ရင်ထဲကအလင်း

ဒီဇင်ဘာလ၏ မြူမဆိုင်း နှင်းမဝေသော နံနက်ခင်းမှာ ထည်ဝါခန့် ညားသောလေဆိပ်အဆောက်အဦး၏ မှန်တံခါးတစ်ချပ်ရှေ့ မှာ ဖြူတို့ နှစ်ဦးရပ်နေကြသည်။  ထိုတံခါးဟိုဘက် ခြေတစ်ဖ၀ါးနင်းမိသည်နှင့် ဖြူတို့  ဝေးကွာသွားပေလိမ့်မည်။ ဘယ်တော့လောက်ပြန်ဆုံစည်းမလဲ မခန့် မှန်းနိုင်လောက်အောင် ကမ္ဘာမြေ၏ တစ်နေရာစီမှာ ရှင်သန်ကြရလိမ့်မည်။

ဖြူသည် ညီမလေး၏ အဖြူရောင်ဖိနပ်ပါးလေးကို စိတ်မှတ်မဲ့စွာ ငေးကြည့်နေသည်။ ညီမလေး၏မျက်ဝန်းများကို တည့်တည့်မတ်မတ်စိုက်ကြည့်ဖို မရဲတာလည်းဖြစ်နိုင် သည်။ အရည်ကြည်လဲ့နေသော ဖြူ့မျက်ဝန်းများကို မမြင်စေလိုတာလည်းပါသည်။

ညီမလေး၏ရှိုက်သံသဲ့သဲ့သည် ထပ်တူခံစားနေရမှန်း သိသာစေသည်။နှစ်ဦးကြားစက္ကန့် အတော်ကြာတိတ်ဆိတ်နေမှုကို ညီမလေးကပဲစတင်ဖြိုခွဲရန် ချောင်းတစ်ချက်ဟန့် လိုက်ပေမဲ့ စကားသံကထွက်ကျမလာ။ တဖန်ငြိမ်သက်သွားပြန်သည်။

ဖြူ့လက်ဖ၀ါးကို တင်းကျပ်စွာ ဆုပ်ကိုင်ထားသော ညီမလေး၏လက်ဖ၀ါးများသည် ချွေးစေးများဖြင့် စေးကပ်နေသည်။ ဖြူ၏ငွေ့ငွေ့လေးအသက်ရှုသံ ညီမလေး၏ သဲ့သဲ့လေးရှိုက်သံမှလွဲ၍ ဆိတ်ငြိမ်လွန်းလှသည်။ အဆုံးမှာတော့ဆက်လက်မြိုသိပ်ခြင်းငှာမတတ်နိုင်သဖြင့် ညီမလေး၏ “ မမ...”ဟူသည့် တိုးလျအားဖျော့သောအသံ။

ဖြူဖြေးညင်းစွာမော့ကြည့်သည်။ ညီမလေး၏မျက်နှာကိုမြင်လိုက်သည့်ခဏ…… စိတ်မထိန်းနိုင်တော့စွာ ညီမလေး၏ခေါင်းကို ဖြူ ရင်ခွင်ထဲဆွဲသွင်းပြီး နဖူးလေးကိုဖွဖွနမ်းမိသွားသည်။ ပါးပြင်ပေါ်ကမျက်ရည်ဥများ အရှိန်မထိန်းနိုင်စွာ ညီမလေးနဖူးပေါ်ရွှဲနစ်သွားတော့…… ညီမလေးလဲငိုသည်။ ဖြူလဲငိုသည်။

“ မမ ဟိုရောက်ရင်ခဏခဏဆက်သွယ်ဖို့ ဆိုတာ… ”

ညီမလေးစကားမဆုံးခင်မှာပဲ ဖြူ့ ရင်ခွင်မှ ညီမလေးကိုခွာပြီး ပန်းနုရောင်နှုတ်ခမ်းပါးများကို လက်ချောင်းများ ဖြင့်ကာထားလိုက်သည်။ ရှင်းပြဖို့ မလိုပါဘူးညီမလေးရယ်။ လှပတဲ့အနာဂတ်ခရီးလမ်းကို လျှောက်လှမ်းတော့မည့်ညီမလေးဖြူ့အတွက်စိတ်မအေးဖြစ်မနေပါနဲ့ တော့။ ညီမလေးနဲ့ အတူပိုင်ဆိုင်ခဲ့ဘူးတဲ့အဖိုးတန် အတိတ်ကာလ တစ်ခုနဲ့ တင် အရာရာအတွက် လုံလောက်နေပါပြီ။

