။
" သားမယူချင်ဘူးအမေ "
ဒီစကားတစ်ခွန်းပဲပြောပြီး သားက လိုအပ်တဲ့ ပစ္စည်းတွေစစ်ပြီး အိပ်ယာဝင်သွားပါတယ်။ မနေနိုင်တဲ့ အမေ က လက်ဆောင် ထုပ်လေးကို ဖောက်ကြည့်မိတယ်။ ပရိတ်ကြီး၁၁သုတ်နဲ့ ၂၄ပစ္စည်းပဌာန်းဂါထာတော်စာအုပ်နဲ့ တရားခွေလေးရယ်၊ ဘာလချောင်ကြော်ဘူးလေးရယ်၊ကျောက်စိမ်း စိတ်ပုတီးလေးရယ် ၊ Provimin အားဆေးပုလင်းလေးရယ်။
သား အိပ်ယာဝင်တိုင်း ပုတီးစိပ်တတ်တာ၊ဘာလချောင်ကြော်ကြိုက်တာ၊ Provimin အားဆေးသောက်တာ --အားလုံးကို မိန်းကလေးသိနေတာပဲ။ ရည်းစားရှိပြီးတဲ့ သူတစ်ယောက်ကို လက်ဆောင်ပေးတာမကောင်းပေမယ့် သူပေးတဲ့  ပစ္စည်းလေး တွေက ဘာမှမြူဆွယ်ဖြားယောင်းမှုမှမပါတာပဲ။ သားသုံးသင့်တယ်လို့ အမေကယူဆပြီး သားမသိအောင် အိတ်ထဲကို ထည့် ပေးလိုက်ပါတယ်--
နောက်နေ့  သားကို လေဆိပ်လိုက်ပို့ပြီး ပြန်လာတော့ အမေလေ သားရှေ့မှာ ထိန်းထားရသမျှဖွင့်ချပြီး ၀မ်းနည်းအားငယ်ပြီး တနေကုန် ငိုနေမိတယ်။ အမေ့ သားလေးနဲ့ အမေ သုံးနှစ်ကြီးတောင်ခွဲရမှာ-- သားလေးဓါတ်ပုံလေးကိုကြည့်ပြီး အမေ့  မျက်ရည်မခန်းခင်မှာ မိန်းကလေးရောက်လာတယ်။
" အမေ --သူ သွားပြီပေါ့နော်"
အို--သားဓါတ်ပုံလေးကိုကြည့့်နေတဲ့ မိန်းကလေးမျက်ဝန်းထဲမှာလဲ မျက်ရည်စတွေနဲ့ပါလား။
အမေတို့ နှစ်ယောက် ဟာ ဘာစကား မှမပြောဘဲနာရီပေါင်းများစွာနေနေမိတာနေ၀င်ဆည်းဆာချိန် ရောက်တဲ့အထိပဲ။
ဒီတော့မှ မိန်းကလေးက --" သမီးပြန်တော့မယ် အမေ"
" နေပါဦးမိန်းကလေးရယ်--မင်းနာမည်လေးတော့အမေ့ကိုပြောခဲ့ပါ"
" သမီးနာမည် -နှင်းဆီ--ပါအမေ"
" သားနဲ့ ပတ်သက်တဲ့ မင်းရင်ထဲက ခံစားမှုတွေအတွက်အမေစိတ်မကောင်းပါဘူး--ဒါပေမယ့် ခု သားလေးမှာ သက်ဆိုင် သူရှိနေပြီကွယ့် "
" ငွေစပါယ်ကို သူရွေးလိုက်တာ သမီးသ်ိပါတယ်အမေ"
" အော-မိန်းကလေးကဒါလဲ သိတာပဲလား "
" သိပ်ါတယ်အမေ--လွန်ခဲ့တဲ့သုံးနှစ် သမီးတို့ အလုပ်ကို သူရောက်လာပြီးတဲ့ အချိန်ကစပြီး ခုချိန်ထိ သူ ဘာတွေလုပ် တယ်--ဘာတွေဖြစ်တယ်ဆိုတာ သမီး အကုန်လုံးသိတယ်အမေ"
