အနီရောင်လောကဓံ

(၁)

“ ကိုထွန်းတင် .. တော် သက်သာရဲ့လားဟင် ”

“ သက်သာပါတယ် ဖွားသွဲ့ရယ် ”

ကိုထွန်းတင်ရဲ့အသံက တိုးညင်းညင်းလေးရယ်။ ကိုထွန်းတင်ကိုကြည့်ပြီး ဒေါ်ဖွားသွဲ့စိတ်မကောင်းဖြစ်မိတယ်။ မာနေတုန်းကတော့ ဒီပါးစပ်နှစ်ပေါက်လှုပ်ရဖို့ အလုပ်မှန်သမျှကုန်းရုန်းလုပ်ခဲ့ရရှာတာ။ ဖြစ်ပြီဆိုတော့လဲ အိပ်ယာထဲ ဘုန်း ဘုန်းလဲတော့တာပဲ။ အသက်တွေလည်းငယ်တော့တာမှမဟုတ်ပဲ။

အခုချိန်အထိမညည်းမညူရှာကြွေးခဲ့တဲ့ ကျေးဇူးရှင်ကြီး ရယ်ပါ။ အများသူငှာလို တောက်တောက်ပြောင်ပြောင်မနေရပေမယ့် ဝမ်းဝအောင်စားခဲ့ရတယ်။ မိသားစုငါးယောက် လုံလုံ ခြုံခြုံ အိမ်နဲ့ယာနဲ့ နေခွင့်ရခဲ့တယ်။

“ မင်းရဲ့ သားတွေလာသေးလား ”

“ မလာပါဘူး ကိုထွန်းတင်ရယ်၊ သူတို့လဲမသိကြလို့ထင်ပါတယ် ”

ပြောရင်းနဲ့လိပ်ပြာမလုံပဲ ဒေါ်ဖွားသွဲ့အသံတွေ တိမ်ဝင်သွားတယ်။ တစ်ရပ်ကွက်ထဲအတူနေကြတဲ့ သားသုံးယောက်က တစ်လကြာလို့ တစ်ခါပေါ်လာရင်ကံကောင်း။ အဖေနဲ့အမေ ဘယ်လိုနေကြတယ်ရယ်လို့လည်း တစ်ခါမှတွေးမိကြပုံမပေါ်ဘူး။ တော်တော်နေနိုင်တဲ့သားတွေ။ ကိုထွန်းတင်ကလည်း သားတွေကိုစိတ်ထဲကပဲချစ်တဲ့သူ။ သားတွေမလာရင် ကိုထွန်းတင် လည်း သားတွေဆီမသွားဘူး။ တကယ်တမ်း ကိုထွန်းတင် ရင်ထဲဘာဖြစ်နေလဲဆိုတာ ဒေါ်ဖွားသွဲ့အသိဆုံး။ အလုပ်အားရင် အိမ်ရှေ့ကနေ သားတွေကိုမျှော်နေတတ်တဲ့ ကိုထွန်းတင်လေ။ အပြင်မှာမာနေပေမဲ့ စိတ်ထဲမှာတော့ ကျိတ်မျှော်နေရှာတာ။ ဒေါ်ဖွားသွဲ့ကတော့ သားတွေ အိမ်မလာလည်း ထွေထွေထူးထူးခံစားမနေတော့ဘူး။ ကိုယ့်မှာလည်း အပူတွေနဲ့။ သားတွေ အတွက် မပူပင်ရတာပဲ ကံကောင်း။ သားတွေ အဆင်ပြေနေရင်ပဲ ဝမ်းသာလှပါပြီ။

“ ဖွားသွဲ့.. ကျုပ်နေမကောင်းတာ ဟိုကောင်တွေမသိစေနဲ့၊ ကိုယ့်အပူ ကိုယ်ခံတာအကောင်းဆုံးပဲ ”

ဝမ်းနည်းရိပ်တစ်ဝက် ဒေါသတစ်ဝက် ရောယှက်နေတဲ့ ကိုထွန်းတင်အသံက တဖြည်းဖြည်းတိမ်ဝင်သွားတယ်။ သားတွေမလာလို့ ကိုထွန်းတင် ဒေါသထွက်နေတာ ဒေါ်ဖွားသွဲ့သိတယ်။ ဒေါသထွက်မယ်ဆိုလည်း ဒေါသထွက်ချင်စရာပါ။ ကိုထွန်းတင် နေမကောင်းတာ တစ်ပတ်ကျော်ပြီ။ အိမ်နီးနားချင်းတွေတောင် သတင်းလာမေးကြသေးတာ။ သားတွေကျတော့ တစ်ယောက်မှပေါ်မလာကြဘူး။ ချွေးမတွေဆို ဝေလာဝေး။

“ တော့်သားတွေ မသိလို့နေမှာပါတော်၊ သိရင်လာကြမှာပါ ”

ဒေါ်ဖွားသွဲ့ပြောတော့ ကိုထွန်းတင်က မကြားချင်သလို တစ်ဖက်လှည့်သွားတယ်။ ဒေါ်ဖွားသွဲ့သက်ပြင်းသဲ့သဲ့ချလိုက် မိတယ်။ ဒီသားအဖတွေအကြား ဖာလိုက်ထေးလိုက်နဲ့ ဒေါ်ဖွားသွဲ့လည်း စိတ်မောလှပါပြီ။

“ ကဲပါ ကိုထွန်းတင်ရယ်၊ စိတ်မကောင်းစရာတွေတွေးမနေပါနဲ့၊ တော် ဘာစားချင်လဲပြော ”

မေးလိုက်မှ ကိုထွန်းတင် မျက်နှာပေါ်မှာ စိတ်မကောင်းရိပ်တွေပေါ်လာတယ်။ မေးမယ့်သာမေးရတာပါ။ ကိုထွန်းတင် က အစားအသောက်မက်တဲ့အထဲကမဟုတ်ဘူး။ အခုတောင် မေးလိုက်မိလို့ စိတ်မကောင်းဖြစ်သွားတာ ဒေါ်ဖွားသွဲ့သိတယ်။ ကိုထွန်းတင် အလုပ်မသွားနိုင်တဲ့တစ်ပတ်အတွင်းမှာ ဝင်ငွေမရှိပေမယ့် ကိုထွန်းတင် စားချင်တာလေးတော့ ကြံဖန်ပြီးရှာကျွေး ချင်တယ်။

“ ဘာမှထွေထွေထူးထူးလုပ်မနေနဲ့၊ ငါ့အတွက် ဆန်ပြုတ်ဆိုရပြီ ”

ကိုထွန်းတင်ကပြောပြီး ဘေးကိုစောင်းလှည့်သွားတယ်။ ကိုထွန်းတင်ရဲ့ ရင်ဘတ်အနားထိ စောင်ကိုဆွဲတင်ပေးခဲ့ပြီး ဒေါ်ဖွားသွဲ့ ထွက်လာခဲ့တယ်။ ပြီးတော့ ဆန်ပြုတ်ပြုတ်ဖို့ မီးမွှေးလိုက်တယ်။ မီးမွှေးပြီး ဆန်အိုးကိုဖွင့်လိုက်တော့ တစ်ဆုပ်စာ လောက်တောင်မရှိတဲ့ဆန်လေးတွေက ဒေါ်ဖွားသွဲ့ကိုလှောင်နေကြတယ်။ အားပြတ်စွာနဲ့ပဲ မီးဖိုအနားမှာထိုင်ချလိုက်မိတယ်။ ရိပ်ခနဲ ဝေ့တက်လာတဲ့မျက်ရည်တွေက မီးခိုးကြောင့်မဟုတ်တာတော့သေချာတယ်။

ပါးပြင်ပေါ်ဖြတ်စီးလာတဲ့မျက်ရည်တွေကို လက်နဲ့ပွတ်သပ်လိုက်တယ်။ ငိုနေလို့ဆန်အိုးထဲဆန်ပြည့်လာမှာမှ မဟုတ် တာ။ နောက်ဆုံး သားငယ်အထွန်းရဲ့အိမ်ဘက်ကိုလျှောက်လာခဲ့တယ်။ အထွန်းဆီမှာပဲ ဆန်လေးတစ်ဘူးလောက် တောင်း မှ။ ကိုယ့်အမေ အဆင်မပြေမှန်း သူတို့သိတာပဲ။ ဆန်လေးတစ်ဘူးလောက်နဲ့တော့ ငြိုငြင်မှာမဟုတ်လောက်ဘူး။

“ အမေ .. ဘယ်ကနေလှည့်ဝင်လာတာလဲ ”

အိမ်ရှေ့မှာထိုင်နေတဲ့အထွန်းက လှမ်းမေးတယ်။ အထွန်းရဲ့အဘေးမှာ ဒေါ်ဖွားသွဲ့ဝင်ထိုင်လိုက်တယ်။ အထွန်းက အလုပ်ကပြန်လာကာစထင်တယ်။ ချွေးတပြိုင်းပြိုင်းနဲ့။

“ သားဆီကိုပဲတမင်လာတာသားရေ၊ အိမ်မှာ သားအဖေနေမကောင်းဖြစ်နေလို့ အလုပ်မထွက်နိုင်တာ တစ်ပတ် လောက်ရှိပြီ၊ အလုပ်မရှိတာနဲ့ဆန်အိုးထဲ ဆန်ပြတ်တော့တာပဲ၊ အမေ့ကို ဆန်လေးတစ်ဘူးလောက်ပေးပါလား  ”

ကိုယ်မွေးထားတဲ့သားသမီးဆိုတော့လည်း မရှက်နိုင်တော့ပဲ ဗြောင်ပဲပြောလိုက်တယ်။ ဒါပေမဲ့ အထွန်းရဲ့မျက်နှာပေါ် ကို ဖြတ်ပြေးသွားတဲ့ အရိပ်တစ်ချို့ကို အကဲခတ်မိတော့ ဒေါ်ဖွားသွဲ့ ရင်ထဲထိတ်ကနဲဖြစ်သွားမိတယ်။ မဖြစ်နိုင်ပါဘူးလေ။ ဒေါ်ဖွားသွဲ့ အကဲခတ်မှားသွားတာနေမှာပါ။ ကိုယ့်စိတ်ကိုပဲ မဝံ့မရဲနဲ့တင်းထားလိုက်မိတယ်။

“ အမေကတော့ လိုမှပဲပေါ်လာတော့တယ်၊ မိအေးရေ ဆန်ရှိသေးလားဟေ့ ”

အထွန်းက ဒေါ်ဖွားသွဲ့အခုမှလာတာကိုပဲ အပြစ်တင်သလိုနဲ့ သူ့မိန်းမမိအေးကိုအော်မေးတယ်။ ဒေါ်ဖွားသွဲ့ ပထမဆုံး ခံစားမိတာက ရှက်စိတ်။ ရှက်စိတ်တွေက ဘယ်ကနေ ဘယ်လိုဝင်လာလဲမသိဘူး။ ရိပ်ခနဲတက်လာတဲ့ ဝမ်းနည်းစိတ်တွေကို ထိန်းချုပ်ရင်း ခေါင်းကိုငုံ့ထားလိုက်ပြီး မညှပ်ဖြစ်သေးတဲ့လက်သည်းရှည်တွေနဲ့ ဟောင်းနေတဲ့ထဘီစလေးကိုပဲ တကျိကျိ ကုပ်နေမိခဲ့တယ်။

“ ဒီနေ့ဝယ်ထားတဲ့ ဆန်သုံးဘူးပဲရှိတယ် ကိုထွန်းရေ၊ တော့်အလုပ်ကမှ အခြေအနေမကောင်းတာ ”

အထဲကနေ မိအေးကလှမ်းအော်ပြန်တယ်။ ရှက်ရွံ့စိတ်တွေ သိမ်ငယ်စိတ်တွေနဲ့ ဒေါ်ဖွားသွဲ့ထိုင်နေရမလား ထပဲပြန် သွားရမလားမသိအောင်ဖြစ်သွားမိတယ်။ ရာသီဥတုကသိပ်မပူပါပဲနဲ့ ချွေးတပြိုက်ပြိုက်ကျလာတယ်။ ဒီကိုလာမိတဲ့ကိုယ့်ကိုယ် ကိုပဲ အပြစ်တင်ရင်း ငြိမ်နေပေမယ့် ထွက်ပြေးချင်လှပါပြီ။ မိဘနဲ့သားသမီးအကြား အတုံ့အလှည့်ကိုမတွေးချင်ပေမယ့် ကိုယ် ပေးခဲ့တုန်းက ကြည်ကြည်ဖြူဖြူပါ။ ကိုယ့်ကြောင့် သူတို့လူမွေးသူမွေးပြောင်သွားရင်တောင် ကြည်နူးမဆုံးဖြစ်ခဲ့ရတာ။ မတတ် သာလို့ လက်ဖြန့်နေရပေမယ့် ရှက်စိတ်လေးနဲ့ မာနစိတ်လေးက ဒွန်တွဲနေခဲ့တယ်။

“ လျှာရှည်မနေနဲ့ဟေ့၊ အဲဒီထဲကဆန်တစ်ဘူးယူလာခဲ့ ”

အထွန်းရဲ့အော်သံအဆုံး မိအေးထွက်လာပြီး ဆန်တစ်ဘူးကိုဆောင့်ဆောင့်အောင့်အောင့်ချပေးတယ်။ ပြီးတာနဲ့ ဒေါ်ဖွားသွဲ့ကို ရှိတယ်လို့တောင်မထင်ပဲ ပြန်လှည့်ဝင်သွားတယ်။

“ အမေလည်း ကံဆိုးလွန်းပါတယ်၊ အဖေ့အသက်အရွယ်က လုပ်စားကိုင်စားလို့ကောင်းတုန်းရှိသေးတယ်၊ အရက် သောက်လွန်းတော့လည်း နေမကောင်းဖြစ်မှာပေါ့၊ အခုတော့ အမေ့မှာ ဟိုလိုက်တောင်းရ ဒီလိုက်တောင်းရနဲ့၊ အဖေ့ကြောင့် လည်းခက်ပါတယ် ”

“နင့်အဖေလည်း သူနိုင်သလောက်လုပ်နေတာပဲ၊ သူလုပ်ကျွေးလို့ နင်တို့ကြီးလာကြတာ၊ အဖေကို အပြစ်မမြင်ကြနဲ့”

ကိုယ့်ကိုဘယ်လိုပြောပြောခံနိုင်ပေမယ့် ကိုထွန်းတင်ကိုထိတော့ မခံချင်။ ဆန်ထုပ်ကိုကောက်ယူလိုက်တဲ့ လက်တွေ ကလည်း တုန်ယင်နေခဲ့တယ်။ အထွန်းကို ကျောခိုင်းပြီး ခြေလှမ်းသွက်သွက်လှမ်းလျှောက်လိုက်မိတယ်။ ဒါတောင် အထွန်း ရဲ့စကားတစ်ခွန်းကို ကြားဖြစ်အောင်ကြားလိုက်သေးတယ်။

“ အမေကြောင့်လည်းခက်တယ်၊ အဖေ့ကိုဆို အထိမခံဖြစ်နေတာ၊ ဒါကြောင့် အဖေက နိုင်နေတာ ” တဲ့။

(၂)

နေမကောင်းဖြစ်နေတဲ့ ကိုထွန်းတင်ရဲ့မျက်နှာကြီး ဒေါသကြောင့်ရဲရဲနီနေတယ်။ သားသုံးယောက်ကလည်း ဒီနေ့မှ တစ်စုတစ်ဝေးတည်းရောက်လာတယ်။ အဖေနေမကောင်းလို့လာကြည့်တယ်ဆိုလည်း ရိုးရိုးသားသားလာကြည့်ပါလား။ အခု တော့ သားအဖတွေစစ်ဖြစ်ကြမယ့်အနေအထားဖြစ်နေပြီ။ ဒေါ်ဖွားသွဲ့ကတော့ သားအဖတွေအကြားခေါင်းညိတ်ခေါင်းခါလုပ် ရုံကလွဲပြီး ငြိမ်သက်နေမိတယ်။

“ အဖေကဘာမဟုတ်တာလေးကိုဒေါသထွက်နေရတယ်လို့၊ ခြံဝိုင်းကအကြီးကြီးပဲလေ၊ တစ်ဝက်ခွဲရောင်းလိုက်တော့ ဘာဖြစ်မှာမို့လို့လဲ ”

“ မင်းပါးစပ်ပိတ်ထား ”

ကိုထွန်းတင်က အံကြိတ်ပြီးပြောတယ်။ ဒေါ်ဖွားသွဲ့လည်း သက်ပြင်းပဲချမိတယ်။ ဆန်အိုးထဲမှာဆန်ရှိရဲ့လားလို့လှည့် ကြည့်ဖော်မရကြတဲ့ သားတွေ။ အခုတော့ ဒီခြံကြီးကိုမျက်စောင်းထိုးလာကြပြီ။ လွတ်နေတဲ့ခြံကွက်မှာ စိုက်ခင်းလေးစိုက် မလားလို့တွေးမိတုန်းရှိသေးတယ်။ သားတွေကလက်ဦးမှုယူချင်နေပြီ။ ကိုထွန်းတင်ကလည်းလွယ်လွယ်နဲ့လက်ခံမှာမဟုတ် ဘူး။ ဒေါ်ဖွားသွဲ့လည်း ထွေထွေထူးထူးဝင်မပြောချင်တော့ပါဘူး။ ကိုထွန်းတင် ဆုံးဖြတ်တဲ့အတိုင်းပဲပေါ့။

“ မင်းတို့ရောင်းခိုင်းတိုင်းရောင်းရအောင် ငါမသေသေးဘူးကွ၊ မင်းတို့ အခုချက်ချင်းထွက်သွားကြ ”