“ ၀င်တော့လေ ညီမလေး”

ဖြူ့အသံသည်အနဲငယ်တော့ တုန်ခါသွားသည်ထင်သည်။

“ ဒါဆို အစစ အရာရာ ဂရုစိုက်နော် မမ ”

ဖြူခပ်သွက်သွက်ခေါင်းညိတ်ပြလိုက်သည်။ သွားတော့ ညီမလေးရယ်။ တကယ်လို့ ကံအကြောင်းလှရင်

တချိန်ချိန်တော့…… ဆုံကြအုံးမှာပေါ့။ အဲလိုမျှော်လင့်လို့ ရနိုင်တယ်မဟုတ်လား။

တစစ ရွေ့ လျားနီးကပ်လာသော ခွဲခွာမှု၌ တံခါးဟိုဘက်မှညီမလေး၏လေးတွဲ့ သောခြေလှမ်းများ၊ စိတ်မချနိုင်စွာ လည်ပြန်ငေးကြည့်သော အကြည့်များ။ ညီမလေးပုံရိပ် ဖြူ့မြင်ကွင်းမှလုံးဝကွယ်ပျောက်သွားမှ ဖြူ့ခြေလှမ်းများက ဆန့် ကျင်ဘက်ဦးတည်ရာသို့ ။  ခုလိုအနေအထားထိ  အားတင်းတောင့်ထားခဲ့ပြီး စိတ်ကိုလျှော့ချလိုက်တော့  ခြေလှမ်းတို့ ကယိုင်နဲ့ သွားသည်။ လေဆိပ်ထဲက လူရှင်းချောင်ကျတဲ့ထိုင်ခုံမှာ ခဏတော့ထိုင်မှဖြစ်မည်။ ထိုင်ခုံလေးမှာ အမောဖြေရင်းမှ………

နှလုံးသားမှာစွဲထင်နေသည့် ညီမလေး၏ကိုယ်သင်းနံ့ လေးကို မှန်းဆလွမ်းဆွတ်ရင်းပဲဖြစ်ဖြစ်၊မှတ်ဥာဏ် မှာစိုက်ဝင်နေတဲ့ ညီမလေး၏စကားသံများကို ပြန်လည်ကြားယောင်ရင်းပဲဖြစ်ဖြစ် ဒီကမ္ဘာမြေပြင်မှာ ပျော်ရွှင်စွာ၊ စိတ်ချလုံခြုံစွာ၊ ကျေနပ်အလိုကျစွာ နေထိုင်ရှင်သန်သွားမှာပါညီမလေး။ ညီမလေးကို တိုင်တည်ပြီး ကတိတွေအထပ်ထပ်ပေးနေမိသည်။

xxxxx

ဖြူရဲ့သွေ့ ခြောက်အထီးကျန်သောကမ္ဘာငယ်လေးထဲ ညီမလေးဝင်လာပုံက ညင်သာအသံလုံလွန်းလှသည်။

ဖြူ့ဘ၀ထဲ ညီမလေးကိုလက်ဆောင်ပေးခဲ့သည့် ဘုရားသခင်ကို ဖြူအရမ်းကျေးဇူးတင်သည်။

တအူထုံ့ ဆင်းညီအမတွေမဟုတ်ပါဘဲနဲ့ အကြင်နာတရားဘယ်လိုဆိုတာ၊အသိမိတ်ဆွေတွေမဟုတ်ပါဘဲနဲ့ ကိုယ်ချင်းစာတရားဘယ်လိုဆိုတာ ညီမလေးကသင်ပြပေးခဲ့သည်။ သူစိမ်းတရံစာ၏ခံစားချက်ကို မိမိရင်ဘတ်ကြီးထဲ ထဲ့ထားတတ်ပြီဆိုရင် မေတ္တာတရားက အလိုလိုပေါက်ဖွားလာတော့တာ……။