" အဲဒီတုန်းကသူနဲ့ သမီး သိပ်ရင်းနှီးပါတယ်။ တစ်ရုံးလုံးမှာ အခင်ဆုံးပါ။ အလုပ်ကြိုးစားပေမယ့် ဘယ်သူနဲ့မှ သိပ်စကား မပြောတဲ့ လူမှုဆက်ဆံရေးညံ့တဲ့ဂျစ်ကန်ကန်ကောင်လေးကို သမီးက သိပ်ပြီးကောင်းစေချင်ခဲ့တာ။ သူကသူ့ အကြောင်း တွေမေးရင်မကြိုက်ဘူး။ အမြဲလျှို့ဝှက်ထားတတ်တယ်။ ယုတ်စွအဆုံး အမေ့ ဓါတ်ပုံလေး သူ့ အိတ်ကပ်ထဲမှာ တွေ့ လို့  မေးတာတောင် မကြိုက်ဘူးလေ"
" သားလေးက သူ့ ဘ၀သူ သိမ်ငယ်နေတာပါသမီးရယ်။ အဲဒီတုန်းက သူပြောပါတယ်။ သူအလုပ်လုပ်ရတဲ့ ရုံးမှာက ပြည့်စုံချမ်းသာတဲ့ သူတွေများတယ်တဲ့ ၊ အပြိုင်အဆိုင်တွေကြားမှာ သူ့ ဘ၀အမှန်ကို ထုတ်ပြောရင် သူ့ ကို လူတွေက နှိမ်လိမ့် မယ်တဲ့ "
" သူ အဲလို တွေးတာကိုက မဟုတ်တာပါ။ သူ့မှာအရည်အချင်းရှိလို့ ပဲ နေရာတစ်ခု ကိုရထားပြီပဲ။ လူကြားထဲမှာနေတာ ကဲ့ရဲ့ဝေဖန်တာတွေ ခံရမှာပဲလေ၊ ကိုယ့်ဘ၀ကိုယ်ချမပြရဲတာကိုက သူမှားတာ"
"သမီးက သားလေးဘ၀ကိုဘယ်လောက်သိလို့လဲကွယ်။ သူ့အဖေက သူသုံးနှစ်သားလေးကတည်း က အမေ တို့ကို ပစ်သွားတာ။ ပစ်သွားတာမှ လုံးဝထောက်ပံ့ ပေးကမ်းခြင်းကို မရှိတာပါ။ အမေကလေ သမီးနဲ့ သားကို ဈေးရောင်းပြီး ကျောင်းထားပေးခဲ့တာ။ သားလေးက သူ့ ဘ၀သူသိလို့ ကြိုးစားပေမယ့်  အကြီးမကြီးက မလိမ္မာဘူး။ စရိုက်လဲကြမ်းတယ်- စာကောင်းကောင်းမသင်ဘဲ ယောင်္ကျားလိုက်လိုက်ပြေးတယ်။ သူယူတဲ့ လူက မိန်းမရှိတယ်လေ”
“သားဆို ရှက်လွန်းလို့  သူ့ အမကို လုံးဝ အဆက်အသွယ်ဖြတ်ထားတာ။ ဒါပေမယ့် ကလေးလဲမွေးပြီးရောသူ့ယောင်္ကျားနဲကွဲပြီး ကလေးနဲ့ အမေ့ အိမ်ပြန်ရောက်လာတယ်။ ကိုယ့်တူလေးပါလာတယ် ဆိုပြီးသားကပြန်လက်ခံပြီး အမနဲ့တူကိုပါ လုပ်ကျွေး ခဲ့တာ ၊ ဒါပေမယ့် သူ့အမကနောက်တစ်ခါအိမ်ထောင်ပျက်တစ်ယောက်နဲ့ ထပ်တွေ့ တော့အမေတို့အိမ်မှာ သူ့ သားကိုထားခဲ့ပြီး လိုက်ပြေးသွားတာ ခုထိပဲ။ တစ်ခါမှပြန်လာကြည့်ဖော်မရဘူးလေ။ သားလေးမှာ လူပျိုလေးတန်မဲ့နဲ့  တူလေးကို ခုအရွယ် ရောက်တဲ့  အထိ ကျွေးမွေးစောင့်ရှောက်လာရတာ"