ကိုထွန်းတင်က သားတွေကိုကြည့်ပြီး လှမ်းအော်တယ်။ သားတွေကလည်း သူ့အဖေရှေ့မှာ ခေါင်းကုတ်တဲ့သူက ကုတ်။ ခေါင်းခါတဲ့သူကခါနဲ့။ ဒေါ်ဖွားသွဲ့လည်း ဘာဝင်ပြောရမလဲတောင်မသိတော့ဘူး။ ကိုထွန်းတင်ကတော့ သားတွေကို ကျောခိုင်းပြီး ဟိုဘက်လှည့်အိပ်နေတော့တယ်။ အဲဒီတော့မှ သားသုံးယောက်လည်း ခြေသံပြင်းပြင်းနဲ့ အိမ်ပေါ်ကဆင်းသွား ကြတယ်။ ဒါလား သတင်းလာမေးတာ။ ရိုင်းရိုင်းပြောရရင် အဖေတစ်ယောက်လုံး နေမကောင်းဖြစ်နေတာကို အမွေလာခွဲ တာ။ ဒေါ်ဖွားသွဲ့ကတော့ ကိုထွန်းတင်ရဲ့လုပ်ရပ်က မှန်တယ်လို့ပဲထောက်ခံလိုက်မိတယ်။

“ ငါ အလုပ်သွားတော့မယ် ဖွားသွဲ့ ”

သားတွေလည်းပြန်သွားရော ကိုထွန်းတင်က အိပ်နေရာကနေ ငေါက်ကနဲထထိုင်ပြီးပြောတယ်။ ကိုထွန်းတင်ရဲ့ နဖူး ကို လက်လေးနဲ့အသာစမ်းကြည့်တော့ အပူငွေ့တွေရှိနေသေးတယ်။ မျက်နှာလည်း နီနေသေးတယ်။ ဒါတောင် အလုပ်သွားမ လို့တဲ့။

“ တော်ကလည်း .. နေမကောင်းသေးတဲ့အထဲ အလုပ်သွားဦးမလို့လား၊ ဒီနေ့တော့ နားလိုက်ပါဦး ”

“ မင်း ဆန်အိုးကိုဖွင့်ကြည့်ပြီးပြီလား ”

ကိုထွန်းတင်ရဲ့စကားကြောင့် ဒေါ်ဖွားသွဲ့ ဆွံ့အသွားမိခဲ့တယ်။ ဆန်အိုးကို ကြည့်ပြီးပြီလားတဲ့။ ဗြောင်ပြောတဲ့ စကား ဆိုပေမယ့် ရှက်ရမဲ့အစား ကြည်နူးမျက်ရည်လေးဝေ့ရပြန်တယ်။ ဘယ်အချိန်ကတည်းကများ ဆန်အိုးကိုဖွင့်ကြည့်ခဲ့လဲမသိ ပေမယ့် ဆန်မရှိတာကိုမြင်ပြီး ကိုထွန်းတင်မျက်နှာကြီး စိတ်မကောင်းရိပ်နဲ့နီနေမှာ သေချာတယ်။ ဒီတော့ သမုဒ္ဒရာ ၀မ်းနှစ် ထွာအတွက် ကိုထွန်းတင် အလုပ်သွားမှာကို ဒေါ်ဖွားသွဲ့ ဘယ်လိုတားလို့ရနိုင်ဦးမှာလဲ။

“ ငါကောင်းကောင်းသိလိုက်ပြီ ဖွားသွဲ့၊ မင်းရဲ့သားတွေကို အားကိုးမနေနဲ့တော့၊ ငါ့မှာရှိရင် မင်းရမယ်၊ မင်းမှာရှိရင် ငါပိုင်တယ်၊ အဲဒီလိုပဲ အမြဲတွေးထား .. ကဲ ငါသွားတော့မယ် ဖွားသွဲ့ ”

“ သေချာသတိနဲ့လည်းသွားဦး၊ တော်က နေကောင်းသေးတာမဟုတ်ဘူး ”

“ အေး ”

အေးဆိုတဲ့စကားတစ်ခွန်းက ဒေါ်ဖွားသဲ့နားထဲတိုးဝင်လာတော့ ကိုထွန်းတင်က ခပ်လှမ်းလှမ်းရောက်နေပြီ။ ကိုထွန်းတင် ရဲ့အရိပ်လေးပျောက်သွားတဲ့အထိ ဒေါ်ဖွားသွဲ့ စိုးရိမ်စိတ်နဲ့ကြည့်နေမိတယ်။ တကယ်ဆို ဒီအသက်အရွယ်တွေက သားသမီး လုပ်စာနဲ့ အေးအေးဆေးဆေးနားနေရမယ့်အရွယ်။ ဘုရားတရားလေးလုပ်ပြီး အေးအေးချမ်းချမ်းနေချင်လှပြီ။ သားတွေက ငယ်ငယ်ရွယ်ရွယ်နဲ့အိမ်ထောင်ပြုသွားကြတော့ နောက်ဆုံး ဒေါ်ဖွားသွဲ့တို့နှစ်ယောက်ပဲ ကျန်ခဲ့ရော။ ပျိုဇာတာသိပ်မကောင်း ခဲ့တဲ့ ဒေါ်ဖွားသွဲ့အတွက်တော့ အိုဇာတာလည်း အခုထိကောင်းမလာခဲ့ဘူး။

အတွေးစကိုဖြတ်တောက်ပြီး ဒေါ်ဖွားသွဲ့ အိမ်ဘေးကမြေကွက်လွတ်လေးကို လျှောက်လာခဲ့တယ်။ မြေကွက်က ခပ် ကျယ်ကျယ်လေးဆိုတော့ သားတွေမျက်စောင်းထိုးလာကြတာလည်း မဆန်း။ ဒီမြေကွက်လေးကို ဝယ်စတုန်းကတော့ ဈေး သိပ်မရှိသေးဘူး။ ငွေငါးထောင်တည်းနဲ့ရခဲ့တာ။ ငါးထောင်ဆိုပေမယ့်လည်း ဒေါ်ဖွားသွဲ့တို့ခေတ်တုန်းက တော်တော်များတဲ့ တန်ဖိုးပါ။ အခုဆို ဒီမြေကွက်လေးက သိန်းဂဏန်းဖြစ်လာပြီတဲ့။ ဒေါ်ဖွားသွဲ့တော့သိပ်နားမလည်ပါဘူး။ ကိုထွန်းတင်နဲ့ သား တွေပြောနေတာကို ကြားခဲ့ရတာ။

ကိုထွန်းတင်က ပြောဖူးတယ်။ ဒီမြေကွက်လေးကို ဘယ်တော့မှမရောင်းဘူးတဲ့။ ဒီမြေကွက်လေးက အိုစာမင်းစာတဲ့။ ကိုထွန်းတင်ပြောတာလည်းဟုတ်တယ်။ သားတွေက အားကိုးမရတော့ ဒီသက်မဲ့မြေလေးကိုပဲ အားကိုးရတာ။ ဒီမြေကွက် လေးကို ဟင်းရွက်စုံစိုက်ခင်းလေးဖြစ်အောင်လုပ်မှာ။ ကိုထွန်းတင်က ပန်းရံခေါင်းဆောင်ဆိုပေမယ့် အပင်စိုက်တာလည်း ၀ါသနာပါတယ်။ ဒါကြောင့် ပျိုးစေ့လေးတွေဝယ်ပြီး စိုက်မှာ။ စိုက်ခင်းလေးဖြစ်မြောက်လာပြီဆိုရင် ဈေးထဲကကုန်စိမ်းသည် တွေကို ဖောက်သည်သွင်းနိုင်မယ်။ အကြော်ဆိုင်ကိုလည်း ဟင်းရွက်တွေသွင်းနိုင်မယ်။ ကိုထွန်းတင် အလုပ်မဆင်းနိုင်တဲ့ နေ့တွေဆိုရင် ဒီစိုက်ခင်းလေးနဲ့ ဝမ်းဖြည့်နိုင်တာပေါ့။ မစိုက်ဖြစ်သေးတဲ့မြေကွက်လေးကိုကြည့်။ စိတ်ကူးလေးတွေယဉ်လို့။ ဒေါ်ဖွားသွဲ့ ကြည်နူးနေမိခဲ့တယ်။

“ ဒေါ်ဖွားသွဲ့ .. ဦးထွန်းတင် မူးလဲလို့ဗျ၊ အဲဒါ ဆေးရုံကိုခေါ်သွားကြပြီ ”

အဲဒီအချိန်မှာ အပြင်ကပြောလိုက်တဲ့စကားတစ်ခွန်းက ဒေါ်ဖွားသွဲ့ နားကို ခပ်ပြင်းပြင်းဝင်ဆောင့်တယ်။ လက်ထဲမှာ ကိုင်ထားတဲ့ပေါက်တူးကို ပစ်ချလိုက်ပြီး လာပြောတဲ့သူနောက်ကို ဒေါ်ဖွားသွဲ့ ပြေးလိုက်လာခဲ့တယ်။ ကိုထွန်းတင်တွက် စိုးရိမ် စိတ်တွေကလည်း ဒေါ်ဖွားသွဲ့ရင်ကိုခပ်ပြင်းပြင်းမွှေနှောက်နေတယ်။ ဆေးရုံကိုလည်းရောက်ရော ကိုထွန်းတင်ရဲ့အသက်မဲ့တဲ့ ခန္ဓာကိုယ်ကြီးက ဆီးကြိုနေခဲ့တယ်။ ကိုထွန်းတင် မူးလဲရာကနေပြီး သတိပြန်မလည်လာတော့ဘူးတဲ့။ ဦးနှောက်သွေးကြော ပြတ်သွားတာတဲ့။

ရွှေတောင်ကြီးပြိုပြီဆိုတဲ့အသိက ဒေါ်ဖွားသွဲ့ ရင်ကိုတိုက်စားလာတယ်။ ပိုးပိုးပေါက်ပေါက်ကျလာတဲ့ မျက်ရည်တွေ ကြားက ကိုထွန်းတင်ရဲ့ပုံရိပ်တွေကိုမြင်နေရတယ်။ ဆန်အိုးထဲမှာ ဆန်မရှိလို့ နေမကောင်းတဲ့အကြားက အလုပ်ထွက်လုပ် ခဲ့ရတာ။ အဲဒီလိုမှန်းသိရင် တော့်ကို အလုပ်မသွားအောင် အတင်းတားပါတယ် ကိုထွန်းတင်ရယ်။ ကျုပ် ထမင်း မစားပဲနေ နိုင်ပါတယ်။ တော်မရှိရင် ကျုပ် ဘယ်လိုနေရမှာလဲ ကိုထွန်းတင်ရယ်..။

ရင်ဘတ်ထဲက ဆို့နင့်နာကျင်လာတဲ့ဝေဒနာနဲ့အတူ ဒေါ်ဖွားသွဲ့ မူးမိုက်လဲကျသွားခဲ့တယ်။ ဒေါ်ဖွားသွဲ့ရဲ့ အာရုံထဲ မှာတော့ ကိုထွန်းတင်ရယ် .. မြေကွက်လေးမှာစိမ်းစိုလှပနေတဲ့ဟင်းရွက်စုံစိုက်ခင်းရယ် .. ပြီးတော့ နက်ရှိုင်းလွန်းလှတဲ့ အမှောင်ထုကြီးရယ် ..။

(၃)

ကိုထွန်းတင်မရှိတော့တဲ့ ဘ၀တစ်ဆစ်ချိုးမှာ ဒေါ်ဖွားသွဲ့ရဲ့စိတ်ကူးအိပ်မက်တွေလည်း တစစီကြေပျက်သွားခဲ့ရတယ်။ ကိုထွန်းတင် မရှိတော့တာက ဒေါ်ဖွားသွဲ့ရဲ့ရင်တစ်ခုလုံးလစ်ဟာသွားသလိုပဲ။ နေ၀င်ချိန်နဲ့နီးကပ်လာတဲ့ဘ၀က ပိုပြီး ခြောက် သွေ့လာတယ်လို့ထင်မိတယ်။ ဒေါ်ဖွားသွဲ့ရဲ့ဘ၀ကွက်လပ်မှာ ကိုထွန်းတင်က ဘယ်တော့မှဖြည့်လို့မရတော့တဲ့ ကွက်လပ် တစ်ခုဖြစ်သွားခဲ့ရပြီ။ ဘ၀ခရီးကြမ်းကိုရင်ဆိုင်ဖြတ်သန်းဖို့ ဒေါ်ဖွားသွဲ့မှာ အင်အားတွေချိနဲ့လွန်းနေခဲ့တယ်။

“ အမေ .. သားတို့ဒီခြံနဲ့အိမ်ကိုရောင်းလိုက်တော့မယ်နော် ”

ကိုထွန်းတင် ဆုံးတာ တစ်လမပြည့်သေးဘူး။ သားသုံးယောက်က ဒေါ်ဖွားသွဲ့ကို စကားလက်နက်တွေနဲ့ပစ်လာကြ တယ်။ သားသုံးယောက်ရဲ့စကားလုံးတွေအောက်မှာ ဒေါ်ဖွားသွဲ့ ခေါင်းခါဖို့သတ္တိတွေမဲ့နေခဲ့တယ်။ အရင်လို ဒေါ်ဖွားသွဲ့ ရှေ့ မှာ မားမားမတ်မတ်ရပ်တည်ပေးမယ့် ကိုထွန်းတင်ကိုပဲသတိရမိတယ်။ သားတွေကလည်း ဒီခြံလေးကိုပဲ မျက်စောင်းထိုးနေ ကြတာ။

“ ဒီအိမ်နဲ့ခြံဝင်းလေးကိုတော့မရောင်းပါနဲ့လား သားတို့ရယ်၊ ဟိုဘက်အခြမ်းကိုရောင်းချင်ရောင်းလိုက်ပါ ”

လက်ကျန်ခွန်အားလေးနဲ့ ဒေါ်ဖွားသဲ့ ငြင်းဆိုမိတယ်။ သားတွေရဲ့မျက်နှာပေါ်မှာ စိတ်ညစ်တဲ့အမူအယာတွေကို တွေ့လိုက်ရတယ်။ ဒီအိမ်လေးကိုတော့ ဒေါ်ဖွားသွဲ့ မရောင်းချင်ဘူး။ ကိုထွန်းတင် ခေါင်းချသွားတဲ့နေရာမှာပဲ ဒေါ်ဖွားသွဲ့ တစ်သက်လုံးနေချင်မိတယ်။ ဟိုဘက်ကခြံလေးကိုတော့ သားတွေတောင်းဆိုနေလို့ မျက်လုံးမှိတ်ပြီးရောင်းရတော့မှာပါပဲ။ ကိုထွန်းတင်သာရှိရင် သဘောတူမှာမဟုတ်ဘူး။

“ အမေကလည်းဗျာ၊ ဘာမှမဟုတ်တာလေးကိုသံယောဇဉ်တွယ်နေသေးတယ်၊ ဒီအိမ်နဲ့ခြံကိုရောင်းလိုက်တော့ ဘာဖြစ်မှာမို့လို့လဲ၊ ရောင်းလိုက်ပါအမေရာ၊ အမေက သားတို့အိမ်မှာလိုက်နေလည်းရတာပဲ ”

“ ကိုကြီးပြောတာဟုတ်တယ် အမေ၊ အမေတစ်ယောက်တည်းဒီအိမ်ကြီးမှာနေလို့ရောဘာထူးမှာလဲ၊ အဖေလည်း ရှိတော့တာမှမဟုတ်တာ၊ ကျွန်တော်တို့အိမ်မှာလိုက်နေပြီး အဆင်သင့်ထိုင်စားရုံပဲ ”

သားတွေရဲ့စကားလုံးအောက်မှာ ဒေါ်ဖွားသွဲ့ ပြောစရာစကားရှာမရအောင်ဆွံ့အသွားမိတော့တယ်။ သားတွေရဲ့ အချက်ကျတဲ့စကားတွေကို ဘယ်လိုအကြောင်းပြချက်မျိုးနဲ့ ဒေါ်ဖွားသွဲ့ ငြင်းဆန်နိုင်ဦးမှာလဲ။ နောက်ဆုံး ဒေါ်ဖွားသွဲ့ ခေါင်း ညိတ်လိုက်ရတာပါပဲ။ ဒေါ်ဖွားသွဲ့ ခေါင်းအညိတ်မှာ မျက်ရည်စက်တစ်ချို့လွင့်ကျသွားတာကို သားတွေမမြင်ကြတာလား။ ဒါမှမဟုတ် မမြင်ချင်ယောင်ဆောင်နေကြတာလားမသိဘူး။ ဒါပေမဲ့ ဝမ်းသာအားရဖြစ်သွားကြတဲ့ သားတွေကတော့ ဒေါ်ဖွားသွဲ့ရဲ့မျက်ရည်တွေကို ဥပေက္ခာပြုသွားကြတာတော့ သေချာတယ်။

နောက်နေ့ကျတော့ အိမ်နဲ့ခြံကို ၀ယ်မယ့်သူတွေလာကြည့်တယ်။ အဲဒီတော့မှ သားတွေရဲ့ပါးနပ်မှုကို ဒေါ်ဖွားသွဲ့ အံ့သြယူရတယ်။ ဘယ်အချိန်ကတည်းက ဘယ်လိုများပြောထားကြလဲမသိဘူး။ ချက်ချင်းကို အရောင်းအ၀ယ်ဖြစ်သွားကြ တယ်။ ပြီးတော့ ရင်နာစရာကောင်းတဲ့စကားကိုလည်း ဒေါ်ဖွားသွဲ့ကြားရသေးတယ်။ သူတို့က ခြံကိုကြိုက်လို့ဝယ်တာတဲ့။ အိမ်ကိုလည်း ပြန်ဖျက်မှာတဲ့။ ၀မ်းနည်းစိတ်တွေက ဒေါ်ဖွားသွဲ့ ရင်ကို တမြည့်မြည့်နဲ့တိုက်စားသွားတယ်။ နှစ်ပေါင်းများစွာနေ လာခဲ့ရတဲ့ အိမ်နဲ့ ခြံကို ဒေါ်ဖွားသွဲ့ ခွဲရတော့မယ်။ ဒေါ်ဖွားသွဲ့ ရင်ထဲမှာနင့်နေမိတယ်။

သားတွေကပြောကြတယ်။ သူတို့ဆီမှာ အလှည့်ကျနေပါတဲ့။ တစ်အိမ်မှာ တစ်လနေရမယ်တဲ့။ အခုတော့ သားငယ် အထွန်းရဲ့အိမ်မှာ ဒေါ်ဖွားသွဲ့ ပထမဆုံး လိုက်နေရတယ်။ အထွန်းရဲ့နောက်ကလိုက်လာခဲ့ရပေမယ့် ဘာမှမဆိုင်တော့တဲ့ အိမ် ကို လှည့်ကြည့်ပြီး နှမြောစိတ်နဲ့ မျက်ရည်ကျမိတယ်။ အထွန်းရဲ့အိမ်ကိုရောက်တော့ ဒေါ်ဖွားသွဲ့ နေမထိ မထိုင်သာဖြစ်မိပြန် တယ်။ ကိုယ့်သားအိမ်ဆိုပေမယ့် ကိုယ်အိမ်ကိုယ့်ယာလိုမျိုး ဒေါ်ဖွားသွဲ့နေသားမကျခဲ့ဘူး။ ကျန်ရစ်ခဲ့ရှာပြီဖြစ်တဲ့ အိမ်လေးကို ပဲ အချိန်ရှိသရွေ့တမ်းတနေမိတယ်။

အိမ်နဲ့ခြံကိုရောင်းလိုက်တဲ့ငွေကို သားတွေညီညီမျှမျှခွဲယူနေချိန်မှာ ဒေါ်ဖွားသွဲ့က ချောင်တစ်ခုမှာ ကြိတ်ပြီးမျက်ရည် ကျနေမိခဲ့တယ်။ ငွေဘယ်လောက်နဲ့ရောင်းလိုက်တာလဲဆိုတာ ဒေါ်ဖွားသွဲ့ မသိဘူး။ သားတွေကလည်း အရေးတယူပြောပြ လာတာမရှိခဲ့တော့ ဒေါ်ဖွားသွဲ့လည်း မေးမနေတော့ဘူး။

“ အမေ .. ကောင်းကောင်းနေခဲ့နော်၊ အိမ့်ကိုယ်လိုပဲသဘောထားပြီး လွတ်လွတ်လပ်လပ်နေပေါ့အမေရာ ”

အပြင်ထွက်ဖို့ပြင်နေကြတဲ့သားတွေက လှမ်းပြောတယ်။ ဒေါ်ဖွားသွဲ့ ခေါင်းပဲညိတ်ပြလိုက်မိတယ်။ အဆင်မပြေ ပါဘူးသားရယ် လို့ပြောလိုက်လို့ရော ဒေါ်ဖွားသွဲ့ ဖြစ်ချင်တာတွေ ဖြစ်ခွင့်ရှိလာမှာမှမဟုတ်တော့တာ။

“ ကိုထွန်း .. တော်ကလည်း တော့်အမေကိုမှာနေတာနဲ့ လိုရင်းကိစ္စကိုလည်းမေ့သွားဦးမယ်၊ ကျုပ် မှာတာလည်း မမေ့နဲ့နော် ”

“ အေးပါ မိအေးရယ်၊ စိတ်ချ ဖြစ်အောင်ဝယ်လာခဲ့မယ် ”

ဝေစုတည့်သွားပြီဖြစ်တဲ့သားတွေက အပြင်ထွက်သွားကြတယ်။ အထွန်းမိန်းမ မိအေးကလည်း အထွန်းကို တတွတ် တွတ်မှာနေတယ်။  ဒေါ်ဖွားသွဲ့ကတော့ ရီဝေစွာနဲ့ပဲကြည့်နေမိတယ်။ သားတွေယူသွားကြတဲ့ငွေတွေကိုကြည့်ပြီး ကိုထွန်းတင် ရဲ့ မျက်နှာကိုမြင်မိတယ်။ ပြီးတော့ အကောင်အထည်ဖော်ခွင့်မရလိုက်တဲ့ စိုက်ခင်းလေးကိုမြင်မိတယ်။ အရာအားလုံးက ဒေါ်ဖွားသွဲ့နဲ့အဝေးဆုံးကိုရောက်သွားခဲ့ရပြီ။ ဒေါ်ဖွားသွဲ့ ပိုင်တာဆိုလို့ အိုမင်းနေတဲ့ခန္ဓာကိုယ်နဲ့ ရှင်သန်နေတဲ့ အသက်လေး တစ်ခုပဲရှိတော့တယ်။

“ အမေလည်း ရောက်ကတည်းကထိုင်နေလိုက်တာ၊ လမ်းလေးဘာလေးထလျှောက်ပါဦးအမေရယ်၊ အညောင်းမိနေ ပါဦးမယ် ”

မိအေးက ရောက်ကတည်းက နေရာမရွေ့ပဲကျုံ့ကျုံ့လေးထိုင်နေတဲ့ ဒေါ်ဖွားသွဲ့ကိုကြည့်ပြီးပြောတယ်။ ရွဲ့ပြီးပြော တာလား။ အကောင်းပဲပြောလားမသိပေမယ့် ဒေါ်ဖွားသွဲ့ ခေါင်းညိတ်ပြီးပြန်ဖြေလိုက်မိတယ်။

“ ရပါတယ်သမီးရယ်၊ အမေလည်း ဘာလုပ်ရမှန်းမသိတော့ ထိုင်ချည်းထိုင်နေမိတာ ”

“ ဒီနေ့မှစရောက်တော့နားလိုက်ပါဦး အမေရယ် ၊ နောက်နေ့ဆို အိမ်အလုပ်တွေဝိုင်းကူလုပ်ပေးပေါ့”

“ အင်းပါ သမီးရယ်၊ အမေ အခု လုပ်လိုက်ပါ့မယ်၊ အမေလည်းအားနေတာပဲလေ ”

နားလိုက်ပါဦးလို့ပြောပေမယ့် ဒေါ်ဖွားသွဲ့ မနားတော့ဘူး။ အိမ်နောက်ဖေးကိုပဲ လှမ်းလျှောက်လာခဲ့တယ်။ ဘာလုပ်ရ မလဲလို့မျက်လုံးဝေ့ကြည့်လိုက်တော့ ဆေးစရာပန်းကန်နဲ့ အိုးတွေကိုမြင်လိုက်တယ်။ ဒီတော့ လတ်တလောမှာ ဒေါ်ဖွားသွဲ့ အလုပ်တစ်ခုရသွားခဲ့တယ်။ ပန်းကန်တွေဆေးတယ်။ အိုးတွေကိုလည်း ပြောင်လက်သွားအောင် တိုက်ချွတ်နေလိုက်တယ်။        အလုပ်ပြီးသွားတော့ အနားမှာရှိတဲ့တိုင်လေးကိုမှီပြီး ဒေါ်ဖွားသွဲ့ထိုင်နေမိတယ်။ မျက်လုံးလေးကိုမှိတ်ထားလိုက်တော့ အတွေး တွေက ကစဥ့်ကလျားပြန့်ကျဲသွားကြတယ်။ အတွေးတွေထဲမှာ အက်ကြောင်းထပ်နေတဲ့ပုံရိပ်တွေက ကိုထွန်းတင်နဲ့ စိုက်ခင်း လေးပါပဲ။ ဘယ်တော့မှ ပိုင်ဆိုင်ခွင့် မရနိုင်တော့မှန်းသိပေမယ့်လည်း ဒေါ်ဖွားသွဲ့ အတွေးထဲမှာ အချိန်တိုင်းစိုးမိုးနေခဲ့တယ်။

“ ဟယ် .. ကိုထွန်း ပြန်လာပြီ၊ ကျုပ် မှာတာပါလာရဲ့လား ကိုထွန်း ”

“ ပါလာတာပေါ့ မိအေးရာ၊ ရော့ .. ကြည့်စမ်းပါဦး လှရဲ့လားလို့ ”

မိအေးနဲ့ အထွန်းရဲ့အသံကြားမှ ဒေါ်ဖွားသွဲ့ မျက်လုံးတွေ ပြန်ပွင့်လာခဲ့တယ်။ အိမ်ရှေ့မှာ အထွန်းက မိအေးကို ဆွဲကြိုးလေးတစ်ကုံးပေးတာမြင်လိုက်ရတယ်။ မနာလိုဖြစ်တာ မဟုတ်ပေမယ့် ရင်ထဲမှာဝမ်းနည်းသွားမိတယ်။ ကိုထွန်းတင် ရှိတုန်းက ပြောဖူးတယ်။ “ ဖွားသွဲ့ရယ် မင်းကိုရွှေလေးတောင်မဆင်ပေးနိုင်ခဲ့ဘူး”  တဲ့။ အဲဒီစကားကိုပြန်သတိရမိတော့ ဒေါ်ဖွားသွဲ့ အနာဟောင်းက တဆစ်ဆစ်နာကျင်လာတယ်။ မျက်ဝန်းမှာလည်း မျက်ရည်တွေပိုးပိုးပေါက်ပေါက်ကျလာခဲ့တယ်။

မျက်ရည်ကိုသုတ်ပြီး ခေါင်းပြန်မော့လိုက်တော့ အထွန်းနဲ့ အကြည့်ချင်းဆုံသွားခဲ့တယ်။ အထွန်း မျက်နှာညိုသွားတော့ ဒေါ်ဖွားသွဲ့ ရင်ထဲထိတ်ကနဲဖြစ်သွားရတယ်။ အထွန်း အထင်များလွဲသွားတာလား။ မိအေးကို ဆွဲကြိုးဝယ်ပေးလို့ ဒေါ်ဖွားသွဲ့ မျက်ရည်ကျတယ်လို့များ အထွန်း ထင်သွားပြီလား။ အတွေးတွေနဲ့ ဒေါ်ဖွားသွဲ့ အသက်ရှူရကြပ်လာခဲ့တယ်။

အဲဒီအချိန်မှာ အထွန်းက ဒေါ်ဖွားသွဲ့ အနားကို လျှောက်လာတယ်။ ဒေါ်ဖွားသွဲ့ ရင်တွေလည်း တထိတ်ထိတ်အခုန် မြန်လို့။ အထွန်း ဘာပြောမှာလဲ။ ဒေါ်ဖွားသွဲ့ကိုများ တစ်ခုခုပြောမှာလား။ အထွန်းကို ရင်ဆိုင်ရမှာ ဒေါ်ဖွားသွဲ့ မျက်နှာအပူကြီး ပူနေမိခဲ့တယ်။ အဲဒီအချိန်မှာ အထွန်းဆီက ထွက်လာတဲ့ စကားတစ်ခွန်းက ..

“ အမေ မြေပဲစားမလား ”

တဲ့။ ဒေါ်ဖွားသွဲ့ ယောင်ရမ်းပြီးခေါင်းညိတ်မိသွားလားမသိခဲ့ဘူး။ လက်ထဲကိုမြေပဲထုပ်လေးရောက်လာတဲ့အထိ ငူငူ ငိုင်ငိုင်ဖြစ်နေမိတုန်း။ မျက်ဝန်းကမျက်ရည်တွေစီးကျလာမှ ဒေါ်ဖွားသွဲ့ ရင်ထဲမှာဝမ်းနည်းစိတ်တွေပြည့်သိပ်နေမှန်း သတိထား မိတယ်။ မျက်ရည်တွေကြားကမှ ဒေါသထွက်နေတဲ့ ကိုထွန်းတင်ရဲ့ပုံရိပ်ကို ဝေဝါးစွာနဲ့မြင်လိုက်ရတော့ ဒေါ်ဖွားသွဲ့ ထိတ်ကနဲ ဖြစ်သွားမိတယ်။ ကိုထွန်းတင်ပေါ့ ..။ မြေပဲထုပ်ပေးတဲ့ အထွန်းကို ဒေါသတကြီးနဲ့ကြည့်နေတယ်လေ။ ဒါကြောင့် ကိုထွန်းတင် စိတ်ဆိုးပြေအောင် ဒေါ်ဖွားသွဲ့ အမြန် ပြောလိုက်ရတယ်။

“ ကျုပ် မြေပဲဆိုအရမ်းကြိုက်တာ ကိုထွန်းတင်ရဲ့၊ ကျုပ် ရွှေမလိုချင်ပါဘူးတော်၊ ကျုပ် မြေပဲ ပဲကြိုက်တာ၊ ကျုပ် မြေပဲဆို အရမ်းကြိုက်တာ ”

တစ်နေရာကိုငေးကြည့်ပြီး အလန့်တကြားရေရွတ်နေရှာတဲ့ ဒေါ်ဖွားသွဲ့ကို အထွန်းနဲ့ မိအေးက မျက်လုံးအပြူးသားနဲ့ လှမ်းကြည့်နေပါတော့တယ်။

နတ်ရဲ (ရူပဗေဒ)