လွန်ခဲ့သောနှစ်နှစ် ခုလို မြူမဆိုင်း နှင်းမဝေသော ဒီဇင်ဘာလမှာ ကံကြမ္မာက ဖြူဖြူစင် ဆိုသောဖြူကို လ၀န်းမေ ဆိုသော ညီမလေးနဲ့  လွဲချော်ခဲ့စေမယ်ဆိုရင်….။

ဖြူဆိုတာ ဒီလောကကနေ အငွေ့ ပြယ်ပျောက်ကွယ်သွားတာကြာလှပြီပေါ့။

အတိတ်ဒဏ်ရာတွေကို တသသသတိရ နာကျင်ပြီး ပစ္စုပ္ပန်စစ်ပွဲတွေမှာ အလဲလဲအကွဲကွဲ  ရှုံးနိမ့်နေတဲ့ဖြူက တပြိုင်နက်ထဲမှာ ကိုယ့်အသက်ကိုရန်ရှာလောက်အောင်ထိ မကြံစည်ကောင်းမကြံစည်အပ်တာကို ကြံစည်နေခဲ့သည်လေ။ ငါတစ်ယောက်ဖြစ်ခြင်း၊ ပျောက်ကွယ်ခြင်းအတွက်ထူးပြီး ကြေကွဲမဲ့သူမရှိသလို သာယာလှပနေတဲ့ လောကကလဲသာယာမြဲ၊လှပမြဲ နေမှာပါဆိုတဲ့ အတွေးရိုင်းရိုင်းတွေ စိုးမိုးလာချိန်။

အမှားတစ်ခုက်ို “ ငါမှားတယ် ” တယ်လို့ ဝန်ခံပြီးရဲရဲရင့်ရင့် တာဝန်ယူရင်ဆိုင်မဲ့အစား ပုန်းကွယ်ရှောင်ပြေး

တဲ့အခါ အမှားပေါ်အမှားဆင့် အမှားအရိပ်က ကိုယ့်ကိုပြန်ခြောက်လာသည့် တစ်ညနေခင်းမှာတော့ အိပ်ဆေးပြားတွေကို လိုအပ်တာထက်အနဲငယ်ပိုပြီး.. တသက်သာအိပ်စက်လိုက်ဖို့ ရွေးချယ်လိုက်မိသည်။

ဖြူလှမ်းမြင်နေရတဲ့ ဟိုဘက်ကမ်းက ကမ္ဘာသစ်လေးမှာ အရောင်စုံတဲ့ပန်းခင်းကြီးပါလား။လိပ်ပြာငယ်လေး

တွေ ပျံဝဲနေကြတာ လှလိုက်တာ။တေးဆိုငှက်တွေရဲ့ အသံကိုတောင်ကြားလာရသလိုလို။အို.ဟိုကမ်းစပ်

မှာ လှေလေးတစ်စင်းပါလား။ထိုလှေလေးကို ဖြူလှော်ပြီး ဖြူ့ကိုအမြင်ကတ်တဲ့ဖြူ့ကိုမုန်းတဲ့သူတွေနဲ့  ဝေးရာ ပန်းကမ္ဘာလေးဆီ ကူးခတ်နိုင်သည်ပေါ့။ဖြူအချိန်ဆိုင်းနေလို့ မဖြစ်။

ကျွတ်…

လှေဝမ်းထဲလှမ်းနေသည့် ဖြူ့ဂါဝန်ကို တစ်ယောက်ယောက်က ဆောင့်ဆွဲလိုက်သောကြောင့် ဖြူစုတ်သပ် လိုက်သည်။ ဒေါသမျက်ဝန်းများဖြင့် မာန်ဖီမယ်ကြံလိုက်တော့ ဖြူ့ဘေးမှာ“ မမ ” လို့  တစာစာအော်ပြီးငိုနေတဲ့ အသက်နှစ်ဆယ်ဝန်းကျင်ကလေးမလေး။

xxxxx

“ ညီမလေးဖြင့်စိုးရိမ်လိုက်ရတာ…နေ့ ခင်းက မမရုံးပြန်လာကတည်းက မျက်နှာမကောင်းတာညီမလေး သတိထားမိတယ်။တော်တော်ကြာအောင်အခန်းထဲက ထွက်မလာ၊ ဘာသံမှလည်းမကြား မသကာင်္လို့  တံခါးခေါက်ပေမဲ့လည်း တုံ့ ပြန်သံက နတ္ထိ၊နောက်ဆုံးအိမ်ရှင်ဆီက သော့ပိုယူပြီး အခန်းထဲဝင်လိုက်တော့… မမရယ် ဘာတွေများအဲလောက် သောကဖိစီးနေရတာလဲ၊ တကယ်လို့ တယောက်ယောက်ကို မမ၀န်ထုပ်တွေ မျှဝေဖွင့်ပြခဲ့မယ်ဆိုရင်….”

ဖြူဆက်မကြားလိုသဖြင့်တဖက်စောင်းလိုက်တော့ ထိုကလေးမလေးသည် “ မမနားလိုက်အုံး ရက်နဲနဲ ကြာရင်တော့ အိမ်ကိုပြန်နိုင်မှာပါ၊ ကိုယ့်ကိုယ်ကို ဒုတိယအကြိမ်   မွေးဖွားခွင့် ပေးလိုက်ပါ မမ ရယ်..”

လို့  ပြောပြီး အလိုက်သိစွာပင် ဆေးရုံအခန်းလေးထဲမှ ထွက်သွားလေသည်။

ဘာတဲ့။ ဒုတိယအကြိမ်မွေးဖွားခွင့်ပေးရမယ်တဲ့လား။ ရယ်စရာကောင်းလိုက်တာ။ဘ၀မှာပထမဆုံးဆိုတဲ့ အရာတွေပိုင်ဆိုင်ခဲ့တာတောင်။

ဖြူသည် ဖေဖေ၏သမီးဦးအနေနဲ့ မွေးဖွားလာခဲ့တာတောင် ၀မ်းပန်းတသာကြိုဆိုခံခဲ့ရသည်တော့မဟုတ်။ တစ်ဦးတည်းသောသား ဖေဖေနှင့် တစ်ဦးတည်းသောသမီး မေမေတို့ ၏ အရွယ်မတိုင်ခင် မှားယွင်းမှုရလဒ်ဖြူသည် အူဝဲအချိန်ကတည်းက ဖေဖေ၏ကျောခိုင်းခြင်းကိုခံခဲ့ရသည်။ဘိုးဘိုးဘွားဘွားတို့ ၏မြေးဦးမို့ လဲ သဲသဲလှုပ်ယုယမခံရဘဲ ဖြူ့ထိုက်နဲ့ ဖြူ့ ကံတဲ့။ မေမေ့အတွက်ဖြူသည် ဂြိုဟ်မလေးပေါ့။ တည်ငြိမ်နေသော မေမေ့ဘ၀ကန်ရေပြင်ကို ဂယက်ပွက်စေခဲ့သည့် ခဲလုံးလေးပေါ့။ မေမေကထိုခဲလုံးလေးက ပူတူးတူးလေး

အသဲတုံးလေးဆိုပြီး ပိုးမွေးသလိုမွေးခဲ့တာတော့မဟုတ်။ ခဲလုံးလေးကိုအဝေးဆီကန်ထုတ်မပစ်တာပဲ တော်လှပြီ။ ဒါပေမဲ့ကလေးလေးရဲ့ နှလုံးသားနုနုလေးမှာတော့ နုတ်မရတဲ့စူးများစွာက နစ်ဝင်ခဲ့သည်ပေါ့။ ခပ်ငယ်ငယ်အရွယ်မှာ ထမင်းတစ်လုပ်အတွက် အိမ်သန့် ရှင်းလုပ်ရသည်။ ပန်းကန်ဆေးရသည်။ အ၀တ်လျှော် ရသည်။နို့ မို့ မေမေကထမင်းမကျွေး။ အရွယ်နဲနဲရလာတော့ ထမင်းဖိုးအတွက် အလုပ်လုပ် ရသည်။ ဒါကြောင့်လည်း အကျိုးမမျှော်တဲ့ အဖြူရောင်ပေးဆပ်ခြင်းဆိုတာကို နားမလည်ခဲ့တာထင်သည်။

ဘယ်လိုပဲဖြစ်ဖြစ် ဖြူ့ကိုဘွဲ့ တစ်ခုရသည်ထိသင်စေခဲ့တဲ့မေမေ့အပေါ် ဖြူအဝေးသင်တက်ရင်း စာပြ ပေးသည့် ကလေး၏ မိသားစုအကူအညီနဲ့ ဒီကျွန်းနိုင်ငံလေးမှာ   ခြေချမိသည့်အခါ  နိုင်သလောက် ပြန်သိတတ်သည်။

ဖြူ မေ့ထားဖဲ့ထုတ်ထားချင်တဲ့ အရာတွေအတွက်၊ ပိုမြင့်မားတဲ့လှေခါးထစ်တွေအတွက် ပြေးဝင်ခိုလှုံလာတဲ့ သူစိမ်းရင်ခွင်ကလည်း နွေးထွေးနေခဲ့သည်တော့မဟုတ်။ သူ့ စကားကိုယ်မသိ ကိုယ့်စကားသူမသိ မျက်နှာစိမ်းတွေအလယ်မှာ ဘာသာစကားဆိုတဲ့တံတိုင်းကြီးကာပြီး အနိုင်ကျင့်မှုတွေကိုသိသိကြီးနှင့် ငြိမ်ခံရဖန်များလာတဲ့အခါ၊ ငါတို့ ကဧည့်သည်တွေပဲလေဆိုပြီး အားမတန်မာန်လျှော့ရဖန်များလာတဲ့အခါ။

ကျားကုတ်ကျားခဲကုတ်ထားရသည့်နေရာလေးအတွက် ဖေးမမှု၊လက်တွဲခေါ်မှု၊ညှာတာမှုဆိုတာတွေကို ဘေးဖယ်ထားပြီး အတ္တတွေအရောင်လက်သည်ထက်လက်ဖို့ ။

“ သိပ်တကိုယ်ကောင်းဆန်တဲ့ မိန်းမ ”

“ လူကသာ ဘာမှမဟုတ်တာ ဘ၀င်လေဟပ်နေတဲ့ ဘ၀င်ရူး ”

“ ဟန်ပါကွာ အတွင်းမှာ ပုတ်နေတာ ”

ဆက်နွယ်ပတ်သက်လာသူတိုင်း၏ တူညီသောမှတ်ချက်။

အရှိန်ကောင်းကောင်းနဲ့ လိမ့်ချင်တိုင်းလိမ့်နေတဲ့ ဖြူ၊ ဖြူပေါ့ဆမိသော စာရင်းကွာဟမှုငွေပမာဏ ကြောင့် ခုလိုမျိုး အသိဥာဏ်မဲ့သည့် ရှောင်ပြေးသည့်နည်းလမ်းကို ရွေးချယ်ခဲ့သည်လေ။ ဖြူမတွေးချင်တော့။

ဆက်မတွေးနိုင်တော့။မျက်ရည်ပူတွေသာ ခေါင်းအုံးလေးပေါ် ရွှဲရွှဲစိုသွားသည်။

xxxxx

“ တကယ်တော့မမရဲ့ တယောက်တည်းနေတာမကောင်းဘူး။ ခင်ရာဆွေမျိုးပေါ့။အခန်းဖော်ရှိတော့ အလုပ် ထဲမှာမပေါက်ကွဲရ တဲ့ ခံစားချက်တွေဖွင့်ထုတ်လို့ ရတယ်၊ အကြံဥာဏ်ယူလို့ ရတယ်၊ ဘေးမှာသက်ရှိ လူသားရှိနေတယ်ဆိုတဲ့ အငွေ့ လေးလိုတယ် မမရဲ့။ ”

ပန်းသီးအခွံနွှာရင်း ပေါက်ပေါက်ဖောက်နေသော ထိုကလေးမလေးသည် ဖြူငှားနေသောအိမ်သို့ ပြောင်းလာတာ  လပိုင်းသာရှိသေးသော ကျောင်းသူတစ်ဦးဖြစ်သည်။ နံနက်ကျောင်းမသွားခင် ဖြူ့ဆီခဏ၀င်ပြီးနေ့  လယ်အတန်းပြီးရင်တော့ တော်တော်ကြာရှိနေတတ်သည်။

“ ညီမလေးဖြင့် တနေ့ ခင်းလုံး ဘွတ်ရွှတ်ပလွတ်တွေကြားနေ၊ ပြောနေရတာ ခုလိုကိုယ့်စကားကို   အားပါး တရ ပျစ်ပျစ်နှစ်နှစ်ပြောလိုက်ရမှ နေသာထိုင်သာရှိတော့တယ်။ ”

ဖြူ့ကိုလည်းပန်းသီးတစ်စိတ်ပေး၊ သူ့ ပါးစပ်ထဲလဲတစ်စိပ်ထဲ့ ညီမလေး၊ ညီမလေးချင်းမွှန်နေတဲ့ ကလေးမ လေးကို ဖြူသတိမထားမိလိုက်ခင်မှာပဲ ညီမလေးဟုခေါ်မိသွားသည်။

“ မမ ကစပ်စုတာမကြိုက်ဘူး ညီမလေးရဲ့၊ အထူးသဖြင့်သူတပါး ကိုယ်ရေးကိုယ်တာကိုပေါ့၊ နောက်ပြီး မသိ တတ်တာ၊ ညဉ့်နက်သန်းခေါင်မီးမပိတ်တာ၊ ရည်းစားနဲ့ ဖုန်းပြောတာ၊ အွန်လိုင်းမှာရုပ်ရှင်ရိုက်တာ”

“  တခါတလေ ဖိုးလမင်းကြီးက ထမင်းဆီဆမ်းရွှေလင်ပန်း မပေးလို့  စိတ်ကောက်နေမဲ့အစား သူ့ အလင်း ဖြာလို့ အေးမြရတယ်ဆိုပြီးတွေးရတယ် မမရဲ့။ ”

ညီမလေးသည် ကြိုးတစ်ချောင်းဆို သံယောဇဉ်အမျှင်တန်းများကြားမှာ ရစ်နှောင်ပိတ်လှောင်တတ်သည့်နှောင်ကြိုးမျိုး မဟုတ်တာသေချာသည်။ ညီမလေးအလင်းသည် ဖြူ့ကိုသာကွက်လင်းသည့် ညမီးတိုင်လို အလင်းမျိုးမဟုတ်ဘဲ လမင်းလိုဖြန့် ကျက်လင်းသည့်အလင်းမျိုးဖြစ်သည်။အခွင့်သင့်ရင် ညီမလေးတစိတ် တဒေသ အားဖြည့်နေသည့် လူမှုရေးအဖွဲ့ အစည်းလေးမှာ အသင်းဝင်ဖို့ ပူဆာရအုံးမည်။

နာရီလက်တံတွေကို နောက်ပြန်လှည့် အတိတ်ကိုစောင်းငဲ့ကြည့်လိုက်ရင် မနေ့ တနေ့ ကလိုပါပဲ။ ဆေးရုံက

ဆင်းလာပြီး ဖြူ့ကိုငြူစူ အခန်းဆက်မငှားချင်တော့တဲ့အိမ်ရှင်အပေါ်လဲအပြစ်မြင်မနေတော့ဘဲ ညီမလေးနဲ့  ဘေးချင်းယှဉ်လျက်အသက်ရှူခွင့်လေး လို့ တောင် သဘောထားတတ်လာပြီ။

“ အမှားကင်းတဲ့သူဆိုတာ ဘယ်မှာရှိနိုင်မှာလဲ။ တကယ်လို့လူတစ်ယောက်က လုံးဝမမှားဘူးဆို ပုံမှန်အခြေ အနေမဟုတ်ဘူးလို့ တောင် သံသယ၀င်နိုင်တယ်။ အေးငါတော့ဒီလိုဒီလိုယူဆလို့ မှားသွားတယ်။ဘယ်လို တာဝန်ယူပေးရမလဲ။ မမှားဖူးတဲ့သူရှိရင် ငါ့ကိုပြ။ ဒီလိုဆို ရှောင်ပြေးချင်တဲ့ မ၀ံ့မရဲစိတ်တွေ အဝေးပြေးကုန်မှာ အသေအချာပေါ့။ ”

တနင်္ဂနွေပိတ်ရက်တချို့ မှာ ထမင်းမြိန်စေမဲ့ မြန်မာဟင်းလျာများကို ချက်ပြုတ်ရင်း ညီမလေးပြောတဲ့ ဒသန တချို့ပါ။ဖြူကတော့ ထောက်ခံသည်လည်းမဟုတ် ဆန့် ကျင်သည်လည်းမဟုတ်ဘဲ မီးဖိုချောင် ထဲမှာ ငရုတ်သီးပဲဖြစ်ဖြစ်ခေါင်းငုံ့ ထောင်းလို့ နေမည်။

“ ကိုယ့်စိတ်နဲ့ မတွေ့ တိုင်းသာ ပတ်ဝန်းကျင်ကိုပစ်ပယ်ရမယ်ဆို အပေါင်းအသင်းဆိုတာ ဘယ်မှာလာ ရှိတော့မှာလဲ။ ဒီလိုပဲ ရန်ဖြစ်လိုက် ပြန်ချစ်လိုက်ပေါ့။ ”

အဲလိုပေါ့ပေါ့ပါးပါးပြောပြီးလဲ ရယ်နေတတ်သေးတယ်။

ခုတော့ ဆယ်စုနှစ် နှစ်စု မက ကွယ်ပျောက်နေတဲ့ အပြုံးမျိုးလဲ ဖြူ့ မျက်နှာမှာ ပြုံးနိုင်ပြီ။ တကယ်တော့  လောကကို မျက်မှန်စိမ်းတပ်ပြီး ကြည့်ရင်မြင်မြင်သမျှအစိမ်းချည်းနေမှာ။ကိုယ့်ကိုလက်မကမ်းလဲ ကိုယ်ကဆွဲကူသင့်ကူရမယ်။လူအဖြစ် မွေးဖွားလာပြီးမှတော့ ပျော်ပျော်ရွှင်ရွှင် ကိုယ့်ဘေးကသူတွေကို ဖေးမပြီး ရှင်သန်သွားသင့်တယ် မဟုတ်လား။

xxxxx

သွားတော့ ညီမလေးရေ… ညီမလေးရည်မှန်းထားတဲ့ ဒီကျွန်းနိုင်ငံလေးရဲ့အဝေး ဟိုးတက္ကသိုလ်ကြီးမှာ ပညာတွေဆက်လက်ဆည်းပူးရင်း…။မမ ရင်ထဲမှာအမှန်ကိုလင်းနေပြီမို့ စိတ်ဖြောင့်ဖြောင့်နဲ့ သာ ပျံသန်း လိုက်ပါတော့ ညီမလေး…။ ခပ်ပြင်းပြင်းအသက်ရှုပြီး လေပူတွေကိုမှုတ်ထုတ်လိုက်တဲ့အခါ ညစ်ထွေး နောက်ကျိစိတ်တွေစီးမျောသွားပြီး လေဆိပ်အပြင်ဘက်ဆီ ဦးတည်နေတဲ့ခြေလှမ်းများက အလွန်ကိုပေါ့ပါး

သွက်လက်နေပါသည်။

( ခုရက်တွေမှာ " ဖြူ " လိုမျိုး သူတချို့နဲ့ ဆုံစည်းဖန်များလာတဲ့အခါ သူတို့ နားမှာ " ညီမလေး " လိုလူမျိုးတွေ ရှိခဲ့ရင်လို့ …… တွေးမိတဲ့အခါ ဒီစာစုလေးကို ရေးဖြစ်သွားပါသည်။)

6.5.2013

6:00 P.M

Monday

ရင်ငြိမ်းသူ