" အဲဒါလဲသမီးသိတယ်အမေ။ ဒါပေမယ့် သူပြောပြတာမဟုတ်ဘူး။ သမီးဘာသာစုံစမ်းပြီးသိတာပါ။ ဒီလို သမီးသိသွားတာ ကိုပဲ သူက ရှက်ပြီး သမီးကို စိမ်းသွားတယ်လေ။ အရင်လို ခင်ခင်မင်မင် မဆက်ဆံတော့ဘူး။ အဲဒါကိုပဲ သမီးကမကြိုက်တာ။ ဒါကိုယ့်ဘ၀မှန်ပဲလေအမေ "
" သားက နဂိုထဲက မာနကြီးတယ်သမီးရဲ့ ။ ခုလက်ရှိရောက်နေတဲ့ သူ့ ဘ၀ကို ဘယ်သူမှချမပြဘဲ ကျိတ်ပြီးကြိုးစားနေတာ လေ။ သူပြည့်စုံချမ်းသာတာကိုပဲ လူတွေ မြင်စေချင်တာ "
" ဒါကိုက သူမှားတာပေါ့ အမေ။ ဖြစ်ပျကိခဲ့သမျှတွေဟာ သူ့ အမှား မှမဟုတ်တာပဲ။ တာဝန်မကျေတဲ့ အဖေ၊ စရိုက်မကောင်း တဲ့ အမ -ဒါတွေကို သူရွေးချယ်လို့မှမရတာ ၊ ဘ၀ကံကြမ္မာကပေးတဲ့အတိုင်းသူလက်ခံရဲရမှာပေါ့  "
အို--တော်လိုက်တဲ့မိန်းကလေး---
ဒီစကားတွေဟာ သားလေးကို အမေ မပြောရဲလို့ ရင်ထဲမြိုသိပ်ထားခဲ့ရတဲ့ စကားတွေပါ။
" သားက သူနဲ့ အတိုက်အခံပြောရင်မကြိုက်ဘူးသမီးရဲ့ "
" ဟုတ်တယ်အမေ။ သမီးကိုလဲ သူ အဲဒါကြောင့် ရှောင်သွားတာလေ။ သမီးက သူ့လုပ်ရပ်ကို ဝေဖန်တာကိုး။ ဒီလိုနဲ့ ပဲ သူနဲ့ သမီးဝေးဝေးသွားတာ။ သူအလုပ်ထဲမှာပြသနာဖြစ်တော့ သူ့ ဘက်ကသူဌေးကို အထင်လွဲပြီး ပြန်ပြောနေလို့ သမီးက အကျိုးအကြောင်းရှုင်းပြတာကို--သူ့ကိုနှိမ်ပြီးသူဌေးဘက်လိုက်တယ်ဆိုပြီး သမီးကိုစိတ်နာသွားတယ်။ အလုပ်ထွက်တာ တောင်သမီးကိုနှုတ်မဆက်သွားဘူး။ သူသိပ်ရက်စက်ပြီးအသည်းမာတာပဲအမေရယ်"-
မိန်းကလေးကပြောရင်းရှိုက်ငိုနေပါတယ်။
" သမီးလေ--သူ့ ကိုသိပ်ကောင်းစေချင်ပါတယ်အမေ။ သူဖြစ်စေချင်သလို သူ့ ဘ၀ကို တိုးတက်ချမ်းသာစေချင်တယ်။ သူပျော်ရွှင်နေစေချင်တယ်။ အမြဲ လူဘုံအလယ်မှာဂုဏ်ယူ ၀ံ့ကြွားနိုင်တဲ့ သူဖြစ်စေချင်ပါတယ်။ ဒါပေမယ့်သမီးစေတနာတွေ သူ့ကိုပြခွင့်မရခဲ့ဘူး။ သူမြင်သွားတာက သူ့အကြောင်းတွေလိုက် စပ်စုပြီးသူ့ကိုအမြဲ ဝေဖန်အပြစ်တင်နေတဲ့ မိန်းမ ပေါ့ "
" ကြားရတာအမေ စိတ်မကောင်းပါဘူးကွယ်။ သားက သူလုပ်သမျှလက်ခံပြီး သူ့ သြဇာညောင်းမယ့်သူကိုပဲ ရွေးချယ်လိုက် တာ။ ငွေစပါယ်ကလေ သားဒါဆိုဒါပဲ"
"ကောင်းပါတယ်အမေ။ ငွေစပါယ်အကြောင်းသမီးစုံစမ်းပြီးပါပြီ။ သူဌေးသမီးလေးပေမယ့် သိပ်အေး ဆေးသိမ်မွေ့ ပါတယ်။ သူ ထားရာနေစေရာသွားမယ့်သူမျိုးပါ။ သမီးကျေနပ်ပါတယ်--သမီး လေ--သူ နဲ့ မပတ်သက်ပေမယ့့်အမေ့ ဆီ တော့  လာလို့ရတယ်မဟုတ်လားဟင်"
" ရပါတယ် သမီးရယ်--အမေကလေ သမီးကိုမြင်မြင်ချင်းကို ရင်းနှီးသွားတာ"
" အဲဒါ သမီးအမေ့ ပေါ်ထားတဲ့ မေတ္တာကြောင့်ဖြစ်မှာပေါ့ အမေရဲ့ "
မိန်းကလေးရဲ့မျက်နှာလေးမှာအပြုံးပွင့်လေးပြန်ပေါ်လာတာ အမေသိပ်ဝမ်းသာတာပဲ။
ဆည်းဆာချိန်မှာ မျက်ရည်တွေ သုတ်ပြီးပြန်သွားတဲ့ မိန်းကလေးရဲ့ကျောပြင်လေးကိုကြည့်ပြီး ဘ၀ဇာတ်ဆရာဆိုသူကြီးကို အမေဟာ အကြိမ်ကြိမ်အပြစ်တင်နေမိပါတယ်-
Xxxxxxxxxxxxxxxxxxxxxxxxxxxxxxxx
( ၃ )
သားလေးမရှိတဲ့ နှစ်တွေမှာ အမေ နဲ့ နှင်းဆီဟာ ပိုပြီး ရငိးနှီးတွယ်တာလာတယ်-။ ချွေးမလောင်းဖြစ်မယ့်ငွေစပါယ်ကိုလဲ အမေခင်ပါတယ်။ သူကလဲအမေ့ဆီလာလာကြည့်တတ်ပါတယ်။ နေ့ခင်းဆိုငွေစပါယ်လာတတ်မှန်းသိလို့ ရှောင်ပြီး ဆည်းဆာချိန်ခပ်မှောင်မှောင်လေးမှ နှင်းဆီက လာတတ်တယ်။
ဘယ်ဘ၀ရေစက်လဲတော့မသိဘူး။ နှင်းဆီကိုပဲ သမီးလေးလို အားကိုးချစ်ခင်နေမိတယ်။ အမေ့ဆီ သူလာတတ်တဲ့  ဆည်းဆာချိန်လေးတွေကို အမေမျှော်နေမိတတ်တယ်။ သားလေးဆီက ငွေပို့တဲ့အခါလဲ နှင်းဆီက အကုန်စီမံပေးတယ်။
အိမ်ဈေးဖိုးကိုခြွေတာသုံးပြီး အမေ့ ကိုပိုက်ဆံစုပေးတယ်။ စုငွေလေးအတန်အသင့် ရှိလာတော့ အမေ့ ကို အိမ်ဆိုင်လေး ဖွင့်ခိုင်းပြီး လိုအပ်တာတွေ သူ ကူညီပေးတယ်။ ဘယ်ပစ္စည်းလေးတင်ရင် ရောင်းကောင်းမှာ- ဆိုင်ကိုဘယ်လိုပြင်ဆင်ရတာ-- စသဖြင့်နှင်းဆီအကြံပေးတဲ့ အတိုင်းအမေလုပ်ခဲ့တာ တစ်နှစ်ကျော်အတွင်း အမေ့ဆိုင်ကပိုက်ဆံနဲ့ ပျဉ်ထောင်အိမ်ကြီး ပြင်ဆောက်နိုင်ခဲ့တယ်။ သားလေးက တောင် အဝေးကနေ အမေ့ကို အံ့သြ၀မ်းသာနေတယ်လို့ ငွေစပါယ်ပြန်ပြောပြခဲ့တယ်။ သားသိတဲ့ အမေက အေးအေးကုပ်ကုပ်နဲ့  ဘာမှသိပ်နားမလည်--လူတောမတိုးတဲ့အမေလေ။
