ရှုထောင့်

လက်ဖမိုး လက်ဖ၀ါး

တောပြောင်းကျားနဲ့ ရွာပြောင်းလူ

ကမ်းနှစ်ဖက်မီးခိုးတန်းတွေ

မြစ်လယ်မှာ ယှက်လိမ်အုံခဲ။

စဉ်းစားမိတာက

ပင်လယ်ပြာ၊ လှိုင်းခေါင်းဖြူ

မြစ်ကြောင်းဝါ၊ ကန်ရေစိမ်း

မိုးစက်တွေ ဘယ်ပုံဆင်းခဲ့သတုန်း ? ။

တစ်ဖက်မြက်ခင်းကိုမှ ပိုစိမ်းတယ်ထင်ကြ

ကိုယ့်ရိုးရာ ကိုယ်တင်မြှောက်ကြ

ကိုယ့်ကြော်ငြာ ကိုယ်လည်ကမ်းကြ

………………………………….နဲ့။

တကယ်ဆို

ဟောသည့်ကမ္ဘာ လုံးလုံးကြီးနဲ့

အဆုံးစမဲ့ စကြာဝဠာထဲ

ဦးခေါင်းတည်ရာ အရပ်ကိုသာ

အထက်လို့ဆိုချင်တယ်။          ။

သုဆက်လင်း