ကျွန်မ မျှော်ကြည့်မိတဲ့ ကောင်းကင်

     











        ဟိုးဝေးဝေးမှာ ငှက်တစ်အုပ်က တိမ်စိုင်တွေကိုလေဟုန်စီးပြီး ကောင်းကင်ပြာထဲ ပြေးဝင်ပျံသန်း
        သွားကြ သည်။ ကျွန်မသည် စက်ဘီးလေးကို အားကုန်နင်းရင်း……….
        လက်တစ်ဘက်မှလည်း ဘေးဝဲယာက အလေ့ကျ ပေါက်နေသော တောစံပယ်ပွင့်လေးများကို 
        ပွတ်သတ်ကျီစယ်လျက်…။

ကျွန်မရဲ့ စက်ဘီးခြင်းလေးထဲမှာတော့ workshop တစ်ဝိုက်မှာသာ ပေါက်လေ့ရှိတဲ့ ကညွတ်ပင်များ က နေရာ အပြည့်ယူလျက်။ တောစံပယ်ပွင့်များ ပေါ်ဖြတ်ပြေး တိုက်ခတ်လာသော လေနုအေးကသင်းသင်း လေး အေးမြလို့။ ကျွန်မရဲ့အတွေးထဲမှာတော့ စက်ဘီးခြင်းထဲက ကညွတ်ပင်များကို လက်သန်းလောက် ပိုင်း ပြီး အိမ်မှ မေမေမသိအောင် လွယ်အိတ်ထဲ ၀ှက်ယူလာသော ပုစွန်အချိုခြောက်ဖြင့်ကြော်မည်။  canteen မှ တစ်လုံးတစ်ရာဖြင့် ၀ယ်ထားသော ကြက်ဥနှစ်လုံးကို ကြွတ်ကြွတ်ရွရွလေး ကြော်လိုက်သည် အဲ့အခါ…… ထမင်း မြိန်စေမဲ့ ညနေခင်းလေးကို စိတ်ကူးပုံဖော်မိချိန်မှာတော့ အမြန်နှုန်းကို နှစ်ဆတိုးပြီး အိမ်ကလေးဆီ အသော့နှင်မိတော့သည်။

လွန်ခဲ့တဲ့နှစ်လက ကျွန်မကိုတွေ့ လျှင် အဆက်မပြတ်ဟောင်တတ်သော ကမ္ဘာကျော်ပင် ခုတော့ သူရဲ့အမြီးကိုနန့် ကာကြိုတတ်နေပြီ။ ခြံဝင်းထောင့်မှာတော့ ကျွန်မပျိုးထားတဲ့ စပယ်ရုံ လေးက အဖူးများ ပင် ဝေနေပြီ။ ရေတွင်းစပ်က ချဉ်ပေါင်ခင်းကတော့  အညွန့် တလူလူ  ရွက်နုများဖြာလို့ ။

ဆရာတို့ ရဲ့အိမ်ခန်းများသည် ကျောင်းမှပေးထားသည့် အခန်းများဖြစ်ပြီး မည်သူတစ်ဦးတယောက် မှသော့ ခတ်လေ့ မရှိ။ အ၀င်တံခါးကိုစေ့ထားခြင်းသည် လူမရှိခြင်းဧ။် သင်္ကေတမို့ တံခါးကိုအသာ တွန်းဖွင့် ၀င်လာခဲ့သည်။ အရင်က ကြမ်းပြင်ပေါ်ပြန့် ကြဲနေတတ်သည့် စာအုပ်များ၊ ကက်ဆက် တိတ်ခွေများ သည် သူ နေရာနဲ့ သူစင်ပေါ်မှာ အစီအရီ နေရာယူလျက်။

ကျွန်မအိမ်လေးဆီ ရောက်နေမှန်း မွန်မွန်သိရင်တော့ …….. ဆရာယောကျာ်းလေးတယောက် နေ တဲ့ အခန်းဆီ တပည့်မိန်းကလေးတစ်ယောက် စသဖြင့် အစချီတဲ့………..လူ့ ဘောင် စည်းမျဉ်းတွေ၊ ကျွန်မ  လျစ်လျူရှူချင်တဲ့ ကျင့်ဝတ်ဆိုတာတွေ၊ ကျွန်မမေ့ထားချင်တဲ့ ပတ်ဝန်းကျင်ရဲ့ အသံတွေ…… ကျွန်မလည်း ရိုးသားသည် ။ဆရာလည်း ရိုးသားသည်။ ဒါဆိုလုံလောက်ပြီလေ။ ဘာတွေကိုလိုက်နာဖို့ လိုနေသေးလို့လဲ။ “နင်တကယ်ရိုးသားတာသေချာလား မိသော်” လို့ ကျွန်မမျက်ဝန်းများကို စိုက်ကြည့် ပြီးမွန်မွန် မေးလာတဲ့ တစ်ခဏမှာတော့ တဒိန်းဒိန်းတုန်ခါသွားတဲ့ ကျွန်မရဲ့နှလုံးခုန်သံကိုလိမ်ညာလို့ မရပေ။

အဲဒီတစ်ညနေ…။ အဲဒီ…တစ်ညနေ ကသာကျွန်မတို့ ဒီိအိမ်လေးဆီ မလာဖြစ်ခဲ့ဘူးဆိုရင်……..။ အဲဒီတစ်ညနေက ဆရာသာ နောက်ဆုံးစာသင်ချိန်ဖြတ်ပြီး အိမ်လေးဆီပြန်မလာခဲ့ဘူးဆိုရင်…….။ ကျွန်မ တို့ လည်း မာလကာသီး ခူးနေချိန် ဆရာလည်းခေါင်းကိုက်လို့  အတန်းချိန်ဖြတ် ပြန်လာချိန်…..။ ကျွန်မတို့ လည်း စာသင်ခန်းပြန် ဆရာလည်း သူ့  အခန်းသူဝင်နား…….။ ဒီအကြောင်းအရာတွေက ဒီမှာသာ ပြီးဆုံး သွားခဲ့ရင်…….။ တစ်ခါတရံမှာ ဆူးသေးသေးလေး တစ်ချောင်းက ပြန်နှုတ်ဖို့ ခက်နေတတ်ပြီး အချိန်ကြာ လာတာနဲ့ အမျှ အဆ်ိပ်က ဖြေဆေးမရှိအောင် တက်တတ် ပါလား…….။ ကျွန်မ တို့ သုံးယောက် ဟာ ဆရာ လည်းမဖိတ်ခေါ်ပါပဲ နဲ့  ဆရာ့ရဲအိမ်ခန်းလေးဆီ စပ်စုချင် စိတ်တစ် ခုတည်းနဲ့ ရောက်သွားခဲ့ ကြသည်။ ပွစာကြဲ ရှုပ်ပွနေ တဲ့ အခန်းကို တောင်းဆိုသူမရှိပါပဲ ရှင်းပေးကြသည်။ ဘယ်နှစ်ပတ်မှန်းမသိ မလျှော်ရ သေးတဲ့ ဆရာ့ အ၀တ်တွေ ကို လျှော်ပေးခဲ့ ကြသည်။ ညစ်ပတ်ပေကျံနေတဲ့ မီးဖိုခန်းလေးကို အတတ်နိုင် ဆုံးသန့် ရှင်းပေးခဲ့ကြသည်။

အဲဒီတစ်ညနေ…။ အဲဒီတစ်ညနေ ကသာကျွန်မကို ဆရာအဲလိုမျိုးမကြည့်ခဲ့ဘူး ဆိုရင်……။ နောက် ပြီး ကျွန်မကို အဲလိုမျိုးမပြောခဲ့ဘူးဆိုရင်။ အဲအကြည့် ကျွန်မ ဘယ်လို မေ့နိုင် မှာလဲ…။ အဲစကား ကျွန်မ ဘယ်လို ဖျောက်နိုင်မှာလဲ…။ အဲဒီနေ့ က ကျွန်မ အညိုရောင်ပိတ်စအပျော့သားကို လက်ဖောင်းပုံစံချုပ်ပြီး လက်အနားမှာ သားရေကြိုးဖြင့် စုချည်ထားတဲ့ အ င်္ကျီလေးကိုဝတ်ထားခဲ့သည်။ ဆရာဟာ လက်ဖောင်းနား လေးကိုစိုက်ကြည့် ပြီး“မင်းနဲ့ ဒီ အင်္ကျီအရမ်းလိုက်တယ်” လို့့တိုးတိုးလေးပြောသွားခဲ့သည်။

တကယ့်  ကို စက္က န့် လောက်ပဲ။ အဲဒီစက္ကန့်  လောက်ဟာ ကျွန်မရဲ့သွေးတွေကိုပြောင်းပြန်စီး သွားစေခဲ့သည်။ ကျွန်မ ရဲ့အိပ်မက်တွေသည် တစုံတယောက်ပေါ်မှာ နားခိုတတ်လာသည်။ ကျွန်မ…တစ် ယောက်ယောက် အတွက် အသက်ရှူတတ်လာသည်။ အဲနောက်မှာတော့ ကျွန်မ … ဆရာ့အကြောင်းတွေ ကို စိတ်ဝင်စားလာမိသည်။ ဆရာက ကျွန်မတို့ မြို့ လေးက မဟုတ်ဘူး ဆိုတော့ ဇာတိက ဘယ်ကလဲ။ ဆရာမိဘတွေကရော။ မွေးချင်းမောင်နှမ တွေ ရော။ ဆရာကဘာအစားအစာကို နှစ်သက်ပြီး ဘယ်လို လူမျိုးနဲ့ အပေါင်းအသင်းလုပ်ချင်တာလဲ။ ဘယ်လို စာအုပ်မျိုးကိုကြိုက်ပြီး အနာဂတ်အိမ်မက်ကရော…..။ အဲလို မျိုး ကျွန်မက ဆရာနဲ့ ပတ် သတ်ပြီး အရာရာကို သိချင်ခဲ့ပေမယ့်….ဘယ်လိုအရည်အချင်းမျိုးနဲ့  စုံစမ်းနိုင်မှာလဲ။

ဆရာဟာ စည်ကားတဲ့ မြို့ တစ်မြို့က ပြောင်းလာတယ်ဆိုတာရယ်….ဆရာ့ မှာ ညီတစ်ယောက် ရှိ တယ် ဆိုတာရယ်… လောက် သာ နားစွန်နားဖျားကြားပြီး ကျေနပ်ခဲ့ရသည်။ သို့ပေမယ့် စာသင်ချိန်က လွဲပြီး အမြဲလိုလို အရောင်မှိန်နေတဲ့ ဆရာ ရဲ့ မျက်ဝန်းတွေကိုတော့ သတိထားမိခဲ့သည်။ ဆရာဟာ လက် ပေါက်ကပ်တယ်ဆိုတဲ့ အသံ တွေ လည်းကြားလာရသည်။ ဆရာကတော့ ပုံမှန်ပင်။ ဘယ်သူချီးမွမ်းဖို့ မှ မဟုတ်ဘဲ ဘယ်သူ သဘောကျဖို့  မှမဟုတ်ဘဲ သူစိတ်ရဲ့ စေညွှန် ရာ အတိုင်း သူ့ ဘ၀ကို ဆေးခြယ်နေ ခဲ့သူသာဖြစ်သည်။ ကျောင်းအနီး နားရွာတွေက ကလေးတွေဆီ အားရက်မှာ စာ သွား ပြ ပေးတာမျိုး….မုန့်  ၀ယ်သွားပေးတာမျိုး…. သူ့ အယူအဆ သူ့ ဒသနအတိုင်း ဘ၀ကို စီးမျောနေခဲ့ပါသည်။

“ကျောင်းနားကစေတီလေးကို လာဖူးကြတဲ ဘုရားဖူးတွေကိုသတိထားကြည့် မိဘူးလား တပည့် တို့…အားလုံးရဲ့ရည်မှန်းချက်ဟာ တစ်ခုတည်းပဲ…နောက်ဆုံးပန်းတိုင် ဟာ တူတူပဲ…..ဒီစေတီကို ဖူးရဖို့  ပဲ..  ဒါပေမဲ့ သုတ်သီးသုတ်ပျာ အလောတကြီး ၀ဲယာမကြည့် ခလုတ်တိုက် မိလို တိုက်မိ လှေခါး ထစ်တွေကို ကျော်လွားပြီး ပြေးတတ်သွားတဲ့ အဲလို လူမျိုးတွေကို မြင်ဘူးမှာပ။ဲ အရင်ဆုံး တော့ ရင်ပြင်ပေါ် ရောက်ပါရဲ့ ဦးဆုံးတော့ ဖူးရပါရဲ့မောပန်းနေတဲ့စိတ်က ဘယ် လောက်ထိ ကြည်ညိုမှု ကိုပေးနိုင်မှာလဲ…..။ လူ့ ဘ၀ မှာလည်း တွဲခေါ်ရမဲ့သူ ကိုလျစ်လျူရှု စာနာရ မဲ့ သူ ကိုမ သိချင်ယောင်ဆောင် ကိုယ့်ပန်းတိုင်ကို ပဲမြင်၊ ဘယ်သူ ကိုနင်းချေသွားလဲ မစဉ်းစား တကယ်ကော ပျော်ရွင်နိုင်မှာတဲ့ လား….။ တပည့် တို့ အမှတ်တမဲ့ မနေပါနဲ့ သေချာတွေးပြီး ရှင်သန်ပါ..။”

တစ်ခါတလေ စိတ်လိုလက်ရရှိလို့ စာသင်ချိန်တွေမှာ ဆရာပြောပြတတ်တဲ့ ဒသနတွေဟာ ကျွန်မ နားမလည်ပေမဲ့လည်း ဆရာ့ကို အထင်ကြီးပြီးရင်း အထင်ကြီးလာခဲ့တာတော့ငြင်း မရချေ။ ကျွန်မလည်း အိမ်လေးဆီ နှစ်ပတ်တစ်ခါလောက်သာ ရောက်ဖြစ်သည်။ ဆရာတို့ အိမ်ခန်းတွေက စာသင်ခန်းနဲ့ နည်း နည်းလှမ်း သည်မို့ canteen မှစက်ဘီးငှားရမှ အဆင်ပြေသည် ။ ဆရာ က တခြား အခန်းမှာ စာသင် ချိန်ရှိ ချိန်…ကျွန်မကလည်း ကိုယ့်အတန်းချိန်ဖြတ်ပြီး လာတာမို့ ဆရာနဲ့လည်း မဆုံဖြစ်ပေ။ နောက်နေ့ဆရာနဲ့ ဆုံရင်တော့”ညည်းလာသွားသေးလား” ဆိုပြီး အသိ အမှတ်ပြုတဲ့ အပြုံးကို ဆရာ့ဆီမှာတွေ့  ရတယ်။ အဲ  လောက်ပါပဲ။ အဲထက်ဆရာဘက်ကမပို ခဲ့သလို ကျွန်မဘက်ကလည်း မျက်ဝန်းတွေက ၀န်ခံနေတာက လွဲရင် အမူအရာတွေက သိသာလွန်းနေတာက လွဲရင်…..အဲထက်မပိုခဲ့ပါပေ။

ဆရာကမချောပါ။ မက်လောက်တဲ့ ငွေကြေးပိုင်ဆိုင်မှုမျိုးလဲ မရှိပါ။ အကွက်ကျဲကျဲ ပုဆိုးကို အ ရောင်ဖျော့ဖျော့ရှပ် အင်္ကျီနဲ့ သာ ၀တ်တတ်တဲ့ဆရာ့ ပုံစံဟာ အများကြားမှာထင်း မနေပါဘူး။ တစ်ခါတ လေ “ညည်းစား ဖို့ ”ဆိုပြီး ဘာ လီ ချိုချဉ်လိုမျိုးပေးတဲ့အခါ ကျွန်မဟာ လှမ်းယူဖို့ မေ့ လောက်တဲ့ ထိ အံ့သြ ၀မ်းသာ နေခဲ့သည်။ အဲလောက်ပါပဲ။ ဆရာ့ ရင်ထဲမှာ ကျွန်မက မှတ်မှတ်ရရရှိ တယ်ဆိုတာနဲ့တင် ပျော်ရွင် နေတတ်ခဲ့တာပါ။ အဲထက်မပိုခဲ့ပါဘူး။

“ညည်းစာမေးပွဲနီးပြီနော်”

“ထမီကို အဲလောက်ရှည်အောင်မ၀တ်နဲ့ လေ မြေပြင်နဲ့ တိုက်ပြီး အောက်နားတွေ ညစ်ပစ် ကုန် မှာပေါ့ ။”

အဲလိုမျိုး အမှတ်တမဲ့ဂရုစိုက်ရုံလေးနဲ့ တင် ကျွန်မရင်ခုန်သံတွေဟာ စည်းချက်မမှန်တော့ဘဲ အယောင်ယောင် အမှားမှား အလွဲလွဲအချော်ချော် “ငါတော့ ပြုစားခံရပြီ ထင်တယ် သူငယ်ချင်းတို့ ရေ ”

လို့ ရင်ဖွင့်ရတဲ့ထိပင်။

“ နင် စိတ်ကစား တာနေမှာပါ ဟာ ” သူငယ်ချင်းတွေ ရဲ့ စွတ်စွဲမှုကိုတော့ ကျွန်မငြင်းချင်သည်။ ကျွန်မက လွယ်လွယ်စိတ်လှုပ်ရှားတတ်သူတစ်ယောက်တော့ မဟုတ်။ “ ပြီးတော့ နင်နဲ ဆရာ အသက် အရွယ်ရဲ့ကွာဟမှု အသိုင်းအ၀ိုင်းရဲ့မတူညီမှု၊ မလိုက်ဖက်မှု၊ ကွာခြားမှု..မှု…မှု တွေ အများကြီးပဲ နင့်ခံစားမှု တစ်ခုတည်း တွေးလို့ မဖြစ်ဘူးလေ”

ဟင့် အင်း………..ကျွန်မဟာဘယ်တော့ မှ ညီမျှခြင်းတွေ ချပြီး …အပေါ်ယံအလွာတွေကိုချိန်ခွင် လျှာ ညှိလိမ့် မှာမဟုတ်ဘူး။ကျွန်မက အချစ်ရဲ့သီးသန့် ဖြစ်တည်မှုကိုပဲ မက်မောတာပါ။ ဒါပေမဲ့လည်း ကျွန်မ ကို စိတ်ကူးယဉ်ခွင့်လေးတောင်မပေးတော့ သော…..ကျွန်မကို တုန်လှုပ်ခြောက်ခြား စေသော ဘယ် တုန်းကမှတွေးမထင်ထားတဲ့ အမှန်တရားတစ်ခုရှိနေလိမ့် ဆိုတာ…….။ မယုံကြည်နိုင်ခြင်းများစွာန့ဲ အားလုံး က လှောင်ရယ်နေသလိုပဲ။ အဖြေမရှိတဲ့ ပုစ္ဆာကိုမှ ကျွန်မက အဖြေ ညှိချင် ခဲ့တာလား။ ကံကြမ္မာက ကျွန်မ ကို တဆိတ်တော့ ကျီစယ်လွန်းနေပြီ။

အဲဒီ့ ညနေဟာ အရင်လိုပါပဲ။ ဘာမှမထူးခြားပါဘူး။တချို့ စာသင်ခန်းမှာ စာသင်လို့ ။ တချို့ က canteen မှာစုရုံးဝိုင်းဖွဲ့ လို့ ။ ကမ္ဘာပျက်နေတဲ့ကျွန်မကို ဘယ်သူသတိထားမိမှာလဲ။ ဒါပေမဲ့ ကျွန်မရဲ့  စိတ် ခံစားမှုကြောင့်ပဲလား ။ အဲဒီညနေက တောစံပယ်ပွင့်တွေကတော့ အနံ့ပြယ်နေခဲ့ ပါသည်။  ကျွန်မရဲ့ ခြေ လှမ်း တွေက အိမ်လေးဆီသို့ ။ တောစံပယ်ရုံတွေက တဖြည်းဖြည်းဝေးသွားလို့ ။  “ တူတူ သွားမယ် ” ဆို တဲ့မွန်မွန်အသံကိုကြားလိုက်သလား၊  မကြားလိုက်သလား ။

“ ဆရာ့ သမီးတွေ လား ” ။ တည်ကြည်တဲ့အသံ တစ်ခုရဲ့ နောက်ကွယ်ကိုမြင်လိုက်ရချိန်မှာ အရာ ရာ ရှင်းသွားခဲ့ပါပြီ။ သူမတို့ နှစ်ဦးအမှတ်တရ အင်္ကျီလေးကိုဝတ်ပြီး ဒီနေ့ မှနိုင်ငံခြားကပြန်လာကြောင်း၊ ကွဲ ကွာနေတဲ့ လေးနှစ် အတွင်း  ဘာမှမပြောင်းလဲသေးကြောင်း။ ခုအပြီးပြန်လာတာဖြစ်ကြောင်း။ ကျွန်မ အ တွက် တော့ သူမတို့ အတိတ၊် သူမတို့ အိမ်မက်ထက် ပစောက်နှစ်ဆင့်လည်ပင်းပုံ လက်ဖောင်း အနာရှုံ့ ကြိုးစည်း အင်္ကျီလေးက ပိုပြီးမှင်သက် စေခဲ့သည် ။ ကျွန်မဆီကနဲ့ အဆင်ကလွဲရင် အရောင် ရော ပုံစံရော တူ။ အဲနေ့ ကဆရာက ဘာကြောင့် တွေတွေလေး ငေးကြည့် ခဲ့ တာလဲ။ဘာကြောင့် အဲလိုပြောခဲ့ရတာလဲ ။ ဘာကြောင့် နစ်ဝင်သွားလောက်အောင် ဆရာမျက်ဝန်း တွေက အသက်ပါနေခဲ့ တာလဲ။ ဘာကြောင့်  ဘာကြောင့် များစွာရဲ့နိဂုံးမှာတော့………………….။

ယခုတော့ ကမ္ဘာ ပေါ်မှာ ကျွန်မဖြစ်တည်လာရတဲ့ လမ်းကြောင်းသည် ပြောင်းလဲသွားခဲ့ ပြီ။ အခမဲ့ ပညာဒါနသင်တန်းကျောင်းတစ်ခုမှာ အချိန်ပိုင်းဆရာမ လုပ်နေပြီး၊ လူတကာ အမြင်ကတ်လောက်အောင်

Roll No-1 နေရာကိုနှစ်တိုင်းသိမ်းပိုက်ထားခဲ့သည်။ ကျွန်မ ပထမမှမဟုတ်ရင် မတင်းတိမ်တော့တာလား။  “…..နောက် ”  ဆိုတဲ့အရာတွေကို မခံစားနိုင်တော့ တာလား။ မသိစိတ်က နာကျင်လိုက၊် သိစိတ်က ထိန်း ချုပ်လိုက် ။ ကျွန်မ စိတ်စေညွန်ရာတွေဆီလိုက်သွားလိုက်။ ဒီိလိုနဲ့ တစ်နေ့ နေ့ မှာ …. မျှော်ကြည့်မိတဲ့ ကောင်းကင်တစ်ခုအကြောင်း မှုန်ဝါးပါးလျသွားလိမ့်မည် ထင်ပါသည်။              ။

ရင်ညိမ်းသူ