နှင်းဆီရှိတဲ့အတွက် သားနဲ့ဝေးနေတဲ့ သုံးနှစ်တာဆိုတဲ့ အချိန်ကို အမေ ကျန်းမာပျော်ရွှင်စွာ ဖြတ်ကျော်နိုင်ခဲ့တယ်။ သားဆီက ပို့လိုက်တဲ့ ဓါတ်ပုံတွေ ငွေစပါယ်လာပို့ တဲ့အခါ နှင်းဆီကို ခေါ်ပြပြီးအလုပ်ထဲမှာ အဆင်ပြေပြီး ပျော်ရွှင်တက်ကြွနေတဲ့  သားပုံတွေကို့နှစ်ယောက်သားအတူကြည့်ပြီး ကြည်နူးမိတယ်။
"သမီးဝမ်းသာလိုက်တာအမေရယ်။ သူကလေအဲလိုလူပုံအလယ်မှာသူ့အရည်အချင်းကိုပြပြီးအောင် မြင်ချင်တာ၊ ငွေတွေ အများကြီးရှာချင်တာလေ၊သူ့ ရည်ရွယ်ချက်တွေ ပြည့်တော့မှာပေါ့”
သားလေးရည်ရွယ်ချက်တွေ တကယ်လဲပြည့်ခဲ့ပါတယ်။
အမေကကိုယ့်ဆိုင်ရဲ့ ဝင်ငွေနဲ့ ကိုယ်ရပ်တည်နိုင်လာတော့ နှင်းဆီက သားပေးတဲ့ ငွေတွေကို မသုံးဘဲ စုထားခိုင်းတယ်။
" သူပြန်လာလို့ မင်္ဂလာဆောင်ရင် ပိုက်ဆံကုန်မှာပဲလေ။ သူကကြီးကြီးကျယ်ကျယ်လုပ်ချင်မှာ။ ဒီခေတ် မင်္ဂလာဆောင် စရိတ်ကနည်းတာမဟုတ်ဘူး။ ခမ်းခမ်းနားနားမလုပ်ပေးနိုင်ရင်လဲတော်ကြာ ယောက္ခမတွေဘက်ကပြောနေဦးမယ်"
သားအတွက်တွေးပေးနေတဲ့ မိန်းကလေးကိုကြည့်ပြီး အမေစိတ်မကောင်းဖြစ်လွန်းလို့  မျက်ရည်ဝဲမိတယ် ။ ဒါပေမယ့် --အမေ ဘာမှမတတ်နိုင်ခဲ့ပါဘူး။
သားလေးပြန်လာခါနီးတော့  နှင်းဆီကအမေ့ ဆီအလာကျဲသွားတယ်။
နောက်ဆုံး--ဆည်းဆာချိန်တရက်မှာအမေ့ ကိုနုတ်ဆက်တယ်။
" နောက်ဆိုအမေ့ဆီ သမီးမလာတော့ဘူးနော် "
" ဘာဖြစ်လို့လဲသမီးရယ်--သားမှပြန်မလာသေးတာ "
" ခု ငွေစပါယ်က နေ့ တိုင်းလာနေတယ်လေ။ သူပြန်လာရင်လဲ အမြန်ဆုံးမင်္ဂလာဆောင်ပေးဖို့  ငွေစပါယ့်မိဘတွေက စီစဉ်နေပြီ။ လက်ထပ်ပြီးရင်လဲသူလုပ်ချင်တဲ့ လုပ်ငန်းထောင်ပေး မယ်ပြောတယ်"
" သမီးကသိလှချည်လား။ အမေ့ ကိုတောင် ငွေစပါယ်က ဘာမှမပြောထားဘူး"
" ငွေစပါယ်တောင်သိပ်မသိသေးပါဘူး။ သမီးက သူ့ အတွက်မို့ သေချာလိုက်စုံစမ်းထားတာ။ သူ့ပြန်လာရင် ပန်ခင်းလမ်းကြီး ကကြိုနေပါပြီအမေ။ သူဖြစ်စေချင်တဲ့ဘ၀မျိုးရတော့မှာပါ။ သမီးသိပ် ၀မ်းသာပါတယ်။ သူ့ဘ၀အတွက် စိတ်ချရပြီဆိုတော့ သမီးလဲ သမီးဘ၀အတွက်လုပ် ရမှာတွေ ရှိ သေး တယ်လေ"
" အော်-သမီးက ပြည့်စုံပြီးသားမဟုတ်လားကွယ်"
"ဟဟ--အမေကတောင် သမီးကိုအထင်ကြီးနေတာကိုး။ သူလဲသမီးဘ၀မှန်ကို သိပ်မသိသွားပါဘူး။ သူ့ ဘ၀ကိုပဲ ဖုံးကွယ်ချင်နေပြီး သူ့ ဘ၀မှအဆိုးဆုံးလို့ထင်ခဲ့တာလေ"
" ဒါဆို --သမီးဘ၀ကရော မပြည့်စုံဘူးလားကွယ်"
" သမီးကမိဘမဲ့ပါအမေ။ ငယ်ငယ်ကလေးကတည်းသီလရှင်ကျောင်းမှာနေပြီးပညာသင်ခဲ့ ရတာပါ။ ဆယ်တန်းအောင်တော့မှ အဲဒီသီလရှင်ကျောငိးကထွက်ပြီး ကိုယ့်ဘ၀ကိုယ်ရုန်းကန်ခဲ့တာ"
" အို--အမေမထင်ဘူသမီးရယ်။ သမီးပုံစံကလေ အမြဲတက်ကြွရွှင်လန်းပြီးအရာရာပြည့်စုံနေသလိုပဲ"
"ဒါ-သမီးရဲ့ဘ၀နေထိုင်မှူပါအမေ။ ကိုယ်ဖန်တီးယူလို့ မရတာတွေအတွက် ဘာလို့အားငယ်ဝမ်းနည်းပြီး မကျေမနပ်ဖြစ် နေရမှာလဲ ၊ ကိုယ်ပိုင်ဆိုင်ထားတဲ့ကိုယ်ပိုင်အရည်အချင်းတွေနဲ့ကိုယ့်တန်ဖိုးကိုယ်သိရင် လောကအလယ်မှာ ရဲဝံ့ပါတယ် အမေ။ ဘာမှသိမ်ငယ်စရာမလိုပါဘူး"
တော်လိုက်တဲ့မိန်းကလေး--အသိဥာဏ်ရင့်ကျက်တည်ငြိမ်ပြီး ဘ၀မှာတန်ဖိုးရှိအောင် နေတတ်တဲ့မိန်းကလေး။ ဒီမိန်းကလေး မျိုးနဲ့ ဝေးရတာ အမေနှမြောလိုက်တာ။ ဆည်းဆာအမှောင်ရိပ်မှာ ဝေးသွားတဲ့ မိန်းကလေးရဲ့ကျောပြင်လေးကိုငေးကြည့်ရင်း ရင်နင့်စွာနဲ့ အမေ့ မျက်ရည်တွေ ပါးပြင်ပေါ် တလိမ့်လိမ့်စီးကျလာပါတယ်။
xxxxxxxxxxxxxxxxxxxxxxxxxxxxxx
( ၄ )
ဒီနေ့ သားလေးမင်္ဂလာဆောင်တဲ့နေ့  ………။ ခမ်းနားတဲ့ ဟိုတယ်ကြီးမှာ သားလေးမင်္ဂလာပွဲကလဲ စည်ကားလှပါတယ်။ လုပ်ငန်းရှင်ကြီးဖြစ်နေတဲ့ သားမျက်နှာက ကိုယ့်ကိုယ်ကိုယုံကြည်မှုအပြည့်နဲ့ တောက်ပ၀ံ့ကြွားနေပါတယ်။ ငွေစပါယ်လေး ကလဲ သားကိုအရိပ်တကြည့်ကြည့်နဲ့ ပျော်လို ။ သားသူငယ်ချင်းအပေါင်းအသင်းတွေကလဲပျော်လို့ …။
အားလုံးပျော်ရွှင်နေတဲ့ အချိန်မှာ တစုံတယောက်ကို သတိရြ့ပီး အပြည့်အ၀မပျော်နိုင်သူကအမေပါ။ သားလေးပြန်ရောက်ပြီး ကတည်းက နှင်းဆီဟာ အမေ့ ကို လုံးဝအဆက်အသွယ်ဖြတ်သွားလိုက်တာ။ သားမင်္ဂလာဆောင်ဖို့စီစဉ်ကြတော့ အမေ့ မှာ သတိရလွန်းလို့ သားလေးမသိအောင်ကြိတ်ငိုခဲ့ရတယ်။
ခုနေ --ဘယ်ဆီများရောက်နေပါလိမ့်…..။ သားလေးမင်္ဂလာဆောင်တာကိုရောသိရဲ့လား။ သားဖိတ်စာဝေတဲ့ စာရင်းထဲမှာ နှင်းဆီ ဆိုတာ မပါဘူး။ မိန်းကလေးရယ်--မင်းရဲ့မေတ္တာတရားတွေကြောင့် ဒီဘ၀မှာချစ်ကံခေပေမယ့် နောက်ဘ၀တွေမှာ ချစ်သူနဲ့ ပျော်ရွှင်ရမှာပါ။
အမေ ရင်နာစွာနဲ့ ဆုတောင်းနေတဲ့အချိန်မှာပဲဟိုတယ်က ကောင်လေးတယောက်က အမေ့ လက်ထဲကို နီစွေးနေတဲ့  အသည်းပုံဖော်ထား တဲ့  နှင်းဆီပန်းစည်းကြီးလာပေးပါတယ်။
" လှလိုက်တာ--ဘယ်သူပေးတာလဲကွယ်"
" မသိဘူးခင်ဗျ--စာလေးနဲ့အတူ သတို့ သားအမေကို ပေးလိုက်ပ်ါဆိုပြီးပေးသွားတာ"
ကောင်လေးပေးတဲ့စာကိုအမေဖတ်လိုက်တော့ -
" အမေ --နေကောင်းတယ်နော်-
သမီးလဲ ဘ၀ကို ကျေနပ်ပျော်ရွှင်စွာဖြတ်သန်းနေပါတယ်--
သူ့အတွက် သမီးရဲ့လက်ဆောင် ပန်းစည်းလေးပါ--
သမီးပေးတာလို့ သူမသိပါစေနဲ့ အမေ-
သူမင်္ဂလာယူနေတဲ့အချိန်မှာ ဘာမှအနှောင့်အယှက်မဖြစ်စေချင်ဘူး-"
နာမည်ရေးမထားတဲ့ စာလေးတစောင်ထားခြဲ့ပီး မိန်းကလေးထွက်သွားပြီပေါ ။ အမေဟာ တုန်ရင်နေတဲ့ ရင်ကို ထိန်ြး့ပီး နှင်းဆီစည်းကြီးကို ကိုင်ပြီး သားတို့ ထိုင်နေတဲ့ စင်မြင့်ကိုတက်လာခဲ့ပါတယ်။ တအံ့တသြ ကြည့် နေတဲ့ သားနဲ့ ငွေစပါယ် ကိုအမေကပြုံးပြလိုက်ပြီး…
" သားတို့အတွက် အမေ မှာထားတာ။ လာပို့တာနောက်ကျနေလို့ ကွယ်။ ဒီဖလားလေးထဲမှာအမေစိုက်ပေးခဲ့မယ်နော်"
"လှလိုက်တာအမေရယ်--ကျေးဇူးတင်ပါတယ်"
ပန်းစည်းလေးစိုက်ပေြး့ပီး စင်မြင့်ထက်ကအဆင်း အမေ့ မျက်ဝန်းက မျက်ရည်တစက် လွင့်စင်ကျသွားပါတယ်။ ကိုယ့်ကိုယ် ကိုထက် လူတယောက်ကိုစေတနာထားခဲ့ တဲ့ မိန်းကလေး….။ မပိုင်ဆိုင်ရပေမယ့် ကိုယ်ချစ်တဲ့ လူတယောက်ရဲ့ဘ၀ကို လိုအပ်တာဖြည့်ဆည်းပေးချင်ခဲ့တဲ့ မိန်ကလေး…။ ချစ်တဲ့သူရဲ့ မိခင်ကို စောင့်ရှောက်ပေးခဲ့တဲ့မိန်းကလေး….။
လူမသိသူမသိပေးခဲ့ရတဲ့မေတ္တာတွေအတွက်ဝမ်းမနည်းဘဲ မုဒိတာပွားနိုင်ခဲ့တဲ့မိန်းကလေး….။
မိန်းကလေးရယ်--မင်းရဲ့မေတ္တာတရာတွေကြောင့် ဘ၀မှာ ဆည်းဆာချိန်တွေကုန်ဆုံးပြီးအာရုဏ်ဦးချိန် အမြန်ရောက်လာပါစေ လို့ အမေဆုတောင်းပေးလိုက်ပါတယ်ကွယ်။ ။
ခံစားနားလည်နိုင်ပါစေ
ကြာဖြူနွယ်
Women's World ဂျာနယ်
Vol,1 .ISSUE-31, Wed ,July -4.2012
0 comments: