စင်တင်ကဏ္ဍ သုံးသပ်ချက် -၂၀၁၃၊ ဇွန်လ
အသွင်သစ်နှင့် ပြန်လည်ထွက်ရှိလာသည့် ရွှေဒေါင်းတောင်အွန်လိုင်းမဂ္ဂဇင်းသည် ကလောင်သွေးလို သော ကလောင်သစ်များအား လက်တွဲခေါ်ယူရန်ဆန္ဒရှိသည့်အတွက် “စင်တင်ကဏ္ဍ” ကို ထည့်သွင်းပေးရန် စီစဉ်ခဲ့ပါသည်။ စင်တင်ကဏ္ဍ သို့ ပေးပို့နိုင်သည့်အမျိုးအစားများကို “၀တ္တု၊ အက်ဆေး၊ ” ဟူ၍ ကနဦးစွာ သတ်မှတ်ထားပါသည်။
ရောက်ရှိလာသော စာမူများထဲမှ သင့်တော်ကောင်းမွန်သော စာမူများအား အယ်ဒီတာ အဖွဲ့၏ အနှစ်ချုပ်သုံးသပ်ချက်နှင့်အတူ “စင်တင်ကဏ္ဍ” တွင် လစဉ်ရွေးခြယ်ဖော်ပြသွားမည် ဖြစ်သည်။
ယခု (၂၀၁၃ ဇွန်လ) ထုတ်အတွက် အက်ဆေးတစ်ပုဒ်နှင့် ၀တ္တုတိုတစ်ပုဒ် ရွေးခြယ်ထားပါသည်။ ဂျွန်မိုး၏ “သရုပ်ခွဲဇာတ်ညွှန်းတစ်ပုဒ်” နှင့် ပျူမခ (ကော့သောင်း) ၏ “တစ်ခုသော ကောင်းကင်အောက်က အိပ်တန်းကွဲငှက်ငှယ်” တို့ဖြစ်သည်။
သရုပ်ခွဲဇာတ်ညွှန်းတစ်ပုဒ်
(ရသစာတမ်း)
ရေးသားသူ = ဂျွန်မိုး
အဝေးတစ်မြေရောက်နေသူတစ်ဦး၏ ကိုယ့်မြေ၊ ကိုယ့်ရေ၊ ရပ်ရွာဇာတိတို့ကို လွမ်းဆွတ်တမ်းတနေမှု များအား နေရာ၊ ဒေသ၊ အဖြစ်အပျက်အသီးသီးတို့ဖြင့် နှိုင်းယဉ်စွာ ဖော်ပြရေးသားထားသော အက်ဆေးတစ်ပုဒ် ဖြစ်သည်။ ပြေပြစ်တည်ငြိမ်သော အရေးအသားက မတူညီခြားနားသော နေရာဒေသနှစ်ခု၏ ပစ္စက္ခအခြေအနေ၊ ပုံရိပ်မြင်ကွင်းတို့ကို စာဖတ်သူအတွေးအာရုံဝယ် မြင်ယောင်လာအောင် ရေးဖွဲ့သွားနိုင်ခဲ့သည်။ ညမြင်ကွင်းများ၊ လိုရာသွားနိုင်သော ရထားများ၊ အစားအစာများ၊ အရုဏ်ဦးတေးသံ၊ နေထိုင်ရာပတ်ဝန်းကျင် စသည်တို့ကို အတွေးပုံရိပ်တို့ဖြင့် မြို့ပြနှင့် ဇာတိမြို့မြင်ကွင်း တလှည့်စီတဖျပ်ဖျပ်ပုံပေါ်လာအောင် ရေးဖွဲ့ခဲ့သည်။ Nursing Home များအကြောင်းနှင့် ဖွံ့ဖြိုးတိုးတက်မှု၏ ဆိုးမွေကို မသိမသာခပ်ပါးပါးထည့်သွင်းရေးသားသွားခဲ့သည်။
အရေးအသား အထူးပြောစရာမရှိလှသည့် စာမူဖြစ်ပါသည်။ အဝေးရောက်နေသူ၏ အဇ္ဈတ္တပုံရိပ်၊ မာန် တင်းထားရသော ၀မ်းနည်းလွမ်းဆွတ်မှုတို့ကို စာကြောင်းအနည်းငယ်ဖြင့် ပုံပေါ်အောင် ရေးဖွဲ့နိုင်ခဲ့သည်။
“ရသမျှ ပရိတ်၊ ပဠာန်းတို့ကို ဌာန်ကရိုဏ်းကျသည် မကျသည်ထက် အလိုလောဘအားကိုးနှင့် အကြိမ် များစွာရွတ်ရပြန်သည်”
“မည်သို့ပင်ဖြစ်စေ ဘုရင့်နောင်သည်လည်း လူသားပေမို့ မျက်ရည်တော့ဝဲတတ်ခဲ့လိမ့်မည်ထင်ပါသည်”
“အဆင့်အတန်းမြင့်မှုများအကြားတွင် ပေးဆပ်နေရသော အသည်းနှလုံးတို့များစွာ ရှိနေပါလိမ့်မည်”
စာသားထပ်ခြင်း၊ ထောင့်ခြင်းမရှိပါ။ အဆုံးသတ်တစ်ကြောင်းသာ အနည်းငယ်မျှ မဆိုစလောက် သံတူ စာသားထပ်ပါသည်။
စာသားထပ်ခြင်း၊ ထောင့်ခြင်းမရှိပါ။ အဆုံးသတ်တစ်ကြောင်းသာ အနည်းငယ်မျှ မဆိုစလောက် သံတူ စာသားထပ်ပါသည်။
“ဟုတ်ပေသားပဲ…..ကိုယ် က လက်ဘက်ရည်ကိုသာ နှစ်ခြိုက်သူဆိုတော့ သူ့ဆီက အေးစက်စက်မချိ ပြုံးလေးရတာ ဆန်းမှမဆန်းဘဲ။”
“ဟုတ်ပေသားပဲ…..ကိုယ် က လက်ဘက်ရည်ကိုသာ နှစ်ခြိုက်သူဆိုတော့ သူ့ဆီက အေးစက်စက်မချိ ပြုံးလေးရတာ ဆန်းလှသည်တော့ မဟုတ်ပေ။ ”
နမူနာပြင်ဆင်ပြချက်သာဖြစ်ပါသည်။ နိဂုံးတစ်ပိုဒ်လုံးကို ရွတ်ဆိုကြည့်လျှင် ကွာခြားချက်ကို သိရှိပါလိမ့် မည်။ ခြုံငုံသုံးသပ်ရသော် “သရုပ်ခွဲဇာတ်ညွှန်းတစ်ပုဒ်” သည်ခေါင်းစဉ်နှင့် ဟပ်မိကာ မိမိပြောလိုရာကို ညင်သာ သိမ်မွေ့စွာ တစ်ချက်ခြင်းရေးဖွဲ့သွားနိုင်သည့် အနုပညာမြောက်လှသည့် အက်ဆေးတစ်ပုဒ်ဖြစ်ပါသည်။
ဆက်လက်အားထုတ်ကြိုးပမ်းမှုကို စောင့်မျှော်လျက်…။
တစ်ခုသော ကောင်းကင်အောက်က အိပ်တန်းကွဲငှက်ငယ်
ဝတ္တုတို
ရေးသားသူ = ပျူမခ (ကော့သောင်း)
ရေမြေခြားအမျိုးသမီးကလေးတစ်ဦးနှင့် အမှတ်မထင်တွေ့ဆုံရာမှ သံယောဇဉ်ကြိုးရစ်ပတ်နွယ်ပုံကို ဖော်ပြထားခြင်းဖြစ်သည်။ ရိုးရှင်းသောဆုံတွေ့မှုလေးများကို ပြေပြစ်ညင်သာစွာရေးဖွဲ့ထား၍ စိတ်ဝင်စားစေရန် ဆွဲဆောင်နိုင်ခဲ့သည်။ အရေးအသားချောမွေ့ပါသည်။ တစ်ခုသတိပြုရန်မှာ စကားပြောဘန်းစကားများ ထည့် သွင်းအသုံးမပြုရန်ပင်ဖြစ်သည်။
ဥပမာ - ခေါင်းမဖော်တမ်းကို တီးနေသည်။
နှုတ်ခမ်းအထက်တွင်ပေနေသော မုန့်အစအနလေးကိုတောင် အမှုမထားနိုင်အားပဲ လွေးနေသော သူမက ကျွန်တော့်စိတ်ကို ညှို့နိုင်လွန်းသည်။
နမူနာပြင်ဆင်ချက် (( သူမကလေး စားနေသည်မှာ ခေါင်းပင်မဖော်နိုင်။ နှုတ်ခမ်းအထက်တွင် ပေနေသော မုန့် အစအနလေးကိုတောင် အမှုမထားနိုင်ရှာသည့် သူမ သွင်ပြင်လေးက ကျွန်တော့်စိတ်ကို ညှို့နိုင်လွန်းသည်))
“သူကကိုယ့်အိမ်လာလည်သူကို ကူညီပေးရမည် ကိုသာ အသိစိတ်ကိုအမြန်သွတ်သွင်းရပါသည်။”
စာသားအလောကြီးမှုဟု ထင်ပါသည်။
နမူနာပြင်ဆင်ချက် (( သူက ဧည့်သည်……..ကိုယ့်အိမ် လာလည်သူကို ကူညီပေးရမည်ဟုသာ အသိစိတ်ကို အမြန်သွတ်သွင်းရပါသည်။))
တစ်ဦးနှင့်တစ်ဦး ကူးလူးဆက်ဆံပြောဆိုပုံကလေးများ အရေးအဖွဲ့ညင်သာသိမ်မွေ့ပါသည်။ လှပသော ကဗျာတစ်ပုဒ်ဖတ်ရှုနေရသည့်နှယ်။ အပို အလိုမရှိ။ စရိုက်သဘာဝမှန်ကန်အောင် ရေးသွားနိုင်ပါသည်။
နိဂုံးပိုင်း အပိုဒ်များတွင်မူ ဆိုလိုရင်းကိုမြင်သာအောင် ဆောလျင်စွာရေးဖွဲ့လိုက်သည်ဟု ထင်မြင်မိပါ သည်။ နိဒါန်းညင်သာသိမ်မွေ့သလို နိဂုံးကိုပါ သိမ်မွေ့စွာရေးသားသွားနိုင်လျှင် ပိုမိုကောင်းမွန်သော ၀တ္တုတို တစ်ပုဒ် ဖြစ်လာမည်ဟု သုံးသပ်မိပါသည်။
ဆက်လက်အားထုတ်ကြိုးပမ်းမှုကို စောင့်မျှော်နေပါသည်။
ကလောင်သစ်များအားချစ်ခင်စွာကြိုဆိုလျှက်
အယ်ဒီတာအဖွဲ့
ရွှေဒေါင်းတောင်အွန်လိုင်းမဂ္ဂဇင်း
Labels:
စင်တင်ကဏ္ဍ
0 comments: