ညမွှေးပန်းလေးရဲ့နွမ်းလွင့်ရာသီ

ဒီနေရာမှာရပ်နေတာ

ဒီအရိပ်မှောင်ရဲ့စာကြောင်းတွေအပေါ်သာယာနေတယ်လို့များထင်လား။

တွန့်ကွေးနေတဲ့အရေပြားပေါ်က

ဆာလောင်မှုဖြေဖျောက်မယ့်နာရီအတွက်

နောက်ဆက်တွဲဆာလောင်မှုတွေငြိမ်းစေတယ်။

သုံးဆယ့်နှစ်ကောဌာသအမြှောက်ခြောက်

ညီမျှခြင်းထိုးထိုးပေးဖို့

ညရဲ့မီးကလမ်းမှာမှိန်နေရမယ်လေ။

လေချွန်သံတွေရဲ့အလိုက်ကိုနံပါတ်ဖတ်နိုင်မှ

မနက်မှာနေသာမယ်။

ဖိနပ်ကိုရှပ်တိုက်ပြီးလျှောက်လိုက်မယ်။

မဆိုးချင်ပဲချောင်းခြောက်တွေမကြာခဏဆိုးမယ်။

အပေါစားရေမွှေးတွေ၊အိုင်းရှဲလ်ဒိုးတွေ၊မိတ်ကပ်တွေ၊လိုင်နာတွေ ကာလာတွေရောင်စုံခြယ်မယ်။

ထမီမကြာခဏပြင်ဝတ်မယ်။

အခမဲ့ဖောက်သည်တွေကိုအဆစ်ပေးရမယ်။

အာရုံတွေရဲ့ကျက်စားမှုကို

တစ်ဆယ်လား ခုနှစ်လား အပွင့်ဆွဲတတ်မှ

လာဘ်တစ်ပါးတိတ်နေတဲ့ နောက်ဆက်တွဲအာရောဂျံအတွက်

မနက်ဖြန်ဝါးခထဲ ဆေးဖိုးအလိုက်ထည့်နိုင်မယ်။

တွေတွေငေးငေးဆိုစီမံကိန်းခရီးနဲ့နီးမယ်။

အပေးအကမ်းအရက်အရောနဲ့

အပိုင်စားတွေနဲ့ပလဲနံသင့်အောင်ပေါင်းရတယ်။

နောက်မှာရပ်နေတဲ့အသက်ရှုသံကများတော့

မဖျားမနာအောင်ညကိုဂရုစိုက်နေရတယ်။

ပြောခဲ့ပြီးပါပြီကော...

အခြေခံသင်ယူရေးကသုံးရာသီအိမ်ကွင်းမှာပြီးတယ်။

ဥတုမမှန်တဲ့မိသားမစုဂရပ်မှာ

ကျန်တဲ့ရာသီများကတော့ နေကုန်ရေခန်းအဝေးကွင်းတွေပဲ။

မိသားစုအိမ်မက်ကိုသွေးသစ်လဲဖို့

အပျိုပေါက်အရွယ်နဲ့

ရန်ကုန်တောနက်ကြီးထဲ ဟင်းသီးဟင်းရွက်လာခူးတယ်။

ကူညီရေးကျားတွေရဲ့မျက်နှာဖုံးကသေသပ်တိကျတယ်။

ကျောတစ်ချစာနေရာနဲ့

စက်မှုဇုန်ရဲ့ဖယ်ရီတွေကြား

ကူးချည်သန်းချည်နဲ့ ညည့်နက်ခဲ့တယ်။

ရော်.....ခက်ပါပြီကော။

အစစအရာရာမဦးဆိုတော့

အင်ဂျင်ခန်းမှာအံကြိတ်စက်မောင်းခဲ့ရတယ်။

အရေးသုံးပါးရဲ့လှိုင်းကကြမ်းတော့

သိသာသိမြင်မကြည့်မိစေနဲ့ပေါ့။

ဆက်သွယ်ရမယ့်ဖုန်းက တစ်ခါခေါ်ငါးရာ။

အလုပ်ဖြစ်မှဆက်ဆက်ခေါ်။

အမြဲတမ်းနေ့နေရပ်က

တောင်ဒဂုံဆယ့်နှစ်ပေပတ်လည်တစ်လသုံးသောင်း

ဒီစာကြောင်းမှာကျောက်ချရပ်ရင်း

ဟိုအကြောင်းနဲ့..ဒီအကြောင်းနဲ့

သောင်းပြောင်းထွေလာရင်မောစရာဘ၀ပဲ။

အခုလား....။

မတွေ့ဖြစ်တာသုံးနှစ်ရှိပြီ။

အလွမ်းသား..သတိရသား။

ဘ၀ပေးကံကကောင်းမှမကောင်းတာ။

အငယ်ကောင်လေးဆိုတော်တော်တွယ်တာတယ်။

အမေကတော့ မျက်ရည်တွေနဲ့

ငါ့သမီးကြီး သေပြီလို့ပြောထားတယ်။

တွေ့ချင်တာပေါ့။

နောက်ဆုံးလေရှုပုံလေးမကွဲခင်

အမေရေလို့ အားရပါးရဖက်ပြီးငိုလိုက်ပါရစေ။            ။

ကေဇော်မိုး

(သုခရိပ်မြှုံမှာ  ညီမငယ်လေးတစ်ဦးသို့)